5. Kgawasa xatamalakjnún

Xlí akgkwa kata lata Abram chu Saraí xtacha'anit antá nakj Canaán , niná xtakgalhí kaman. Amá xpuskat Abram, Saraí wánilh: "Lxlakata Dios ni kimaxkinit talakaskin nakj kgalhi kaman chu allá tzikaná akit, chu yajlá kjtimalakgawanilh skgata, uwi kin tazakua, Agar. na'katatamakgaxtokjtí lakí tlán na kgalhí chatúm kamán chu kilá nawán."

Amá Abram tatamakgaxtokjlí Agar. Agar malakgawánilh chatúm kgawasa, chu Abram limapakúwilh Ismael. Wata Saraí tzukulh zitziní Agar. Akjxní Ismael xkgalhi akgkututu kata, Dios tachuwinampa a makgtúm Abram.

Dios wanilh: " Akit wá amá Dios wakg litliwakga. Nakj tlawayaw aktúm talakjkaxlán." Amá Abram tatzokgostalh nak tiyat. Dios nachuná wanipa Abram: "Wix nawana xa´tlat xli lhuwa latamanín. Wix nakj maxkiyan chu min kamanán amá tiyat xla Canaán antá na'latapayatit chu akit nakj wan mi Dios xlipán. Na'namakjhltiníya xakjstán kjxuwakán xla xtáxu chatúnu lakjkgawasán anta nakj minchik."

"Min puskat, Sarai, namalakganí chatum kgawasaxla nawán xakgawasa xatamalakjnún. kalimapakúwi Isaac. Akit nakj ta'tlawa akgtum talakjkaxlán, chu xla nawán xatlat xalhuwa latamanin. Nachuná Ismael nawán xlatlat xa lhuwa latamanin, wata kintalakjkaxlán nawán xla Isaac." Chuná Dios lakgpalínilh xtakuwiní Abram chu Abraam litapakúwilh, amá takuwiní wamputún "tlat xla lhuwakamán." Nachuná Dios lakgpalilh xtakuwiní Sarai chu Sarah limapakúwilh, ama takuwini wamputún" xtzumat chatúm lanka mapakgsiná."

Amá kiltamakú Abraham ca´chukunilh kjxuwa xtaxu wakg lakj'kgawasán antá nakj xchik. La'akgtum kata xtitaxtunitá, akjxni Abraham xkgahli 100 kata chu Sarah xkgalhí 90 kata, Sarah malakgawánilh chatúm akjtzu kgawasa xla Abraham. Limapakuwika Isaac la Dio xkawaninit.

Akjxni Isaac kgawasatá xwanit, Dios liákjxilhlí xtakanajla Abraam chu wánilh: "Katiya Isaac, amá chatsum min kgawasa, chu kamakgni kakililakgachixkúwi." Amakgtúm Abraham kgaxmatnilh Dios chu takaxlí laki nalilakgachixkuwí xkgawasa.

Akjxní Abraham chu Isaac xtatláwamanalh antá niku na'lakgachixkuwinan, Isaac kgalhskinínalh: "¿Tlati, Kgalhiyawá tasakgni nalilakgachixkuwinanaw, wata niku wi amá cordero?" Abraham kgaltilh, kin kgawasa Dios namastay amá cordero nalilakgachixcuwinanaw."

Akxi xlá táchalch antá niku natalakgachixkuwí, Abraham chilh xkawasa Isaac chu wililh antá niku lakgachixcuwinankan. Skgalh tawi laki na'makgní xkgawasa akjxi Dios wánilh: "¡Kakgalhi!" ¡Ni kamasipani min kgawasa¡ Lachi allá jkatzi pi wix kilakajikjwaniya xlakata wix ni kilakjkatzani namá xasakjstu min kgawasa."

Abraham akjxilhli lakatzu tantúm Carnero pi xlakganuya anta xlakgastipán kiwi. Dios alla xmastanitá tantúm Carnero laki na lilakgachixkuwikán antá nakj xlakxoko Isaac. Katapaxawán Abraham mastalh amá Carnero la akgtúm lilakgachixkúwit.

Astán Dios wánilh Abraham: "Lu'xlitayanita pí wakg xpimpat kimakamaxkiya, chu nachuná amá xa'sakjstu min kam, lachí kjmalakjnuniyán pi nakj sikulhnatlawayán. Min kamanán na lhuwankgó la staku tawilanalh nakj akgapún Xlakata wixkgaxpati tuku kjwanin wakg tachixkuwítat xlikalanga kakilhtamakú nakj min kamanán natasikulnalakgo.

__