10. Akgkaw ta'akgastakjyaw

Moisés chu Aarón talakgalh faraón. Xlakán tawanilh: "Wa jaé tuku Dios xla Israel wan: '¡Kamaxkgtakjti ka'alh kimpulatáman!" Amá faraón ni ka'kgaxmatnilh. Xla níkamakgtakgli na'taán israelitas, ¡wata kamaliwkinilh palha taskujut!

Faraón ni xlakaskin na´taán amá pulataman, wa amá xpalakata Dios malakgachalh akgkáw lakjlijikua nakj Egipto. Wá amá tajatat Dios limasiyanilh faraón pi wá tlakg kgalhí litliwekge ni stachuná faraón chu wakg xdiós xla Egipto.

Dios mapalajlí amá kgalhtuchokgo Nilo chu kgalhni tlawalh, wata faraón niña xka'makgxtakga nata'an amá israelitas.

Dios malakgáchalh chichakgx xli kalanga Egipto. Amá faraón luskínilh Moisés kama'kgánulh chichakgx. Wata latatanikgólh chichakgx, amá faraón mapálhilh xnakú chu ni kamakgxtakglhí israelitas natataxtú nakg Egipto.

Chuná Dios malakgachpá tajatat xla xúy. Astán malagkachapa tajatat xla kuxta. Amá faraón catasanilh Moisés chu Aarón chu cawanilh katamachokgolh tajatat, astán amá israelitas tlán xamakgolh tataxtú naxj Egipto. Akjxni Moisés palakaskilh, Dios makganukgolh wakg kuxta anta nakj Egipto. Wata faraón mapalhilh xnaku chu ní makgxtakglhi amá pulatáman.

Astán Dios kamakgatatátlalh kitstankanin xala kasakgatní antá nakj Egipto chu catánilh. Wata xnakú faraón mapalhika, chu ní kamakgxtakglhí israelitas katá'alh.

Astan Dios wanilh Moisés pi kamakgozolh lhkáka nakj xlakatin faraón. Akjxni chuná tlawalh lakjlanga tzitzi litaxtukgolh naxj xmakjni Egipcios, wata hichuna israelitas. Dios mapalhilh xnaku faraón chu faraón ni kamakgxtakgli xlakata israelitas kata'alh.

Astán láta amá, Dios malakgachalh chijit chu malakgspútulh wakg tachanán antá nakj Egipto chu kamakgnilh tiku nakj kilhtin xtalamánalh. Amá faraón tazánilh Moises chu Aarón chu kawánilh: "Akit makglakgalhinanit. Wixin tlán napinatit." Astán Moisés pa'lakaskilh chu amá chijit yaj takjtalh nakj akgapún.

Wata faraón makglakgalhinampa a makgtúm chu mapálhilh xnakú. Ni xkamakgtakga na'tataxtu israelitas.

Astan malakgachapa lhuwa lakjlanga xtuki lata lakgatum Egipto. Amá xtuki akgtumiwakgolh tachanan neje xkgataxtunit akjxni tímilh chíjit.

Astán Dios makámpa natziswán neje makgapálalh akgtutu kilhtamakú. Lu capukjswa xwanit chu amá egipcios nilá xtataxtú nakj xchikjkán. Wata xanán taxkgakgat niku xtalamánalh israelitas.

Maski alla akgnajatza tajatat xmakaminkanit latiya´ku ni xkamakgxtakjputún israelitas natataxtú. Wata faraón ni kgaxmatpútulh, Dios lakjkaxtlawalh namakamin awayita tajatat. Wa jae xama lakgpaliní xtalakapastakjni faraón.

__