Dios maxkilh xtamalakjnún Isaac

Akjxní Abraham kgolotá xwanit, xkgawasa, Isaac, lanka kgawasatá xwanit. Chuná Abraham malakgachapa chatúm xtasakua anta nakj pulatáman xlitalakgapasnikán chu naliminí chatúm puskat xla xkgawasa Isaac.

Astan lata makgata xa'anit anta nakj pulatamán niku xtalamánalh xlitalakgapasni Abraham, Dios pulálilh amá tasakua antá niku xlama Rebeca. Xla xwanit xtánat xla xtakám Abraham.

Rebeca matlánilh na makgxtakga xlitalakgapasni chu natataspita xtazakua Isaac antá nakjxchik. Isaac tunkán tatamakgaxtokgli akjxní xla chalh.

Titaxtulh lhuwa kiltamaku, Abraham nilh, chu wakg tamalakjnún neje Dios xtlawaninit, amá talakjkaxlán makamaxkika Isaac. Dios xmalakjnuninit Abraham xlakata xa'ama kgalhí lhúwa xkamanán, wata amá xpuskat Isaac, Rebeca, ni lá xkgalhí kamán.

Isaac palakaskilh Rebeca chu Dios maxkilj talakaskin na kgalhinán stiyún. Amá chatúy lakgskgatán xtalachipay antá nakj xpán Rebeca, chuná Rebeca kgalaskilh Dios túku xláma.

Dios wanilh Rebeca: "nakj mi'makjni ama taxtúy chatúy kamán neje na'makilhtzukikgo akgtuy lakjlanga kachikin. Xlá nalataratlawá chu xapuxku naskujnaní xatajó."

Akjxni lakgawa xlakgskgatán Rebeca, xapuxku xkgawasa luchochokgo chu chixíwa lakgáwa, chu limapakuwíka Esaú. Astán lakgáwa xatajó xkgawasa xla xchipanit xatsán xtantún Esaú, chu limapakúwika Jacob.

__