13.

Alistalh lata Dios ka'pulalilh israelitas kjxitat xa'spinini pupunu, xlá ka'pulalih nakj kamuntzayan nakj akgtum kasipijní ixwanikan Sinaí. Watiya uma sipi anta niku Moisés xa'akxilhnít aktzu kiwi nima xpasáma. Latamanin walikgolh lxli'akglhapankan anta niku stzukú sipi.

Dios wanilh Moisés chu xlatamanín Israel: "Chu pí wíxin na'kgalakgaxpatatit chu namakgantaxtiyatit kin talajkaxlan, lulanka lxtapalh nakin'tapakgsiniyatit, akgtum lxtapakgsit kskujnanin Dios, chu akgtum xa pulataman santa."

Titaxtulh akgtutu kilhtamaku, lata latamanin haya lxtalhi wakglhkgonit nakj lxespíritujkan, Dios tatáktalh jilí, makglipni, jín chu akgtum lhiwakga matizika akgalakgot nakj xakgstin sipi Sinaí. Watiya Moisés lxkgalhí talakaskin natakxtú nakj sipi.

Chuná Dios kamáxkilh xtalajkáxlan chu kawanilh: "Akit wá Jehová, min Dioskan, tiku kalakgmaxtun nakj katatachin makj Egipto. Ni kalakgachixkuitit amakgapitzín dioses."

"Ni kalhawatit talhawamakgxtut chuni kakalakgachixkuitit, lxpalakata akit Jehová akit chatum Dios xasitzin. Ní kalilatit kintakuwiní nakj katakgalhkgaman. liwana kalitayatit na'amakiyatit ama Sábado la'akgtum kilhtamakú xasanto. l Latiwanaw, kalha watit skan min taskujutkan nakj akgchaxan kilhtamakú, xpalakata akgtujun kilhtamakú xla wixín tlan najaxatit chu nakilakapastakatit.

Kakalakgachixkuitit min tikú chu min tze. Ni kamakgninantit. Ni katalhtata tiku ni min puskat. ní kakgalhanantit. ní ka'akgsaninantit. Ní kalakglakapí lxpuskat tiku lakatsu tawilan, ni xchik, ni'atanú lata xla skan kgalhiy.

Chuna lama, Dios tatzakgle uma ajkgaw limapakgsin nakj akgtiy tilanka chiwix chu maxkilh Moisés. Dios nachuna mastalh akglhuwa xlimapakgsin chu xlilhjan lxpalakata kstalanikgolh. Piwa latamanin lxa'amakgolh makgantaxtikgoy uma limapakgsin. Dios xamalaknunit pi xa'ama kasikunaliy chu xa'ama kamakgtakgalha. Chu pi ni xa'ama talhaway, Dios xa'ama kakgastakyaway.

Dios nachuna, kamaxkilh li'israelitas tanks lakgtzojkin xla xchik Dios nikuma xlá xlakaskin xlhawakgolh. limapakuika lakatum niku tastajkan, chu xkgalhi okgtiy pulakpitzin, xlimapitzikanit lipalh'apan. Watiya xa'puxku kura xamaxkikanit talakaskin natanúy anta nakj xchekgan lipalhápan, lxpalakata Dios anta xwí.

Lata tí tachixkuitat pi ni xamakgantaxtuy xlimapakgsín Dios xla xa'ama limín tantum takgalhin niku xlakgachix luinánkan xlakatin anta niku xtastojkan la akgtum lilakgachixkuit xla Dios. Chatum kskujni Dios xa'ama makgniy ama takgalhin chu xaáma klhkuyuy anta nakj lilakgachixkuit. Xkgalhní ama takgalhín nima xlilakgachixkuinankan xmatsekga talakgalhin tachixkuitat chu xlhaway piwa ama tachixkuitat xtachakgan lxtasiyalh xlakatin Dios. Dios lakgaklhi Moisés, Aarón chu xkamanán Aarón xpalakata xwankgolh xlakskujnin.

Skan latamanin tla xlimaxtukgonit natlawakgoy xlimapakgsin Dios nikuma xla xkamaxkinit, xpalakata na lakgachixkuikgoy watiya sla, chu lipaxuw pulataman xwa. Alistalh lata hay xtitaxtunit akgtsu kilhtamaku lata xmalaknunakgonit Dios, xlakan lulixkan makglakgalhinankgolh.

Akglhuwa kilhtamakú Moisés xwilachá anta nakj xatalhmán sipí Sinaí, xtachiwinama Dios. Latamanin lhakuankgolh tata xkgalhkgalhimakgolh xminpa. ¡Chuna xlakan linikgolh oro ama Aarón chu skinikgolh xkakaxtlawanilh akgtum tamakgtaxtut xpalakatakán.

Aarón kaxlawalh akgtum xtamakgtaxtut wakáx. ¡Latamanin lakjliluku tzukukgolh lakgachixkuikgoy ama tamakgtaxtut chu lilakgachixkuikgolh takgalhín! Dios luxlisitsinit xtalakgalhinkan chu xlakapastakma nakamaspotuy. Wata Moisés kapalakaskilh chu Dios kgaxmatlhi xpalakaskin chu ni kamalakgsputulh.

Lata Moisés takjtacha nakj sipi chu akxilhli ama tamakgtaxtut, lulisitsilh chu llkgasnokglhi ama lakj chiwix niku Dios xtatzoknit xa'ajkgaw xlimapakgsín.

Nachuná Moisés lulan likgasnokglí ama tamakgtaxtut chu laktsu kalhawalh, ama laktsu oro kamakgalh nakj chuchut chu tlawalh laki latamanin xlikgotnankgolh. Dios kamalakgachanilh latamanin akgtum takgastakyawan chu chalhuwa nikgolh.

Moisés lhawapá xasastí xalaktilanka chiwix xpalakata anta xtatsokgpá xa'ajkgaw limapakgsín chu xlitaxtulh nikuma xla laklhawalh. Astán xla takxtupá nakj sipí chu tachiwinalh Dios xpalakata xkamatsankgenonilh latamananin. Dios kgalakgaxmatlí Moisés chu kamatsankgenanilh. Moisés taspitpa nakj kakatutsu sipí chi xlin xa'ajkgaw limapakgsin nima tatsokglhi nakj xasasti tilanka chiwix. Chuna Dios kapulalilh li'israelitas kxkilhtin monte Sinaí nakj xtamaláknun katiyátni.

__