32. O Isus sastarele nasvale romnja thaj rome save sas nečisto duho

Jek đes, o Isus thaj lešće sikamne nakhline čamcosa prekal o jezero ando krajo kaj trainas e Galilejcurja.

Kana aresline pe aver rig e jezerošći, rom saves sas nečisto duho prastajas dži ko Isus.

Kava rom sas gajda zuralo kaj khonik naštik savladisardas les. O them čak lanconenca phandenas lešće vas thaj lešće pungre, ali vo stalno phađelas len.

Godova rom trailas maškar e limorja pe godova krajo. Akava rom čholas muj celo rjat thaj celo đes. Či delas pe peste drze thaj čhinelas pes barenca.

Kana godova rom avilo ko Isus, pelo pe pe koča angle leste. O Isus phendas e benđešće savo sas ande leste: "Inklji andar kava rom!"

O rom nečiste duhosa čhutas muj zurale glasosa: "So manđes mandar Isuse, Svevišnje Devlešće Čhaveja? Molima tuće na mučisarman!" Askal o Isus phučlas e bilačhe duho: "Sar bučhos?" Akava phendas: "Mungro alav si Legija kas si amen but." ("Legija" sas grupa katar vareso milje vojnikurja ande rimsko vojska.)

E bilačhe duhurja molinas e Isuse: "Molime tuće na trade men andar kava krajo." O kote sas krdo bale save čarjonas pe pašutno baro brego. Pa e nečiste duhurja molinas e Isuseses: "Molime tuće bičhalamen ande bale umesto godova!" O Isus phendas: "Džan!"

E nečiste duhurja inkljistine andar o rom thaj dine ande bale. E bale pojurisardine katar e litica thaj ando jezero thaj tasajle. Sas varekaj katar 2000 bale ande godova krdo.

Kana o them save lenas sama pe bale dikhline so sas, prastaine ando gav thaj phendine savorenđe kas dikhili so o Isus ćerdas. O them andar o gav aviline thaj dikhline e romes saves sas dži askal bilačhe duhurja. Bešelas mirno, sasle drze pe leste thaj ponašila pe sago normalno manuš.

O them zurales darajlo thaj rodine katar o Isus te džaltar. Gajda kaj o Isus dijas ando čamco thaj pripremisajlo te džaltar. O rom saves sas nečiste duhurja preklinjilas e Isuses te džal lesa.

Ali o Isus phendas lešće: "Na, kamav te ačhes ćhere thaj phenes će drugarenđe thaj će familijaće sa so o Del ćerdas pale tute thaj sar smiluisajlo tuće."

Gajda kaj o rom đelotar thaj phendas pirenđe pale godova so o Isus ćerdas pale leste. Savora save ašundine lesko svto sas zadivime thaj ando čudo.

O Isus boldaspe pe koja rig e jezerešći. Kana areslo kote, but o them ćidapes oko leste taj spidelaspe oko leste. Ande godoja gužva sas jek romnji savi sas nasvali dešuduj brš džalas latar o rat. Poćindas sa pe love e doktorenđe te sastarenla, ali sas laće smo maj gore.

Ašundas kaj o Isus sastardas but e navalen theme thaj gndiardas: "Sigurno sem kaj ako samo šaj dotaknisarav e Isusešće drze, askal vi me avava sasti." Gajda kaj avili palo Isus thaj dotaknisajli lešće drzendar. Čim dotaknisardas les, o rat ačhilolatar te džal.

O Isus odma haćardas kaj e sila inkljisti andar leste. Pa boldaspe thaj phučlas: "Ko dotaknisardaman?" E sikamne phendine: "Si gaći them kaj spidelpes oko tute thaj sudarnipe tuva. Sostar phučes: "Ko dotaknisardaman?"

E manušnji peli pe pire koča anglo Isus, ćhinolaspe e daratar. Askal phendas e Isusešće so ćerdas thaj kaj sastili. O Isus phenda laće: "Ćiri vera sastardastut. Dža ando miro."

Biblijsko paramiči andar o: Matej 8,28–34; 9,20–22; Marko 5,1–20; 5,24b–34; Luka 8,26–39; 8,42b–48