8. Maganu Yooseefinna Ayiddesi Gatisi

Anninsa Yaiqoobi Yooseefi roduuwisi baaluwiinni roorse baxannosi daafiranna roorrichansa ikkannota leellishshanno haqee haaqii’rino daafira roduuwisi gibbinosi. Yooseefi roduuwisiwa daanno woyite haqaqqaalte daddalaasinete hirtinosi.

Lowo diri gedensaanni Yaiqoobi geedhe hee’re saadasi allaaltannori roduuwisi noo gara la”anno gede beettosi Yooseefi fushshe soyino.

Yooseefi roduuwi qaera daggara albaanni Yooseefi imaana daddarte meichu mundeera cuu’ino. Hakkunni gedensaanni mundeete cuu’inoha Yooseefi imaana anninsara leellishshino. Isino Yooseefi moyichu shiino yee hedino. Yaiqoobi lowo geeshsha manchitino.

Daddalaasine Yooseefi Gibitse haadhe hadhino. Hatte yannara jawa gobba Gibitsenniti Abbayi Wayi mule heedhanno. Daddalaasine Yooseefi borojjicho assite dureessaho gashshootu roorrichira hirtinosi. Yooseefi biilisira dancha gede soqqamino. Maganuno Yooseefi maassi’rinosi.

Biilisi galte Yooseefi ledo goxate wo’naaltino. Yooseefi kayinni Maganu albaanni cubbo dilooseemmo yee giwino. Ise aarantino daafira beebbatenni bushiishsheennasi amande usuru mine tungoonnisi. Usuru mine hee’rirono ammanaminosi daafira Maganu maassi’rinosi.

Yooseefi fayyaaleessa nafa ikkiro lamu diri gedensaannino usuru mineno no. Mitto hashsha Gibitsootu yitannohu Feriooni wodahaminota lame haaqee haaqi’rino. Amaalaasinesi giddonni mittuno haaqee tira didandiino.

Maganu Yooseefira haaqee tirate hayyo uyinosi. Kunnira Feriooni Yooseefiusuru mininni fule isiwa daanno gede assisi. Yooseefi haaqee tire, <> yii.

Feriooni Yooseefi coye dhaggeeffati; Gibitsete baatto baalate isinni aane layinki gashshaancho ikkanno gede shoomisi.

Yooseefi mannaho lamalu duuwu diriha lowo gide gootaraho gamba assanno kulinsa. Lamalu hudete diri dayita Yooseefi gootaru giddonni gide hiranna mannu ikkitanno sagale afi’ri.

Hudete qarri Gibitsete calla ikkikkinni Yaiqoobinna maatesi heedhannotera Kana”aanino gobbarano no.

Yaiqoobi oososi gide hidhitanno gede Gibitse soyinsa. Yooseefi roduuwi gide hidhate hadhe albasiinni uurritu yannara Yooseefi ikkinota dihuwattino. Yooseefi kayinni afinonsa.

Yooseefi roduuwasi fonqolinsahu gedensaanni woyyaabbino gedeenni afara yee,<> yiinonsa.

Yooseefi roduuwi gobbansa higge Yooseefi lubbotenni noota anninsa Yaiqoobira kulteennasi lowo geeshsha hagiidhino.

Yaiqoobi geedhirono, maatesi baalante ledo Gibitse ha’reennahakkiicho heedhino. Yaiqoobi reyara albaanni oososi mitto mittonka maassi’rinonsa.

Maganu Abirihaamira uyinoti gondooru hexxo Yisihaaqira sa’ino. Hakkunni gedensaanni Yaiqoobira, aanteno tonaa lamunku Yaiqoobi oosoranna maatensarasa’ino. Tonaa lamente ooso sirchi tona lame ga’re ikkino.

Qullaawu Maxaafi Dhagge:- Kalaqama 37-50