داستان 37

"عیسی ایلعازر که المشده درده" بیر گین عیسی هشده که ایلعازر پس مریض المش، ایلعازر و ایکی باج س که آدلاره مریم و موتایده عیسی نی یوق یولاشلاریده. وقتی عیسی بو خبر هشده : دده : "بو مریض لگ ان الرمز، بلک آلاهی بیگلگ و جلال الار" عیسی با وجودی که انار چوخ سیرده، ولی اگند ایکی گین داها تورده ایکی گینن سورا عیسی شاگردلرن دده : "گلبی یهودی بکیلگ" ولی شاگردلر ددلر: "آی استاد، نچ گین مونن ایلریده که یهود سران سلرده سن الا رلر!" عیسی انار جواب لرن دده : "بیزم یولاشمز ایلعازر پادمش و من گدیرم تا ان ایاردم. " عیسی شاگردلر جواب وردلر : "ای آلاه، اگر ا یادمش، حال ییتر الار " بعد عیسی دده : "ایلعازر المش و من خوشحالم که انی قراق ن دیلیریم، چون سیز من ایمان گتریدیز وقتی عیسی شهری که ایلعازر ساکن یده اتشده، ایلعازر الگنن دردگین گچیرده. مرتا عیسی جلون گده و دده : "سرورم اگر بوردایری، قردشم ال ن گدمزده، ولی من ایمان وارم اگر سن آلاه دن سیی گن درلر." عیسی جواب ورده : " ا کسی که اللر، دردیرو انار زندگی باقشلیر، منم. هرکس من ایمان واره الا، اگر حتی باقی خلق تکن ال ، بیر هور داها درلر. و چون من ایمان واره، جاوید زندگی بولمش و هرگز هلاک الماز. آیا منم ددگم ایمان واری؟" مرتا جواب ورده : " هی استاد من ایمان وارم که سنن مسیح یی، آلاه اقول." وقتی مریم عیسی یانن اتشده، انی قچن دیشده و دده : "سرورم، اگربوردایدی، قردشم المزده." عیسی اناردن خبر آل : "هار ان خاک ادمشیز؟" انار جواب وردلر : "بیر مقبره ایچن، گل، گر." بعد عیسی آقلاده. ایلعازر مزاره شکفت تکنیده که بیگ داش آقزه دمن قویمشدلر. وقتی عیسی مقبره اترده انار دده : "داش وری قراق! " ولی مرتا دده : " ادردگین که المش. این داها جسد پس ایس تودمش" عیسی جواب ورده : مگر د مدم اگر من ایمان گتری، عجیب ایشلر آلاهدن گردی؟" بعد انار داش و اور دلارقراق" ا موقع عیسی گیی باخده و دده : " بابا، سن شکر ادیرم که منم دعام هشدی. بیلیرم که سن همیشه منم دعام هشدیری، ولی مون بخاطر خلقی که بوردادیرم، که ایمان گترلر، که سن من یولامشی. " پس بیگ سسی نن بویورده. "ایلعازر، گل یازیی" ایلعازر مزاردن چخده! در حالی که واره بدن کفن ایچن دلالیده و باشه و ایزده پارچینن باقلیده. عیسی انار دده : "ان آچی تاباشارا یول گد." چوخ سران آلاملاره که اردایدلر، چون بو معجزه ی گردلر عیسی ایمان گتردلر. ولی مذهب سران لر که بو واقعیت حسود لیک ادلر، جلسه تشکیل وردلر تا عیسی الردگ ایچه. نقشه چکلر. بو داستان مقدس کتابنن توتولمش : یوحنا انجیل، فصل 11، آیات 1 تا 46

__