Dios maxkilh xtamalakjnún Isaac

Akgxni Abraham kgolota xwanit, xkgawasa, Isaac, langa kgawasata xwanit. Chuná Abraham malakgachapa chatúm xtazakua anta nakj pulatáman xlitalakgapasnikán chu naliminí chatúm puskat xla xkgawasa Isaac.

Astan lata makgata xanit anta nakj pulatamán niku xtalamanalh xlitalakgapasni Abraham, Dios pulálilh amá tazakua antá niku xlama Rebeca. Xla xwanit xtánat xla xtakám Abraham.

Rebeca matlánilh na makgxtakga xlitalakgapasni chu natataspita xtazakua Isaac antá nakjxchik. Isaac tunkán tatamakgaxtokgli akjxní xla chalh.

Titaxtulh lhuwa kiltamaku, Abraham nilh, chu wakg tamalakjnún neje Dios xtlawaninit, amá talakjkaxlán makamaxkika Isaac. Dios xmalakjnuninit Abraham xlakata xama kgalhí lhúwa xkamanan, wata amá xpuskat Isaac, Rebeca, ni lá xkgalhí kamán.

Isaac palakaskilh Rebeca chu Dios maxkilj talakaskin na kgalhinan stiyún. Amá chatúy lakgskgatán xtalachipay antá nakj xpán Rebeca, chuná Rebeca kgalaskilh Dios túku xláma.

Dios wanilh Rebeca: "nakj mi'makjni ama taxtúy chatúy kamán neje na'makilhtzukikgo akgtuy lakjlanga kachikin. Xlá nalataratlawá chu xapuxku naskujnaní xatajó."

Akjxni lakgawa xlakgskgatán Rebeca, xapuxku xkgawasa luchochokgo chu chixíwa lakgáwa, chu limapakuwíka Esaú. Astán lakgáwa xatajó xkgawasa xla xhipanit xatzán xtantún Esaú, chu limapakúwika Jacob.

__