7. Dios sikulnatláwalh Jacob

Akj ní amá lakjtzu kamán xtastakjmanalh, Jacob xlakgati tamakgxtakga nakj chiki, wata amá Esaú xlakgati talatnán. Rebeca xpaxki Jacob, wata Isaac xpaxki Esaú.

Milh akgtúm kilhtamaku akjxni Esaú kitaspitli akgxni kitalátnalh, snún xtzinkjsma Esaú wánilh Jacob: "Katlawa litlán, kintawa akjtzú min tawa neje wix kaxtkawanita." Jacob kgalhtilh: "Pulá kimaxki talakaskin akit xapuxku kám nawán. Astán, Jacob maxkilh akjtzu taway.

Isaac xmakamaxkiputún xtasikulnalán Esaú. Akjí yaxtlawa, Rebeca chu Jacob akgskgawakgolh litaxtulh Jacob la Esaú. Isaac kgólon chu yajla xlakawanan. Chuna Jacob wililh kjlhakgat Esaú chu litapixtatzekjle xmakgchixit cabra chu nachuná xmakán.

Jacob lakgalh Isaac chu wánilh: "Akit Esaú. Kjminit laki wix tlán nakisikulnatlawaya." Akxni Isaac xámalh xmakgchixit cabra chu kgankgawanalh kjlhakat, xlá lakjpúwa pi wá Esaú chu sikulnatláwalh.

Esaú kjsitziní Jacob xpalakata xmakgkgalhanit pi wá xlakgchán la xapuxku kám chu nachuná xtasikulnalán. Chuná lakjkaxlalh na makgní Jacob astán lata xama niy xtlát.

Wata Rebeca kgaxmatlí tuku xlakjkaxláma Esaú. Chuná xlá chu Isaac makgat malakgachakgolh Jacob laki antá na'án katalatamá xlitalakgapasni.

Jacob katalatámalh xlitalakgapasní Rebeca lhúwa kata. Lata amá kilhtamakú xlá tamakgaxtokjli chu kgálhilh chakutúy lakjkgwasan chu chatúm tzumat. Dios maxkilh lhúwa túmin.

Astán lata akgpúxman kata xakgxtakgmínit xchik antá nakj Canaán, Jacob katataspitlhí xkamanán tlakjpuskatin, kjskujnin, chu wakg xkitstankanin.

Jacob snun xkgalhi tajikua xlakjpuwán pí amá Esaú xmakgniputunku. Chuná xlá malakgachánilh lhúwa xkitstankanin la akgtúm taskiwa. Amá tazakua neje xtalimin kitstankanin tawanilh Esaú: "Mi skujni Jacob, maskiwimán jae takgalhin. Xla alla mima."

Wata ama Esaú xmatzankgenanita Jacob, chu paxawakgolh lata talaáxilhpa. Astán, Jacob katakakjswa latámalh nakj Canaán. Chuná, Isaac nilh, amá Jacob chu Eaú maákjnugolh. Amá xtamalakjnún chu xtalakjkaxlán neje Dios xmalakjnuninít Abraham, lachí Isaac makamaxkilh Jacob.

__