14. Xtalapula nakj ka'munzayan

Astán, lata Dios kawánilh israelitas xlimapakgsin xlá xlakaskín ka'kalhakgaxmatnika la'xkatalakjkaxlanit. Makgxtakgkgolh amá sípi Sinaí. Dios tzúkulh kapulalín antá nakj katiyatni xatamalakjnún, neje na'xlimapakuwikán Canaán. Amá kgantúm puklhní x'lakatinkán x'áma titúm nakj Canaán chu xlakán xtastalanimánalh.

Dios xmalakjnuninít Abraham, Isaac chu Jacob pí wá x'ama kamaxkí tiyat xatamalakjnun amá xkamanán, wata lhúwa latamanin antá xtawilánalh. Xlakán xkalímapakuwikán Cananeos. Amá Cananeos ni'xtakgalakgaxmatní na ni'xtalakgachixcuwí Dios. Xlakán xtalakgachixkuwi xata'kaxtláw xdioscan chu katuwa lakglixkán xtatlawá.

Dios kawánilh israelitas: "Wixin na'kamasputuyatit wakg Cananeos anta xa'tiyat tamalakjnún. Naní nataralipinatit nani'katatamakgaxtokgtit. Na'nalakgpakglhatit wakg xdioscan neje makanítlawakanit. Pí wixin ni'na kgaxpatatit, chu na'lakgachixkuwiyatit kjxintilhkán chu ní'akit."

Akgxní israelitas cha'ankgolh xkilhapan Canaán, Moisés lakgsakjli chakutí lakj'chixkuwín, chatúm lata kgatúnu lakjtzu kachikín xla'Israel. Xlá tlán ka'akgastakjyawalh laki nataán chu na taskgalá nikulá tasiya amá tíyat. Nachuná x'amakgolh kas'kgalakán Cananeos pi tliwakga xtawanit o xtaxlajwanán.

Amá chakutí lakj'chixkuwín lakgatzalakgolh antá naakj Canán tí'puxám kiltamakú chu tataspitpá. Kawánilh israelitas: "¡Amá tiyat ka'muntapu chu snún la'nanán!" Wata amá chakaw lakjchixkuwín tiku ki'akjxilhkgolh tiyat, wankgolh: "¡Amá kachikín lu'tliwakga chu latamanín lakj chalhmán chu lakjlanga! ¡Pí na´kataratlawayáw, xlikána nakinka tlajayán chu na'kinkamakgniyán!"

Tunkán Caleb chu Josué, tiku na'takimakgskgalalh tiyat, táwa: "¡Xlikána latamanin xa'lakj Canaán lu lakj'chalhmán chu lakgtliwakga, wata tlikana akinin nakatlajayaw! ¡Dios na'tarachipanán kimpalakatakán!"

Wata latamanin ni takgaxmatnilh Caleb ni Josué. Tasitzinikgolh Moisés chu Aarón chu tawanikgólh: "¿Wána kin'kálit ju'u niku anán ta'akgxtokgajnat? Wata tlakj tlán xtitamakgxtakgwi nakj Egipto wata ju'u na'kimkamakgnikanán chu kimpuskatkán nachuná kin'kamanán tachín nawanáw." Latamanin xtalakjsakjputún túnu tí xka'akjpuxkúlilh na'taspitparakgo nakj Egipto.

Dios lu´kjsitzinít chu milh anta niku tastokgkán. Dios wá: "Wata wixin ni tlawaputunátit tuku jkalimapakjsiyán, wakg wixin na'latapayatit nakj kamuntzayán. Wakg tiku kgalhí liwka akgpuxám kata na'taní chu nixni kititánulh nakj katiyatni xatamalakjnún."

Akxni latamanin takgaxmatlhi tuku xlá kawánilh, talakgaputzalh xpalakata xtalakgalhín. Tiyakgólh xlitalatni chu ankgól tarachipakgo latamanin xla Canaán. Moisés kama'pulínilh tachiwin lakí ní kata'alh Dios nix'áma kata'án, waka xlakán ni takgaxmatli.

Dios ni kata'alh nakj pulakgachípan, chuná xlakán ka'akjtlajamika chu lhúwa camakgíka. Astán israelitas ki'taspitkgolh nakj Canaán chu latamakgolh nakj kamuntzayan tipuxm kata.

Lata tipuxám kata xlatamanin Israel xtalapulá nakj kamuntzayán, Dios xkamaxki tuku na'lilatamakgo. Kamalakgachánilh simita xalakj akgapún, neje xwanikán "mana." Nachuna malakgachalh lhúwa la'stansas antá niku xtatlawanít akgstitlapankan chuná xta'amanalh takgalí liwa chu nawakgo. Lata amá kiltamakú, Dios tláwalh xlakata ni na l akgwán kjlhakgat chu xtatúnukán ní'talakxtitlí.

Dios nachuná kamaxkilh chuchut nakj akgtúm limalakawánit chíwix. Wata wakg tuku xtatitaxtunítá, amá latamanin xla Israel talikskgolh chu tasitzikgólh Dios chu Moisés. Latiya'kú, Dios xlitayanit xtamalakjnún neje ti'tlawánilh Abraham, Isaac chu Jacob.

Akgtúm kilhtamakú akxni latamanin ni'xtakgalhí chuchut, Dios wánilh Moisés: "Katachuwinanti langa sípi chiwíx chu antá na'taxtú chuchut." Wata Moisés ni'lakgachixcuwilh Dios xlakatin latamanín chu makgati limakgsnokjli kiwi akjxni Dios xwaninit pi mán katachuwinalh. Taxtulh chuchut antá nakj chiwíx lakí tlán natakgotnan, wata Dios kjsitsíninit Moisés chu wánilh: "Wix ni'pimpat tanuya antá nakj tiyat xatamalakjnún."

Astán lata amá israelitas xtalamanalh antá nakj kamuntsayán tí'puxam kata, wakg tiku ni'xtakgaxmatninit Dios chu xtaninit. Chuá Dios kapulálilh latamanin nakj xkilhapán katiyatni xatamalakjnún a'makgtúm. Moisés kgolotá x'wanit, chuná Dios lakjsakjlí Josué laki namakgtayá naka'pulalín latamanin. Dios na'xmalakjnuninit Moisés pi x'áma makamin chatúm akgchiwiná la'xlá.

Chuná Dios wánilh katakjxtulh nakj xákgstín sipi chu antá nalí'lakan na'akjxílha amá tiyat xatamalakjnún. Moisés mán akjxilhlí amá tiyat xatamalakjnún. Moisés mán akjxilhlí amá tiyat xatamalakjnún wata Dios ní'maxkilh talakaskin na´tanú. Chuná, Moisés nílh, chu israelitas lakgtasakgolh puxamakáw kiltamakú. Josué tsúkulh kapulalin. Josué tlán ka'akjpuxkúlilh wata xlá xlipawán chu xkgaxmatní Dios.

__