5. Kgawasa xatamalakjnún

Xlí'ajkgawa kata lata Abram chu Saraí xtacha'anit antá nakj Canaán, niná xtakgalhí kamán. Amá xpuskat Abram, Saraí wánilh: "¡xlakata Dios ni kimaxkinit talakaskin nakj kgalhi kamán chu hay tzikaná akit, chu yajlá kjtimalakgawanilh skgata, uwí kin tazakua, Agar. na'katatamakgaxtokjtí lakí tlán na kgalhí chatúm kamán chu kilá nawán."

Amá Abram tatamakgaxtokjlí Agar. Agar malakgawánilh chatúm kgawasa, chu Abram limapakúwilh Ismael. Wata Saraí tzukulh sitsiní Agar. Akjxní Ismael xkgalhi akgkututu kata, Dios tachuwinampa amakgtúm Abram.

Dios wanilh: "Akit wá amá Dios wakg litliwakga. Nakj tlawayaw aktúm talakjkaxlán." Amá Abram tatsokgostalh nakj tiyat. Dios nachuná wanipa Abram: "Wix nawana xa´tlat xlilhuwa latamanín. Wix nakj maxkiyan chu min kamanán amá tiyat xla Canaán antá na'latapayatit chu akit nakj wan mi Dios xlipán. Na'namakjlhltiníya xakjstán kjxuwakán xla xtáxu chatúnu lakjkgawasán anta nakj minchik."

"Min puskat, Sarai, namalakgwaní chatúm kgawasa xla nawán xakgawasa xatamalakjnún. kalimapakúwi Isaac. Akit nakj ta'tlawa akgtum talakjkaxlán, chu xla nawán xatlat xalhuwa latamanin. Nachuná Ismael nawán xlatlat xa lhuwa latamanin, wata kintalakjkaxlán nawán xla Isaac." Chuná Dios lakgpalínilh xtakuwiní Abram chu Abraam litapakúwilh, amá takuwiní wamputún "tlat xla lhuwakamán." Nachuná Dios lakgpalilh xtakuwiní Sarai chu Sarah limapakúwilh, ama takuwini wamputún" xtsumat chatúm lanka mapakgsiná."

Amá kiltamakú Abraham ka´chukunilh kjxuwa xtáxu wakg lakj'kgawasán antá nakj xchik. La'akgtum kata xtitaxtunitá, akjxni Abraham xkgahli 100 kata chu Sarah xkgalhí 90 kata, Sarah malakgawánilh chatúm akjtsu kgawasa xla Abraham. Limapakuwika Isaac la Dio xkawaninit.

Akjxni Isaac kgawasatá xwanit, Dios liákjxilhlí xtakanajla Abraam chu wánilh: "Katíya Isaac, amá chastum min kgawasa, chu kamakgni kakililakgachixkúwi." Amakgtúm Abraham kgaxmatnilh Dios chu takaxlí laki nalilakgachixkuwí xkgawasa.

Akjxní Abraham chu Isaac xtatláwamanalh antá niku na'lakgachixkuwinan, Isaac kgalhskinínalh: "¿Tlati, Kgalhiyawá tasakgni nalilakgachixkuwinanaw, wata niku wi amá kalnilo?" Abraham kgaltilh, kin kgawasa Dios namastay amá kalnilo nalilakgachixcuwinanaw."

Akxi xlá táchalh antá niku natalakgachixkuwí, Abraham chilh xkawasa Isaac chu wililh antá niku lakgachixkuwinankan. Skgalh tawi laki na'makgní xkgawasa akjxni Dios wánilh: "¡Kakgalhi!" ¡Ni kamasipani min kgawasa¡ Lachi allá jkatsi pi wix kilakajikjwaniya xlakata wix ni kilakjkatsani namá xasakjstu min kgawasa."

Abraham akjxilhli lakatzu tantúm kalnilo pi xlakganuya anta xlakgastipán kiwi. Dios hay xmastanitá tantúm kalnilo laki na lilakgachixkuwikán antá nakj xlakxoko Isaac. Katapaxawán Abraham mastalh amá kalnilo la akgtúm lilakgachixkúwit.

Astán Dios wánilh Abraham: "Lu'xlitayanita pí wakg xpimpat kimakamaxkiya, chu nachuná amá xa'sakjstu min kám, lachí kjmalakjnuniyán pi nakj sikulhnatlawayán. Min kamanán na lhuwankgó la staku tawilánalh nakj akgapún Xlakata wixkgaxpatí tuku kjwanin wakg tachixkuwítat xlikalanga kakilhtamakú nakj mín kamanán natasikulnalakgo.

__