Baltic Romani: unfoldingWord® Open Bible Stories

Updated ? hours ago # views See on DCS Draft Material

36. Иисусо откэрдяпэ Дэвлэса

OBS Image

Екхвар Иисусо гия пэ учи бэрга, соб тэ помангэпэ. Ёв лыя пэса тринэн пэскирэн ученикэн: Петрос, Иаковос и Иоаннос, саво исыс ученико Иисусоско, а нанэ Иоанно, саво болдя Иисусос.

OBS Image

Сыр пэ бэрга Иисусо мангэласпэ, Лэскиро муй кэрдяпэ, сыр кхам. Лэскирэ идя кэрдяпэ дрыван парны, сыр ни екх мануш пэ пхув на кэрэла дасаво парныпэн.

OBS Image

И явнэ Моисеё и пророко Илия, савэ дживэнас бут бэрш палэ. Сыр сыкадэпэ пэ бэрга, ёнэ ракирэнас Иисусоса пал дова сыр Ёв мэрэла дэ Иерусалимо.

OBS Image

Сыр Моисеё и Илия ракирэнас Иисусоса, Петро пхэндя Иисусоскэ: «Амэнгэ адай дрыван куч! Кэраса трын шатры: екх — ваш Тукэ, екх — ваш Моисеёскэ и екх — Илияскэ». Дарастыр Петро кукоро на полэлас, со ракирэлас.

OBS Image

Сыр Петро ракирэлас, пэ лэндэ згия сияющё облако и облыя лэн. И облакостыр исыс лава: «Ада — Миро Чаво, Савэс Мэ камам! Мэ лошало Лэса. Шунэнте Лэс». Трин ученики дрыван здарандынэ и пэнэ муеса пэ пхув.

OBS Image

Тэнче Иисусо лыяпэ пал лэндэ и пхэндя: «На дарэнте! Вштэнте!» Ёнэ подыкхнэ ангил пэстэ, нэ на удыкхнэ никонэс исыс екх Иисусо.

OBS Image

Тэнче Иисусо тринэ ученикэнца згия бэргатыр. Ёв пхэндя лэнгэ: «Никонэскэ на роспхэнэн пал дова, со адай исыс. Сыго Мэ мэрава, а тэнче рисёвава кэ джиипэн. Тэнче ту мэ роспхэнэна пал дава манушэнгэ».

Библейско история из Евангелия Матфеёстыр 17:1-9, Евангелия Маркостыр 9:2-8 и Евангелия Лукастыр 9:28-36