داستان3

"توفان" نچ ایلن سوراآداملاریرایسنن چوخ ال لار.انارچوخ خشن و ستم ادیلرده.بعدالاه تصمیم توده که تمام یربیربیگ سیلینن نابوداده. بوارتادا نوح الاه مورد لطف قرارتوده.ابیرخوب کیشه ولی دوروبر نیلرپسیدلر.الاه تصمیم ی که تودمشده نوح دده.انوح بویورده که بیربیگ قایق دیزده که طول 140 متروعرض23 متر،ارتفاع 13/5ال. نوح کشتی سرواقاجینن دیزده کشتی سه طبقه یده و چوخ اتاق واریده اتاق لره پنجره واریده کشتی نوح و خانواده س ایچیده و وارنوع جانواراپارایچین. نوح الاه دن اطاعت اده. نوح ایچ اقول کشتی ا ل اطور که الاه سرده دیزدلر. اکشتی دیزدگ نچ ایل طول چکده چون چوخ بیگیده .نوح خلق دده که سیل گلروسیز الاه طرفن بیکیلین ولی انارنوح گپن باورادمدلر. الاه دستور ورده نوح به اندازه از خانوادس و جانوارلر ایچ خوراک گتر.وقتی وارزاد اماده ال ،الاه نوح دده : الان وقت ده که سن اروادین و ایچ اقولی و گلن لری گدیز کشتی ایچن انار سکز نفر یدلر. الاه هرنوع جانوار دن بیرجفت ارکگ و بیرجفت ماده نوح طرفن یولاده .پس انارباشاریلرده گدلرکشتی ایچن که سیل گلن اناردر امان الالر.الاه نوح ایچ جانواری که ات حلال یده اده جفت ارکگ و اده جفت ماده یولاده قربان لیگ ایچ .وقتی انار گدلر کشتی ایچین الاده کشتی درن انار ایسن باقلاده. یاقش شروع ادیاقدگ .قرخ گج گینزیاقش بدون نفس الگ یاقده !سویواش یواش یرایسن توتیرده .وارزاد حتی داغ لارکه اوزونی دگدلرسو التن. وارجانوارلرقورلیگدزندگی ادیلرده هلاک اللر،بجز نوح و خانواد س و جانوارلرکه کشتی ایچن یدلر.کشتی سو ایسن شناورال ولی هر نم که کشتی ایچینیده غرق الیگدن در امانی د. وقتی یاقش قطع ال کشتی بش ای سو ایسن شناور یده و بالاخره کشتی بیرگین بیر داغ ایسن تورده داها حرکت ادمده.بومدت ایچن سوگده اشاق ولی جهان هنوز سو التنیده.ایچ ای دان سورا داغ لرنوک تازه الاین ال. قرخ گینن سورا نوح بیر قارقایولاده گده باخ گرگ یر قورمش یا یو.قارقاگیده وار یر گزده ولی قوره یربولماده. انان سورا نوح بیرگی ارچن یولاده .ولی گی ارچن باشارماده قوره یربولاه ،بعد نوح یانن بیکل .بیرهفته دن سورا نوح ال اگی ارچن گن یولاده، ابیرزیتونی تازه برگینن که منقارینن تودمشده کشتی یانن بیکل !سو فرو گدمشده و ات لر رشد ادمشدلرده نوح بیر هفته داها منتظر قال گن ال اگی ارچن ایچمک دفعه ایچ یولاده یر سو ی قورمشده و گی ارچن بیر قوره یربلسه ایچ بولمشده. ایکی ایدان سورا الاه نوح بویورده : " سن، خانوادی و واره جانوارلر کشتی دن چخی. اوشاقل الی و اوشاق گتری ویره دلری" پس نوح و خانوادس کشتی دن چخدلر. انان سورا که نوح کشتی ترک اده ،قربانلگ یر دیزده و هرنوع جانواردان و پرنده ات حلال یده الاه قربانلگ اده.الاه نوح ایشنن خشنود ال و انی خاندانن برکت ورده . الاه بویورده و وعده ورده که : "من بیر هورداها یربخاطر اداملاری پس ایش که انجام وریلر و بخاطر که اداملار که جاهالیگدن ایرگ لر گناه طرفن گدیلرلعنت ادمم." پس الاه بیر خوب رنگین کمان نشانه ایچ گی قویده .هرموقع رنگین کمان گیدالاین الیرده،الاه پیمانی که اداملارینن باقلامشده یادن دیشیرده. بو داستان مقدس کتابنن توتولمشده: پیدایش کتاب فصل 6و8

__