Vlach Čergarski: Open Bible Stories

Updated ? hours ago # views See on DCS

12. Inkljistipe andar o ropstvo

Frame 12-01

E Izraelcurja sas zurale bahtale zato kaj inkljistine andar o Egipat. Nas majbut roburja, a teljardine ande obećime phuv! E Egipćanurja dine e Izraelconen sogod mangline, čak vi o rub, sunakaj thaj ostale vredne stvarja. Varesave manuša andar e aver thema počnisardine te paćan ando Del thaj teljardine pale Izraelcurja dok von inkljenas andae o Egipat.

Frame 12-02

O Del vodisardaslen e vuče stuposa katar o oblako savo džalas angle lende e đesesa a e raćasa postoilas vučo stupo katar e jag. O Del sas uvek lenca thaj vodilas len dok putuinas. Von trubuine samo te džan pale leste.

Frame 12-03

Nedugo posle godova, o Faraon thaj lesko them pokaisajle kaj mukline e Izraelconen thaj mangline te e Izraelcurja palem aven lenđe roburja. O Del ćerdas te o Faraon avel tvrdoglavo te o them šaj dićhel kaj si Vo jedino thaj pravo Del, thaj te haćaren kaj si Vo, o Jahve, maj moćno katar o Faraon thaj lešće dela.

Frame 12-04

Gajda kaj o Faraon thaj lešći vojska vijinas e Izraelconen sar palem ćerdinesas len te palem aven lenđe roburja. Kana e Izraelcurja dikhline e Egipatsko vojska sar aven, haćardine kaj si zarobime maškar e Egipatske vojnikurja thaj o lolo more. Von zurales darajle thaj čhutine muj: "Sostar inkljistam andar o Egipat? Akana merasa!"

Frame 12-05

O Mojsije phendas e Izraelconenđe: "Nadaran majbut! O Del ađes borilpe pale tumende thaj spasila tumen." Askal o Del phendas e Mojsijašće: "Phen e themešće te crdenpe paše dži ko lolo more."

Frame 12-06

Askal o Del crdas o stupo katar o oblako thaj čhutas les maškar e Izraelcurja thaj e Egipćanurja gajda kaj e Egipćanurja naštik te dikhline e Izraelconen.

Frame 12-07

O Del phendas e Mojsijašće te vazdel piro vas po more thaj te razdelil o paj. Askal o Del ćerdas bari bavlal savi phurdas po paj ando more levo thaj desno, gajda kaj pojavisajlo o drom maškaral po more.

Frame 12-08

E Izraelcurja marširinas kroz o more pe šući phuv e zidonenca katar o paj pe liduj riga.

Frame 12-09

Askal o Del crdas o stupo katar o drom te e Egipćanurja šaj dićhen e Izraelconen sar našen. E Egipćanurja odlučisardine te prasten pale lende.

Frame 12-10

Gajda kaj sledinas e Izraelconen po drom kroz o more ali o Del ćerdas te Egipćanurja uspaničinpes thaj te zaglavin pes e grastešće vordona. Počnisardine te čhon muj, "Crdentumen! Dićhen kaj o Del borinpes pale e Izraelcurja!"

Frame 12-11

Nakon so sa e Izraelcurja nakhline sigurne pe okoja rig e morešći, o Del phendas e Mojsijašće te palem vazdel pire vas. Thaj kana palem vazdas pire vas, o paj boldapes palpale pe piro than thaj potopisardas e egipatsko vojska. Thaj sasti egipatsko vojska tasadili ando more.

Frame 12-12

Kana e Izraelcurja dikhline kaj si e Egipćanurja mule, pouzdisajle ando Del thaj paćajine kaj si o Mojsije proroko e Devlesko.

Frame 12-13

E Izraelcurja sasa zurale bahtale zato kaj o Del spasisardalen katar o smrto thaj katar o ropstvo. Akana sas slobodne te služin e Devlešće. E Izraelcurja đilabadine but đilja te slavisaren piri nevi sloboda thaj te slavin e Devle kaj spasisardaslen katar e Egipatsko vojska.

Frame 12-14

O Del zapovedisardas e Izraelconenđe te svako brš slavin e Pasha sar dinesas pes gođi kaj o Del dija len pobeda pe Egipćanurja thaj spasisardaslen katar o ropstvo. Slavinas gajda kaj denas čhurjasa bakhre saves nas mana, thaj hanas les e mangresa savo sas ćerdo bi kvascosko.

Biblijaće paramiča andar o: Izlazak 12,33–15,21