داستان 26

"عیسی خدمت نی اول" بعد از بو که شیطان وسوسه ن غلبه اده، عیسی روح القدوس قدرتی نن جلیل استانن ویری که زندگی ادیرده، بکیله.ا بو کنن ا کن درس وردیک ایچ گدیرده. وار کس انی خوب لگینن یاد ادیلرده. عیسی ناصریه گد یری که اشاقی لگ دورانن اردا گچر دمشده. سبت گین، پرستش ایچ عبادتگاه گد. اردا اشعیاء نبی کتابن وردلر که بو اخیی، اطومار آچده و ا قسمت خلق ایچ اخده.عیسی بلکن اخده :« آلاه روحن من ورمش تا باشارم اونی خبرن بینوا لر، آزادی اسیر لر ایچ و گردیک کورلار ایچ و مظلوم لر ایچ رهایی اتشدرم. ا زمان اتشمش که آلاه خلق از مورد لطفن قرار ور. پس عیسی اتورده وار کس ان باخیلرده. انار بیلیلرده که بو آیه که مقدس کلامنن عیسی اخده، مسیح موعود در بارسن دانشیر. عیسی دده :"بو گین کلامی یازدگ انجام ال. " وار خلق تعجب ادمشدلر : " مکرا کس یوسف اقول دیی؟" بعد عیسی دده: حقیقت بوده که هچ نبی از شهر ایچن احترام گرمیر! پیغمبر ایلیا دوران، بیوه آرواد چخیده ولی وقتی که ایچ ایل یارم یاقش یاقماده، آلاه الیاس اسرائیلی بیوه آرواد لره یانن یولامده، بلکه ان آیره شهر ایچن بیر بیوه آرواد یانن یولاده. عیسی ادامه ورده که: الیشع پیغمبر دورانن، اسرائیل ایچن چوخ آداملار جزام مریض لگن دچار اللر. ولی الیشع اناری هچ بیرن شفا ورمده،ا فقط نعمان سوری که اسرائیل دشمننی فرمانده سیده شفاورده. » اناری که عیسی گپن قولاق آسی لار، یهودی دلر وقتی انار انی گپن هشدلر چوخ ناراحت اللار. » ناصره آداملاره عیسی عبادتگاهرن یازیی جکدلر و ان صخره نوکن آپار دلرتا اردن آتالار آشاق و الرلر. ولی عیسی انار آراسنن گشده و ناصره شهر ن ترک اده. بعد عیسی کل ا منطقه دور تا دورن گزیرده و چخ جمعیت لر انی طرفن گلیلرده. انار مریض لری که کوریدلر، آقساقلار و کر و لال لر و باقی مریض لر انی یانن گتریلرده و عیسی انار شفاوریده. چخ آداملار که پس روح گرفتار المشدلر عیسی یانن گتریلرده عیسی فرمانینن پس روح لر خلق بدنن چخ یلرده و داد و اوریلارده :" سن آلاه اشاقی یی! " جمعیت تعجب ادیلرده و آلاه ستایش ادیلرده. ا موقع عیسی ان ایکی کیشه انتخاب اده که انار عیسی شاگرد یدلر. ا شاگرد لر و رسول لر عیسی نن مسافرت گدیلرده و انن چخ درس لر ارگنیلرده. بو داستان مقدس کتابن توتولمش: متی انجیل فصل 4 آیات 12 تا 25 مرقس انجیل، فصل های 1 آیات 14 و 15 و 35 تا 39:فصل3 آیات 13 تا 21 لوقا انجیل، فصل 4 آیات 14 تا 30 و 38 تا44

__