7. Pathianin Jakoa Mal a Sawm

Genesis bung 25:27-33:20 atang Bible chanchin laksuok

Naipanghei an hong lian hnung chun Rebekin Jakopa a hmangaia, Isaka raw chun Esaua chu a hmangai ve a. Jakopa chun innghak a awia, Esaua raw chu sa kap a awi a.

Nika chu Esaua sa kapa fe hong inlawi chu bu a tam ta fe a. Esaua chun Jakopa hniangah, “Ni fak siam ha ni sem ve rawh,” a ti a. Jakopa chun, “Ni nai lutir changna ha ni pe hmasa phot rawh,” a ti a. Kachun Esaua chun a nai lutir changna chu Jakopa chu a pe ta a. Kachun Jakopa chun Esaua chu fak ding thenka chu a pek a.

Isakan a malsawmna chu Esaua hniangah pek a awi a. Changhomsiala a pek hma chun Rebeki nih Jakopa chun Esaua telem insiam fawmin Isaka chu an lema. Isaka chu a tar tak leiin a mitin khawhmual a hmu thei tak naw a. Kachun Jakopa chun Esaua zakua chu a haka, a ringa nih a kuta hei chun kel hmul an bela.

Jakopa chu Isaka hnianga a honga, “Esaua ki changa, ni malsawmna dong dingin ke hong a chang hi,” a ti a. Isakan kel hmul hei chu a hang thema, a puan rim hei chu a hang hnam vel chun Esaua ngei chang dingin a ringa, Jakopa chun mal a sawm ta a.

Jakopan nai lutir changna nih a malsawmna a la pek ti a hawi chun Esaua chun Jakopa chu a hnel ta fe a. Kachun Esaua chun a pa a thi hnungin Jakopa chu that dingin an ninga.

Changhomsiala, Easua thilthaw tum chu Rebekin a loi hawia. Kachun Isaka rek chun a suapui hei hnianga om dingin Jakopa chu an tir dai a.

Ma hmuna chun Jakopa chu kum tamka a va om ta a, ma hmuna a va om lai chun nupui a va neia, nai ipa sawm hlei inhnika nih nai nupang khatka a va neia. Pathianin mal a sawma a hong inchong ta fe a.

Kanan rama a omna ina chun kum sawm inhni zet a om naw hnung chun Jakopa chu a insung nih a siahlaw hei nih a ranrual hei kapai ni chun intiang an lawi nawk ta a.

Esauan a that a la tum ti a lungrilin a ring leiin a ti reta. Kachun Esaua ta dingin thilpek ranrual tamka chu a thon ta a. Siahlaw ranrual kaituhei chun Esaua hniangah, “Ranrual hei hi ni sihlaw Jakopan nanga pek a chang, lampuia a hong vu,” ti in Esaua chu an hril a.

Changhomsiala, ma hma hom chun Esaua chun Jakopa chu a ngaidam ta riama. Hlim fekan an inkop nawk ta a. Jakoa chu Kanan rama chun thlamuang fekan a khawsa nawk ta a. Isaka chu a hong thi a, Jakopa nih Esaua chun thlanah an vui ta a. Pathianin Abrahama hnianga thuthlung a intiam ha Isaka chunga thla tirin, tun hin Jakopa hninga pek sawngin a om ta tir a.

A Bible story from: Genesis 25:27-33:20