11. Kal kân kût Ruai

Pathianin Farawa hniangah Israelhei ân kaltir a awi nai naw chun Aigupta mihriam nâi hmasak chem ipa nih an ran piang hmasak chem a chalhei kapai chu a that rit ding a chang ti a hril lawk a. Farawan ma thu chu a hawia, changhomsiala Pathian chu ala ring awi nai naw a.

Pathianin a thu iring taphot hei chu an nâi lutir hei sanhim dingin rem a ruat pek a. Insûng tinin berate mawh awle kelte maw demkailoi chu an that ding a chang ti in.

Chun Israel hei chun an kot banga nawle an kot lua chun berate maw awle kelte thisen chu i tât an ti a. Ma sa chu i em hmin an ti a, chol ṭangloi bai rek chun inhmaw fekan fang an ti a, an fak lai vu hom chun Aigupta ram chu suak khal thei an tih ti in.

Pathianin thaw dinga a hril kapai chu Israel hei chun an thaw a. Zân an ril lai mat chun Pathian chun Aigupta ram sûng kapai chu a sir suaka, an nâi lutir kapai chu a that pêk rit a.

Israel hei chun an kot banga nih a lua chun thisen an tât leiin Pathianin an inhei chu a kan tiama, insûnga om hei chu an him ta rit a, Berate thisen lei chun an him ta a chang.

Changhomsiala Aigupta mihei chun Pathian chu an ring ve naw a, a thupek hom an pom naw a. Maleiachun Pathianin an inhei chu a kan pek ve naw a. Aigupta nai lutir ipa nih an ran piang hmasak a chal phot chu a that pek rit a.

Aigupta nâi ipa taphot, lung ina intang nâi ipa piang hmasak chem aṭangin Farawa nâi lutîr ipa a riin a that fâi rit a, Aigupta ram sûng kapai chu ṭap rihaiin a sip ta a chang.

Ma zan chun, a zân azânin Mosia nih Arona chu Farawan a koi a, “Israel hei chu ṭhui unla Aigupta ram hi a rang thei angkan suak khal roi,” a ti a. Aigupta mihei hom chun Israelhei chu suak nghal dingin an tuang dar ta a.

Bible chanchin aṭanga lâksuakxodas bung 1:1-12:32