3. Lanka staknanalh chuchut

Alistalh titaxtulh kilhtamaku, hay ixtaliwkanit latamanin nak jkatiyatni. Xlakán lu snun lxtalikatzi chu xtalakgalhinan. Xtalakgalhinkan lulhuwa lxwanit chu Dios lakjkaxlalh na'kamamux'tiy tachixkuwitat.

Chu watiya Noe lu tlán lxtaziyay nakj xlakatin Dios. Noe xakgstitum xlatamay maski a makgapitizin lxmakglakgalhinankgoy. Dios litachiwinalh Noe pi xama makamin lulanga sen. Chu wanilh pi kakaxtlawalh akgtum langa putakútnu.

Dios wanilh Noe kakaxtlawa akgtum langa putakutnu nama lxlilanga 140 metros xlilhman, 23 metros xlitilanga, chu 13.5 metros xlitalhman. Noe xama likatlaway kiwi, xa kilhmaktutu, na pulakpitzilh, akgtlápalh, chu wilinilh aktum pulakawan. Wa uma putakutnu lxama kamakiy Noe, xkamanán, chu skan kitzistankanin, xpalakata ni na'muxtukgoy.

Noe kgalhakgaxmatnilh Dios. Wa, chu kgalhtutu lxkaman kaxtlawakgolh langa putakutnu la Dios lxwaninit. Wa uma putakutnu lu langa xwanit pi akglhuwa kilhtamaku titaxtulh akxni kaxtlawakgolh. Noe kalitachiwinalh latamanin pi'lxmima langa sen chu kawaniln kaputzaparakgolh Dios, chu ni kanajlanikgolh.

Dios na limapakgsilh Noe chu lxkamanan lxpalakata lhuwa taway lxmakikgolh xpalakatakan chu lxla kitzistankanin. Lata yajtú lxquitzankgay, Dios wanilh Noe pi'haya xlakgchanit kilhtamaku lxpalakata xla, xpuskah kgalhtutu lxlajkgawasan chu xlakjpuskatin xtanúkgolh nakj putukutnu. xliputum chanajatza latamanin.

Dios kamalakgachanilh Noe kitzistankanin tantum xa kgawasa chu tantum xa tzumat, nachuna takgalhin nima ta'kgosa lxpalakata na katamaknu naj putukunu chu tlán na takikgoy. Akxni na senan. Dios na kamákalh akgtujun xa kgawasa chu akgtujun xa tzumat tipakgatzin kitzistankanin nema'tlan na'lilakgachixcuwikán. Lata skan lxtanumakgolh nakj putakutnu, wa Dios tiku malakjchúwalh.

Tunkun tzukulh senan, senan chu senan. ¡Senalh tipuxam kilhtamaku chu tipuxam katzisni! Chuchut na'xpankjtaxtuy nakj jkatiyatni. Lata lxlikalanka katiyatni lxlitzama chuchut, nachuná xa laklanga cipi.

Skan tiku ixlama nakj jkatiyatni nikgolh, ni'chuna latamanin chu kitzistankanin ti lxtanumakgolh nakj putakutnu. Wa putakutnu lxlawaka nakj chuchut chu niti tiku lxtanuma tlán lxmuxtulh.

Lata xunkli sen, wa putakutnu lxlawaka nakj chuchut akgkitzis papa, chu lata uma kilhtamaku tzukulh xunka chuchut. Milh kilhtamaku wa uma putakutnu tachokgolh nakg lxakgstin cipi, katiyatni lxlitzamayku chuchut. Titaxtupá akgtutu papa, chu lxakgstinkan laklanga cipi haya'lxtasiyakgo.

Titaxtupa tipuxam kilhtamaku, Noe malakgachalh tantum spítu la chakglhni xpalakata lxukxilhi pi haya kshunknit chuchut. Wa spitu la chakglhni kaniwa kgosli chu ni takgasli kxa'kaskakni tiyat.

Alistalh Noe na malakgachalh tantum stanzas, chu nani takgasli xa kaskakni tiyat, chi taspitpa niku xwi Noe. xliatuma makanpa watiya stanzas, chu'wa tastaspitli kgantum xpakgan kiwi nakj xkgalhchup. ¡ álla kjskajma chuchut, chu kiwi chu palhma na kjtakjmaparakgolh!.

¡Noe kgalhkgalhipa lxliatuma chu makampa stanzas lxlimakgtutu. Lachi takgasli niku tlán na jaxa chu jaj taspitlhi!. ¡Chuchut haya kskakma!

Titaxtulh akgtuy papa chu Dios wanilh Noe: "Wix chu min kamanan chu putum kitzistankanin tlán taxtuyatit nakj putakutnu lachi. Lan kakgalhitit kamanan, chu lhuwa min tanatkán chi kamatzamatit katiyatni." Chuna Noe chu lxkamanan taxtukgolh nakj putakutnu.

Lata Noe takutli nakj putakutnu, xla kaxtlhawalh akgtum niku tlán na lakgachixkuwiy Dios chu kamakgnilh kitzistankanin nima tlán na'lilakgachixkuwinan. chu sicunalhiln Noe chu lxkamanan.

Dios wa: "kjmalakjnuy pi yaj ktilakjtlawalh katiyatni lxlakata xtalakgalhinkan latámanín, chu jaj najk kamamuxtiparay latamanín, maski latamanin makglakgalhinanin lata lakgskgatanku."

Tunkun Dios kastláwalh chamákxculi nima limasiyay tuku malaknulh. Lata taziyay chamákxculi nakj akgapún, Dios lakapastaka tuku maláknulh, chu nachuna lxlatamanín.

__