16. Wolassitannore

Iyyaasu reyihu gedensaanni, Israeelootu Maganoho dihajajantino; gattino Kana”aanoota giddonsanni difushshitino woy Maganu seera diwonshitino. Israeelootu halaalaancho Magano Kaaliiqa magansi’ra agurte Kana”aanootu maganna magansi’ra hanaffu. Israeelootaho moote dinonsa; kunnira mittu umisira gara lawinore baala assanni hee’rino.

Israeelootu Maganoho hajajama giwansa agurtinokki daafira, Maganu diininsa gawajjannonsa gede assino. Tini diinnansa Israeelootu uduunne baala moortino; jajjansano guddino; mannano lowoha shitino. Israeelootu Maganoho hajajama giwansanninna diinnansano gadadissannansa lowo diro keeshshituhu gedensaanni cubbonsa ifaaxxitino. Diinnansa anganni gatisannonsa gede Maganono huuccidhu.

Hakkunni gedensaanni Maganu diinnansa anganni gatisse wolassitannore soyinonsa. Gobbateno keere abbi. Ikkollana galagalte Magano habbu. Kaphu maganna magansi’ra hanaffu. Kunnira Maganu mulensa noore diinnansa Midiyamoota annaho kayiseenna qeeltinonsa.

Midiyamootu Israeelootu jajja lamala diro wo’ma gudhitu. Israeelootu lowo geeshsha waajjitino; laggatenna goddate maaxante noo daafira Midiyamootu affansara didandiitino. Goofimarchoho gatisannonsa gede Maganu widira raartino.

Mitto barra, Gedewooni yinanni Israeelichi Midiyamootu adhitannokki gede maaxame gide ga’nanni no. Maganu sokkaasinchi Gedewooniwa daye, <> yiisi.

Gedewooni annira kaphu magano magansi’rate seekki’rinohu kakkalote dargi no. Maganu Gedewooni hakkonne kakkalote darga diiganno gede kulisi. Gedewooni kayinni manna waajjino daafira hashsha geeshsha agari. Hakkunni gedensaanni Kakkalote darga diige butu asse cancan. Hakkiicho Maganoho haaro kakkalote seekki. Maganohono kakkalo shiqishi.

Soodo guto mannu mittu manchi kakkalonsa darga diigino gede afe lowo geeshsha fooggali. Gedewooni shitara minisira doddu. Gedewooni anni kayinni, <> yiinsa. Hatto yiino daafira mannu Gedewooni dishiinosi.

Midiyamootu xaano Israeeloota horritara fultu. Kiiro lowo geeshsha batidhino daafira kiira dandiinohu dino. Gedewoonino Midiyamoota qasate Israeeloota lassi. Maganu isi widoonni qole Israeele gatisanno gedeenni afara Gedewooni Magano lame malaate xa’mi.

Umi malaatira hocco baattote aana wore soodo loji hoccu aana calla ikkinninabaattote aana uwannokki gede xa’mi. Maganuno Gedewooni yiino gede assi. Layinki hashshano Gedewooni Magano, <> yii. Maganuno Gedewooni yiino gede assi. Kuni lamunku malaati Maganu isi widoonni qole Israeele Midiyami anganni gatisanno gede taje ikkisi.

Gedewooniwa 32000 Israeelete gaaddo daggino. Maganu kayinni, <> yiino. Kunnira Gedewooni ola waajjitinore 22000 gaaddo qaera qoli. Maganu xaano Gedewooni, <> yiisi. Kunnira Gedewooni 300 gaaddo calla gatise woloota qaera qolino.

Hakko hashsha Maganu Gedewooni, <> yii. Kunnira Gedewooni Midiyamootu bagadi noo qacha hakko hashshanni dirri. Mittu Midiyamootu gaaddichi haaqeete Gedewooni bagadi Midiyamootu bagado qeelanna afinota jaalisira kulanna macciishshi. Gedewooni tenne macciishshe Maganoho kumbuuli.

Hakkunni gedensaanni Gedewooni gaaddosiwa hige mittu mittunkura buudu xurumba, maaqqenna kifala uyinsa. Midiyami olanto goxxe heedheenna tuudde nooha bagadu qacha doyissitu. Gedewooniti 300 gaaddo maaqquwu giddo kiffalla amadde no. Midiyami gaaddo kayinni kiffallate xawaabba la”a didandiitino.

Hakkunni gedensaanni Gedewooni gaaddo baalanti mitteenni maaqquwansa hiiqqaqqitu. Hakko mereero kiffallate caabbichi hedeweelcho xawi. Buudu xurumbano ufuuffanni, <> yite alaakku.

Maganu Midiyamootaho gara hawiseennansa mimmito shitu. Hakkawoyintenni minnansara noo Israeeloota lassineenna dagge Midiyamoota kaa’lantu shorritu. Lowo manna shitu. Gattinoreno Israeelete baattonni shorritu. Hatte yannara Midiyamenniti 120,000 gaaddo reyitino. Maganuno Israeele gatisi.

Mannuno Gedewooni moote ikkannonsa gede hasidhu. Gedewooni kayinni sumuu diyiinonsa. Ikkollana mittu mittunku Midiyamootu anganni adhitinota culku cuu’a abbitanno gede xa’minonsa. Mannuno Gedewoonira lowo culka abbe uyinosi.

Gedewooni culka daashshe qeesootu roorrichi uddi’ranno gede uddano seekki. Mannu kayinni hattenne uddano maganu gede asse magansi’ra hanafino. Kunninni kainohunni Maganu diinnansa qeeltannonsa gede asse qorichishinonsa. Goofimarchoho xaano Maganu gatisannonsa gede huudhino. Maganu xaano gatisannoha wole soyinonsa.

Kuni coyi marro marro hige ikkino. Israeelootu cubbo loossanno; Maganuno qorichishannonsa; xaano cubbo ifaaxxitanno; Maganuno gatisannonsaha soyanno. Batinye diro Maganu Israeele gatisate wolassitannore haammata manna soyinonsa.

Gedensaannino, mannu wole gosara noo gedee moote aannonsa gede Magano huuccidhu. Olaho albaanni fulannonsaha, gujjaamonna jawaata moote afidhara halchitu. Maganu kayinni xenne xa’monsa dibaxino; ikkollana hasidhino moote uyinonsa.

Qullaawu Maxaafi Dhagge:- Ejjeetto 1-5, 6-8