1. Lata Dios skan kakaxtlawalh

Chuná la jae kgantaxtunit lata wekg lxkllhtzukut. Mán akgchaxán kllhtamaku, Dios tlawalh lxlikalanga kakilhtamakú chu wekg tuku antá lxanán. Astan lata Dios tlawalh katiyatni, kapukswa lxwanít chu nitú lxaná chu na nitú antá lxkaxtlawakanit. Wata amá ixEspíritu xla Dios ixtatzuwima nakj ixakgán chuchut.

Astán Dios wa: "¡Ka analh makgaxkga'kganá!" Chu analh makgaxkga'kganá. Dios akjxilhlí ixlakata amá makgaxkga'kganá tlán lxwanit chu limapakúwilh "kilhtamakú" Xla mapitzilh xa kalakapukswa, néje limapakúwilh "tzisni". Dios tlawalh makgaxkgakganá antá lxlí akgtúm kllhtamakú xla xtakaxtlaw.

Antá xli akgtuy kilhtamaku ixla ixtakaxtlaw, Dios chuwinalh chu tláwalh akgapún antá nakj x'akgstin catiyatni. Xla tlawalh akgapún akxni mapitzilh chuchut antá xatalhmán chu néje wi nakj xa'katutzú.

Antá lxli akgtútu kilhtamakú, Dios chuwinalh chu makganúlh amá chuchut chu tunu wililh xa skakjní tiyat. Xlá limapakúwilh nakj xakaskakjni "tiyat", chu amá lhuwa chuchut limapakúwilh "pupunú." Dios akjxilhlí pí wá amá neje xlá ixtlawanit tlan ixwanit.

Astán Dios wá: "antá nakj katiyatní ka ánalh tipalhuwa kiwi chu palhma." Chu wa jae túku lanit. Dios akjxilhlí pi wa amá tuku xtlawanit tlán ixwanit.

Antá ixlí akgtatí kilhtamakú lata Dios ixkakaxtlawáma. Dios chuwinalh chu tlawalh chichiní, papa chu lhúwa stáku. Dios kakaxtlawalh laki na makgaxkga'kganán nakj katiyatni chu na limapitzikán xakakuní chu xakatzisní, na xatipalhuwa papa chu lhúwa kata. Dios akjxilhí tuku xla ixtlawanit tlán xwanit.

Xlí akgkitzis kilhtamaku, Dios chuwinalh chu tlawalh wakg tuku stakjnan antá nakj chuchut chu takgalhin neje takgoza. Dios akjxilhlí pí tlan xwanit, chu kasikulnatlawalh.

Anta xlí akgchaxán kilhtamakú akgxni xkakaxtlawáma, Dios wá: "¡Ka lalh tipalhúwa kitstankanín antá nakj katiyatni!" Chu kgantaxtulh lata Dios wá. Xwilakgolh kitstankanín neje tlan kakgalhikan lakatzu, na wi neje xtaxwatata nakj katiyatní, chu na xwí neje lakj lijikjwa kitstankanín. Chu Dios akgxilhlí pí tlán xwanit.

Astan Dios wá: "katlawáw tachixkuwítat lakí ná wankgo la'akinín. Xlakán natakgalhí limapakgsín antá nakj katiyatni chu wakg kitstankanín."

Chuná, Dios tiyalh pokgxni nakj katiyatni, li caxtlawalh chatúm chixku, chu súnulh maxkilh latamat. Xtakuwiní Jae chixku wanika Adán. Dios kaxtláwalh akgtúm kaxanatní tiyat antá niku Adán ixama latamá, chu anta lilh laki anta xama makgtakgalha amá kaxanatní tiyat.

Antá nakj kaxanatni tiyat, Dios tichalh kgatiy xlakaskinka kiwi: amá kiwi neje mastay latamat chu amá kiwi neje lilakgapaskán tuku xatlán chu ni xatlán. Dios wánilh pit lan nawá lata tipakgatzin xatawakat kiwi anta nakj kaxanatní tiyat wata ni nawaya xatawakat kiwi amá neje lilakgapaskán neje xatlán chu ni xatlán. Pi xlá ixáma way amá xatawakat kiwi, xlá ixáma ní.

Astán Dios wampa: "ni tlán sakstu kalatámalh chatum chixku." Wata nitantum kitstanka tlán xama tálatama Adán.

Chuná, Dios tlawalh xlakata Adán lán kalhtatalh. Astán Dios tiyalh kgantúm xtapalukut xla Adán chu wa amá li'tlawalh chatum puskat chu antá liminíka.

Akxní Adán ti akjxilhlí, xlá wá: "¡Wa jae lu watiya la akit kjtaziyá! Chu nawanikán puskat; xlakata chatúm chixcu likaxtlawakanit." Wa xpalakata chatúm chixcu na'makgxtakga xtlat chu xtze laki chatúm na ta'wán xpuxcat.

Dios tlawalh chixcu chu puscat lu'watiya la xla tasi. Xla kasikulnatláwalh chu kawanilh: "Ka'kgalhitit lhuwa kamanán chu minatanatní chu kamatzamatit katiyatni." Chu Dios akjxilhlí pi amá tuku wakg xtlawanit, lu'tlan xwanit, chu lu'wakg xlipaxawanit. Wakg jae kgantaxtunit xli'akgchaxan kiltamakú akjxni xla kakaxtláwalh.

Akxni chálh xli akgtujún kilhtamakú, Dios alla xmasputunitá xtaskujut. Chuná Dios jaxlí lata wekg tuku xla xtlawáma. Xla sikulhnatlawalh amá xliakgtujún kiltamaku chu santo litamakjxtulh, xlakata amá kilhtamakú xla jaxlí lata wekg xtaskujut. Chuna la jae Dios ka'kaxtlawalh lata xlikalanka kakilhtamaku chu wakg tuku anán antá.

__