13. Maganu IsraeelootuLledo Eino Gondooro

Maganu Israeeloota duumu Baari widoonni qole massaginsahu gedensaanni, halallitte gobba widoonni Siina yinanni ilaaliwa haa’re massinsa. Kuni dargi Muse buwanni noo cit alai dargaati. Mannu ilaalu hunda dukkana qasi’ri.

Maganu, <> yee Museranna Israeelete mannira coyi’ri.

Mannu ayyaanaame heeshshora insanaa qixxeessituhunni sasu barri Maganu belequnni, banqotenninna jawu buudu xurumbi luulinni Siina Ilaali aana dirri. Ilaala giddanno gede fajjinoonnihu Muse callaati.

Hakkunni gedensaanni Maganu gondooro ee kae, <> yiino.

Kaphu maganna seekkidhooti, magansidhooti, mayira yiittoro ani Kaaliiqi laalaatancho Maganooti. Su’m’ya kaphunni kayissooti, Fooliishshote Barra Qullaawa assite ayirrisi. looso baalanka leyu barrinni loosi’ri. Lamalki barri fooliishshi’rattohonna ane magansi’ratto barraati>> yiino.

Qoleno, <> yiino.

Hakkunni gedensaanni Maganu kore tonne hajajo lame became kinna aana borreesse Musera uyi. Qoleno agadhitannoha wole seeranna wodho uyinsa. Mannu konne seera wonshiro maganu maassi’rannonsanna agarannonsa Gede hexxo uyinsa. Seera wonsha hoogguro kayinni Maganu qorichishannonsa.

Qoleno Maganu Israeelootu seekka hasiissannonsa dukkani suudeno kulinsa. Hakko dukkana xaadu dukkanaati yinoonni. Jawa dukkonni bandoonnihu lamu holgi noosi. Maganu hakkiicho hee’ranno daafira dukkote badheenni noo holge eate Qeesootu Roorrichi callaho fajjinoonni.

Maganu seera wonshinokkihu ayino Xaadu Dukkanira albaanni noohuwa kakkalote dargira Maganoho kakkalote saada haa’re shiqa didandaanno. Qeesichu saada gorre kakkalote darga shilqishanno. Kakkalloonni saada mundee cubbosi dibbe mancho Maganu albaanni keereensitanno. Maganu qeesootasi ikkitanno gede Muse rodoo Aarooninna Aarooni sircho doorino.

Baalunku Maganu uyinonsa hajajo wonshate, Magano calla magansi’ratenna baxxitino gosa ikkate sumuu yitu. Ikkollana Maganoho hajajamate sheemaattuhunni shiima yanna gedensaanni busha cubbo loossino.

Muse lowo barra Siina Ilaali birxera hee’re Maganu ledo hasaawanni no. Mannu kayinni isi higa geeshsha agadha cee’me, Aarooniwa culka abbi’re misile seekkannonsa gede xa’mi’ri.

Aarooni siitu suudinni culku misile seekki. Mannuno quwa sae hattenne misile magansi’ra hanafi. kakkalono shiqishi! Cubbinsanni kainohunni Maganu lowo hanqinsa. Hunansarano hedi. Muse kayinni Magano huucci; Maganuno huuccattosi macciishshe guda agurinonsa.

Muse ilaalu aanini dirre misile la”anno woyite lowo geeshsha hanqe Maganu tonne hajajo borreesse uyino kinna hiiqqaqqi.

Hakkunni gedensaanni Muse misile daahe wayi aana finci; mannahono hayikkisi. Maganu qoomama soyenna lowo manni reyi

Muse xaano ilaalu iimira fule Maganu mannaho sao aguranno gede huucci. Maganu Muse yiinota macciishshe sao agurino. Muse hiiqqaqqita riqiwate wole haaro kinna aana tonnenta hajajo borreessi.

Hakkunni gedensaanni Maganu Israeeloota Siina Ilaaliwiinni kayise hexxote gobba qole haa’re ha’rinsa.

Qullaawu Maxaafi Dhagge:- Fulo 19-34