17. Maganu Daawiti Ledo Eino Gondooro
Saooli Israeelete umi mooteeti. Isi insa hasidhino gedee gujjaamootinna xumaati. Saooli Israeele gashshitera shiima umi dirrara dancha moote ikke hee’rino. Hakkunni gedensaanni kayinni Maganoho hajajamannokkiha busha mancho ikkino; kunnira Maganu mitto barra Saooli darga moohannoha wole mancho doori.
Maganu Saooli gedensaanni moohanno gede Daawiti yinanniha aja Israeelicha doori. Daawiti Beetelihemete katamira ge’reewu allaalaanchooti. Daawiti addi addi Yannara annisi ge’reewo allaalanni, ge’reewo gawajjara daanno moyicho shiino. Daawiti Magano ammaninoho, Isira hajajamanno joogatinna keeraanchooti.
Daawiti jawaata gaaddichaatinna sooreessaati. Daawit anje hee’re Gooliyaadi yinannihu haxiriggu manchi ledo olamino. Gooliyaadi qajeelino gaaddichaati; hojja lee cigile ikkanno. Maganu kayinni Gooliyaadi shee Israeele gatisanno gede Daawiti kaa’lisi. Hakkunni gedensaanni Daawit mannu jajinota Israeelete diinna aana lowo qeelle afi’rino.
Saaooli mannu Daawiti baxino daafira hamashshaawino. Saaooli batinye hige Daawit shaara wo’naalino. Kunnira Daawiti Saaooliwiinni maaxamino. Mitto barra Saaooli Daawit shaara hase Daawiti maaxame noo goda kae marino. Saaooli Daawiti diafino. Daawiti Saaooliwa shiqqi yee shaa dandaanno gede ikke no. Ikkirono dishiinonsi. Hattenne agure Daawiti mootimmasi adhara yee shiinosikkita Saaoolira leellishate uddanosi handaara mure haa’rino.
Goofimarchoho, Saaooli olunniwa reyino; Daawitino Israeelete moote ikkino. Daawiti dancha mooteeti; mannuno baxinosi. Maganu Daawiti maassi’rinosi. Daawiti lowo ola olamino; Israeelete diinna qeelanno gedeno Maganu kaa’linosi. Daawiti Yerusaalame qeele amade dannawu katama assi’rino. Daawiti mootimma yannara Israeele wolqaataamenna dureette ikkitino.
Daawiti Israeelootu baalu Magano magansidhannohanna kakkalo shiqishshannosiha Qullaawa Mine minate hedi. Mannu 400 ikkanno diro Muse seekkino dukkani giddo Magano magansi’ranninna kakkalo shiqishi’ranni hee’rino.
Maganuno tenne sokka anga wore himanaancho Naataani Daawitiwa soye, <
Daawiti konne coye macciishshe, konne jawa ayirrinyenna lowo maasso aasira gondooro einosi daafira hakkawoyintenni Magano galatino; guwisino. Daawiti Konne coye Maganu mamaro assannoro diafino. Adda ikkiro kayinni, Buuramino Moote daa geeshsha Israeelootu seeda yanna, 1000 ikkanno diro agadha hasiissinonsa.
Daawiti joongillunninna ammanamatenni lowo diro gashshino; Maganuno maassi’rinosi. Ikkollana, dirisi meddi yiino waro Maganu albaanni busha cubbo loosino.
Mitto barra Daawiti gaaddo gudisante mininni hadhe olu giddo noo yannara, Isi kayinni mootimmasi minira gobbaanni hee’re mitticho xuma biso haayishshidhanna laino. Ise su’mi Bersaabehiiti.
Daawiti alba shawwu yaa agure, haa’re abbannosi manna soqqino. Ise ledo goxe kae galagalche minisera ha’rise agurise. Shiima yanna gedensaanni Bersaabehi, <
Ooriyo yinannihu Bersaabehi ayiddaanni fila Daawiti gaaddo mitikkiho. Daawiti Ooriyo oluwiinni daanno gede woshshiishe ayiddaamasi ledo galanno gede kulisi. Ooriyo kayinni, <> yii. Kunnira Daawiti Ooriyo galagalche olunniwa soye reyara hasi’re olu wolqisanno widoonni uurrisanno gede gaadaannira kuli.
Ooriyo reyihu gedensaanni Daawiti Bersaabehi adhi. Iseno Daawitira labbaa beetto iltu. Maganu Daawiti loosino loosira lowo geeshsha hanqino; cubbisi hiittoo bushaatiro kulannosi gede Maganu himanaancho Naataani soyinosi. Daawiti cubbosi ifaaxxeenna Maganu sainosi. Gatino diri qarraataamono ikkirono, Daawiti Maganu hoode ha’ranno hajajaminosi.
Ikkeennano Daawiti loosino cubbira qorichaho hakku qaaqqi reyino. Gatino dirisinnino Daawitira maatesi giddo olu kalaqamino. Daawitira dhukuno lowo lowo geeshsha ajino. Daawiti Maganoho ammanama xeisirono, Maganu uyino hexxo ammanantella no. gedensaanni Daawitinna Bersaabehi wole labbaa beetto iltino. Su’ma <
Qullaawu Maxaafi Dhagge:- 1Saamueeli 10:15-19; 24, 31. 2Saamueeli 5; 7; 11-12