3. Baote Waa

Seeda yanna gedensaanni baattote aana lowo gosa heedhino. Insano lowo geeshsha wolqaataammaho. Bunshe lowo geeshsha batidhinohura Maganu kalqe baala egemmannohunni baote wayinni hunara kai.

Nohu kayinni Maganu albaanni ayirrinye afi’ri. Nohi hatte yannara hee’ranno manni baalunkunni roore saotewiinni xeerti’rino manchooti. Maganu baote waa soyara hedinota Nohira kuli. Maganu Nohira jawa markaawe seekkanno gede kulisi.

Maganu Nohira markaawe seekkanno gede kulinosi. Markaawe seendille 280 cigile, baqo 46 cigile, uurrinsha 27 cigile ikkitona yiino. Nohi markaawe haqqunni seekkinoonnitenna sase fooqe afidhinote. Fakkana kifilla, qalchonna masikootta afidhinote. Markaawe Nohinna maatesi, saada baalanta baote wayiwiinni gatissannota kulisi.

Nohi Maganoho hajajame Maganu kulinosi garinni markaawe seekkino. Markaawe lowo geeshsha jawa ikkitinohura seekkanni lowo yanna keeshshino. Nohi baote wayi daafira manna qorophisiisanni Maganunniwa higganno gede kulinonsa. Ikkollana yiinota diammantino.

Maganu Nohinna maatesi insaneetenna saadate ikkitanno geeshshi sagale duu’nitanno gede hajajino. Baalunkuri qixxaawihu gedensaanni Nohi, galtesi, sasenti labballi oososi meentinsa ledo markaawete giddora e’anno yanna iillitinota kulinsa. Markaawete giddora settu manni eino.

Maganu baote wayiwiinni gattanno gede meyatanna labbaaha saada ceano gattukkinni Nohiwa soyino. Kakkalote ikkitannota gamatanna gimare saada baalate giddonni lamala lamala Nohi markaawewa soyi. Baalunku markaawete giddora e’anni heedheennanni Maganu markaawete waalcho cufi.

Hakkunni gedensaanni xeena gana hanafi. Uurrisikkinni 40 hashshanna barra ganino. Baattote giddonnino burqino. Kalqe baalate aana noori baalu wayinni egemmami. Seeddaanna ilaallano gattukkinni wayinni egemmantu.

Markaawete giddo noo mannanna saada agurranna baattote aana noori baalu ree goofi. Markaaweno wayi aana hoforte giddose kalaqama baala reyotenni gatissu.

Xeena gana uurrisihu gedensaanni markaawe ontu agani geeshsha wayi aana hoforte keeshshitino. Wayino xeanni ha’ri. Mitto barra markaawe ilaalu umira gawa’litu. Ikkollana hakkawoyiti geeshshano kalqe wayi egemmella no. Sasu agani gedensaanni ilaallate birxe leella hanaffu.

Shoyillawu barri gedensaanni Nohi wayi baattote aaninni moolino gedeenni la”ara haraqeessa fushshe soyi. Haraqeessu ka’anna kawa buuwanni moola baatto hase hoogi.

Hakkunni gedensaanni Nohi lemboolcho fushshe soyi. Iseno ofoltanno darga hoogge galagalte Nohiwa daggu. Mitte lamala gedensaanni Nohi xaano lemboolcho fushshe soyi. Iseno ejersu darcho afooho amadde higgu. Wayi xeanni noo daafira mu’rono fula hanaffu.

Nohi mitte wole lamala agare lemboolcho sayikkimeeshsho fushshe soyi. Hatte yannara ofltannowa afidhino daafira galagalte dihiggino. Wayino moolanni no.

Lamu agani gedensaanni Maganu Nohi, <> yiisi. Maatesino markaawete giddonni fultu. Lowo oosonna oosote oosono ilantu. Baattono wo’mitu.

Nohi Markaawete giddonni fulihu gedensaanni kakkalote darga seekke mitte mittente saada giddonni kakkalote shiqa dandiitannore kakkali. Maganuno kakkalo hagiidhe adhi. Nihinna maatesino maassi’rinsa.

Maganu, <> yii.

Maganu gondoorisira malaate ikkitanno gede umi magani-seemo seekkino. Magani-seemo wo’ma woyite gordoho gomichu aana leeltanno. Maganu
magani-seemote widoonni qole uyino gondooro qaaganno.

Qullaawu Maxaafi Dhagge:- Kalaqama 6-8