12. Kalsuakna Thu

Israelhei chun Aigupta ram chu an suak khal thei tâk leiin an law mêm êma. Sala intâng an chang tak naw a, Pathianin Abrahama thlahei hnianga a loi intiam, ram tiam rama chun an kal ding a chang tak leiin. Israel heiin Aigupta mihei hniangah an ihni taphot rângkachak, tangkarua nih thil hman hlu fê fêkahei chu an pêk a. Hnam dang mihei homin Pathian an ring ve leiin Israel heiin Aigupta an suak khal lai han an suak ve a.

Pathianin sûna sûm ngîrin a hruaia, zâna mei ngîr insâng fêkan a hruaia. Anin zin sûng kapai chu Pathianin a hruaiin a ompui tir a. Ani chu an zui ding nih an ompui ding omsûn chu a chang.

Hun tawika hnung chun Farawa nih a mipuhei chu an lungril ân thleng thuta, Isarel hei chu bawia siam awi nawkin an um ta chiama. Pathian chun Farawa nih an pathian hei hnêkin thil a thawthei zia nih a roiinpui zia ân langtir awi leiin Farawa lungril chu a inkhirtiir a chang.

Kachun Farawa nih a sipaihei chun sala siam an tum nawk leiin an um ta tham a chang. Israel heiin Aigupta sipaihei chu an hei hmu chun Tuipui sen nih Farawa sipaihei inkâra inchepin an om ti an hawi suaka, an ṭi tam êm êma. “I dinga Aigupta ram ha ei isuak khal mawh a chang? Ei thi zoi ding a chang hih,” ti in anin khêk a.

Mosian mipui hei hnianga chun “Ṭi naw roi! Vawn hin Pathianin nangni sansuak a tih, nin ta dingin doi a tih,” a ti a. Chun Pathianin Mosia hnianga chun, “Mipui hei hi Tuipui sen tiang inthîl dingin hril rawh,” a ti a.

Aigupta mihei chun Israel mipui hei chu an hmu thei loina dingin Aigupta nih Israel hei inkâra sûm ngîr ha ân tawl tir a.

Tuipui sen ha ân ṭhen theina dingin Pathianin Mosia hnianga chun a kut phar dingin thu a pêk a. Tuipui inlaina taka chun lampui a om theina dingin tuipui chu voi tiang nih chang tiang chun thlipuiin ân sêmtir ta a.

Israel hei chun tuipui chu ṭuang angka khopa om, rinêng hula chun an sîr tiang ve ve bang angka khopa om inkâra chun an kal ta a.

Kachun Pathianin sûmpui chu ân kâng tir a, Aigupta mihei chun Israel hei chu him vaikan an suak ti an hawi chun an um tir ta a.

Aigupta mihei chun Tuipui sûnga chun Israel hei chu an um ta tir a. Changhomsiala, Pathianin Aigupta mihei chu ân buatir a, an tollailîr phei hei chu a lâk pêk a, intak fêka chun an khal tir a. “Rawkhal mai ei tih, Pathianin Israelhei chu a ṭangpui a chang hi,” an ti a.

Israel hei chu him vaikan vahmuang an kâi chun Pathianin Mosia hniangah a bân phar nawk dingin a ti a. A hang phar nawk chun tuipui chun Aigupta sipaihei chu ân khûm a, tuipui chu a pangaiin a hong luang nawk ta a. Aigupta sipai kapai hei chu tuia chun an thi ta rit a.

Israel heiin Aigupta sipaihei chu an thi ta rît ti an hmu chun Pathian chu an ring ta a, Mosia hom chu Pathian zawlnei a chang ti an ring ta a.

Sala ṭang nih thina aṭanga Pathianin a sansuak zia an hmu chun an lawm ta fe a, hlim êm êmkan an phûr ta a. Tun chun zalen fêkan Pathian an biak thei ta a, an zalenna lawmin hla tamka an sak thei ta a chang. Zalenna thar an nei tâk leiin Pathian chu an inpâk ta a.

Aigupta sala ṭang nih a doi pêka a hne pêk leiin Pathianin Isarel hei chu kum tin Kalkân ruai hmang ding nih inser dingin thu pêk a. Kalkân ruai chu berate dem kailoi thatin bai chol ṭang loi nih Aigupta sala ṭanga a sansuakna lawmin anin ser ṭhin a chang.

_Bible chanchin aṭanga lâksuak Exodas bung 12:33-15:21 _