Baltic Romani: unfoldingWord® Open Bible Stories

Updated ? hours ago # views See on DCS Draft Material

29. Роспхэнэлпэ пал нанэ ковло ило бутярнэско

OBS Image

Екхвар Петро пуча кэ Иисусосо: «Учителё, скитцык молы мэ трэби тэ простинав мирэс пшалэс, сыр ёв кэрэл бэзэх мангэ? Эфто молы?» Иисус пхендя: «На эфто молы, а эфтодэш молы по эфто!» Иисусо пхэндя, со амэ трэби тэ простинас сарэн бут молы. Тэнче Иисусо роспхэндя дасави история.

OBS Image

«Дэвлытко Царство счурдэлпэ сыр царё, саво закамья, соб лэскирэ бутярнэ тэ выпокинэн лэскэ сарэ пэскирэ бангипэна. Екх бутярно сыс бут банго 200 000 бэрш трэби тэкэрэ буты соб тэ отдэ бангипэн.

OBS Image

Дякэ сыр кэ бутярно на сыс со тэ отдэ, царё пхэндя: «Бикнэн дэ рабы, адалэс манушэс и лэскири семья, соб тэ отдэл бангипэн».

OBS Image

Тэнче бутярно пэя ангил царёстэ пэ чанга и лыя тэ мангэл лэс: «Подужакир мангэ, и мэ выпокинава саро, со тукэ банго». Царёстэ росковлыя ило и ёв пхэндя «На трэби тукэ тэ рискирэ бангипэн мэ лэс тукэ простинав».

OBS Image

Сыр бутярно выгия царёстыр, ёв удукхья авирэс бутярнэс, саво сыс банго лэскэ. Адава бангипэн сыс сыр покинэн пало штар чёна буты. Бутярно вхтылдя лэс поло колын и пхэндя «Отдэ мангэ мирэ ловэ, савэ ту мангэ банго! «

OBS Image

Одова пэя лэскэ пэ чанга и лыя тэ мангэл лэс: «Подужакир мангэ набутка, и мэ отдава саро, со мэ тукэ банго» Нэ ёв чурдыя лэс дэ бэшибэн, тэ отдэл лэскиро саро бангипэн.

OBS Image

Авир бутярнэ удыкхнэ, со кэрдяпэ, и лэнгэ адава на чалыя. Ёнэ гинэ кэ царё и саро роспхэндэ лэскэ.

OBS Image

Тэнче царё кхардя долэс бутярнэс и пхэндя: "Ту захало бутярно! Мэ умэкьём тукэ бангипэн, пал дова со ту мангьян ман дрыван. Соскэ ту на умэкьян лэскэ сыр мэ тукэ". «Царё росхолясыя, и чурдыя захалэс бутярнэс дэ бэшибэн, кэ дова сыр ёв отдэла саро пэско бангипэн».

OBS Image

Иисусо пхэндя: «Адякэ кэрэла Миро Болыбнытко Дад, сарэнса кон на простинэла пэскирэн пшалэн сарэстыр илэстыр».

Библейско история из Еванглия от Матфеёстыр 18:21-35