Baltic Romani: unfoldingWord® Open Bible Stories

Updated ? hours ago # views See on DCS Draft Material

22. Сыр бияндяпэ Иоана

OBS Image

Бут бэрша Дэвэл ракирэлас Пэскирэнса пророкэнса, соб ёнэ тэ пиридэн Лэскирэ лава манушэнгэ. Нэ тэнче явнэ 400 бэрш штылыпэн, дэ далэ бэрша Ёв нисо на ракирэлас манушэнгэ. И Дэ екх дэвэс Дэвэл бичядя ангелос кэ рашай савэс кхарэнас Захария. Захария и лэскири ромны Елисавета полэнас Дэвлэс. Сарэ дуй ёнэ ужэ исыс дэ бэрша и лэндэ на сыс чаворэн.

OBS Image

Ангело явья кэ Захария, сыр ёв исыс дэ Храмо, и пхэндя: «Кэ тыри ромны биянэлапэ чаворо. Ту дэса лэскэ лав Иоанно. Дэвэл бичявэла пэ лэстэ Свэнто Духо, и Иоанно подготовит манушэн кэ дова сыр явэла Мэссия»! Захария пхэндя: Сыр мэ тэ уджинав кай дава авэла? Амэ ромняса дрыван пуранэ, соб амэндэ тэ авэн чаворэ!»

OBS Image

Ангело пхэндя лэскэ: «Ман бичядя Дэвэл, соб мэ тэ пхэнав тукэ лачо лав. Пал дова со ту на патяндыян мирэ лавэскэ, ту на лэса тэ ракирэс кэ дова сыр на биянэлапэ чаворо». И Захария пирьячья тэ ракирэл. Ангело угия, а Захария рисия кхэрэ. Сыго лэскири ромны запхария.

OBS Image

Сыр Елисавета исыс пэ шовто чён пхари, одова ж ангело явья кэ пэскири манушны Елисаветаки, савья кхарэнас Мария. Мария сыс чаёрьяса, засватано пало манушэстэ савэс кхарэнас Иосифо. Ангело пхэндя: «Ту авэса пхари биянэса чаворэс. Дэ Лэскэ лав Иисусо. Ёв авэла Чаво Дэвлэскиро и авэла хуласа вечно».

OBS Image

Мария пхэндя лэскэ: «Сыр адава авэла, сыр мэ исын чаёри?» Ангело пхэндя: «кэ ту явэла Свэнто Духо, и Дэвлэски зор зджяла пэ тутэ. Пал дова Чаворо авэла свэнто, Ёв авэла Дэвлэскирэ Чавэса». И Мария патяндыя дэ лэскэ, со пхэндя ангело.

OBS Image

Сыго Мария гия кэ Елисавета. Сыр Мария поздоровалась ласа, чаворо Елисаветако злошалыя и замардяпэ дэ латэ. Свэнто Духо сгия пэ Елисаветатэ, и ёй полыя, со паш латэ тэрды дай саво явэла Мессия. Джувля исыс лошалэ и благодарили Дэвлэс пал дова, со Ёв кэрдя ваш лэнгэ. Мария исыс кэ Елисавета трин чёна, и рисия кхэрэ.

OBS Image

Прогинэ дэвэса и Елисавета бияндя чаворэс. Захария и Елисавета кхардэ чаворэс Иоанноса, сыр пхэндя лэнгэ ангело. И Дэвэл кэрдя со Захария заракирдя. Захария пхэндя: «Славлю Дэвлэс пал дова, со Ёв явьян кэ пэскирэ мануша и зракхья лэн! Ту, миро чаво, авэса Дэвлэскирэ пророкоса. Ту роспхэнэса манушэнгэ пал дова сыр мануша явэна прощёна пэскирэ бэзэхэндыр!»

Библейско история Лукастыр глава 1