Akxní tataxtulh israelitas nakj Egipto

Israelitas lu'xtapaxawanit pi álla xtataxtunita nakj Egipto. ¡Yaj tachín xtawanit, chu xta'amánalh antá niku xkamalakjnunijanit tiyat! Amá Egipcios mastakgolh wakg tuku xlakán xtaskin, oro, plata chu wakg tuku xkgalhí xtápalh. lhúwa latamanín xa'alakatúnu púlataman takanajlánilh Dios chu kata'ankgolh israelitas akjxnixlakán tatáxtulh nakj Egipto.

Dios ka'pulálilh chu kgantúm kgantúm kgapilijwa puklhní xkapulalín nakj ka'kuni chu katzisni kgantúm kgapilijwa lhkúyat xwán. Dios xankgalhin xkataláma chu xkápulalima akjxní xtatláwamanalh. Xlakán mán watiya xlítlawatkan natastálaní.

Ni makgas titaxtulh, faraón chu xkachikín talakgpalilh xtalakapastakjnikán chu talakaskimpá xlakata israelitas xtachin chu kjskujnin katawampá amakgtúm. Dios tláwalh laki faraón xutax ka´wá lakí latamanín nata'akjxilha pi mám wá chatuúm chu xaxlikána Dios, chu na´takatzi pi wá amá, Jehová, xlá tlakj kgalhí litliwakga, ní'xtachuná faraón chu xdioskán.

Chuna faraón chu xmakgtakgalhnanín ta'akjstalaniparakgolh israelitas laki tachín nawámparkgo amakgtúm. Akjxni israelitas akjxilhkolh xmakgtakgalhnanin Egipto xta'talakatzuwimánalh, ta'katzikgolh pi xka'lakgachipanukanit chu kjxitat xtawilánalh antá xlakatinkán xwí pupunú xaspiníní chu xchekgan xtamimánalh xmakgtakgalhnanin Egipto. Xlakán xtajikjwamánalh chu ta'akgtasalh: "¿Wána taxtuchaw nakj Egipto? ¡na'niyaw!"

Moisés kawánilh israelitas: ¡yaj kajikuantit! Dios na'tarachipanán min'palakatakán chu wixin lachi nakalakgmaxtuyán.! Astán Dios wánilh Moisés: "Ka'kawání israelitas kata'tláwalh antá nakj pupunú spiníní."

Astán, Dios malakjxíjli kgapilijwa púklhni chu wililh xlakjtipankán israelitas chu egipcios laki egipcios nilá ka'akjxilhkgolh israelitas.

Dios wánilh Moisés pi kachaxlí xmakán xlakatin pupunú chu ka'mapitzilh chúchut. Astán Dios mak¿amilh ún laki na'makán chuchut xa'lakj pupunú nakj pakgastákat chu xpákgxuki, lakí ka´lalh kgantúm tíjí nakj xitat pupunú.

Amá israelitas ta´tláwalh kjxitat pupunú xa'skajní tiyat, na antá xlakjpanitni chuchút xwí.

Astán, Dios ma'talhmánilh amá puklhni chu ma'kganulh nakj tiji laki egipcios tlán x'akjxilhkgolh israelitas akxni xtatzalamánalh. Amá egipcios lakjkaxlakgolh na'stalanikgo.

Chuná xlakán tastalanikgolh amá israelitas antá nakj tiji neje xlanít antá nakj xítat pupunú, Dios wílilh tajlkjwa nakj xlatamatkán egipcios chu tláwalh lakí natalakgnutayá xpu'tláwkan. Xlakán ta'akgtazalh: "¡Katzalátit! ¡Dios ka'makgtayáma israelitas!"

Astán lata israelitas tlán chaánkgolh xkilhapan pupunú, Dios wánilh Moisés ka'chaxpa xpakgán a'makgtúm. Akjníxlá kgalhakgaxmatlí, amá chúchut ka'makjtzigólh lsmakgtakgalhnanin egipcios chu pakgtúm tawilapá chuchut. Wakg xmakgtakgalhnanin Egipto ta'muxttulh.

Akjxni israelitas akjxilhkgolh xlakata amá egipcios xta'ninit, xlakán talipawankgólh Dios chu ta'kanajlalh xlakata Moisés xwanít chatúm x'akgchiwina Dios.

¡Ii'sraelitas talipaxawakgolh xlakata Dios xlakata Dios xkalakgmaxtunit nakj ka'linín chu nakj ka´tachin! Lachí allá xkamakgxtakjkanit laki tlán na'skujnanikgoy Dios. Amá israelitas lhúwa ta´kilhtlilh na'talipaxawakgólh pi álla xkamakgxtakgkanit chu na'talakgachixkuwí Dios xlakata xlá ka'lakgmaxtulh nakj xmakan'kan makgtakgalhnánin egipcios.

Dios ka'limapakgslih israelitas ka'tatláwalh paxkua kata, kata, na'lilakapastakjkan niku lá xlá kamaxkilh ta'tlaja xakgspún egipcios chu ka'lakgmaxtulh nakj ka'tachin. Xlakán xtatlawá xtamakgníy kalhnilo lu'xalakjwán chu xtawakgó simita néje ni'xkgalhí li'maxkútin.

__