21. Rəmwa ndrəkase ŋen ŋə-Missaia
Ananoŋ Rəmwa raɽu ŋen ṯa arəđwaṯe al masiya. Ɖəkasa ŋen ŋal masiya đananoŋ đeṯo an aḏam na Awa. Rəmwa ndrəkase ŋen ṯa eđələŋe đawa eđa giđ aŋələŋəni igi giđi aŋgere rəmwa reicia ŋəsia nda. Rəmwa reicia ŋəsia irri rəgəuṯu Awa alo fəŋu seṯan. Ɖəkasa ŋen ŋal Masiya ŋenŋanṯa al masiya giđi ŋəđame ŋabəɽa ŋəseṯan.
Rəmwa ndrəkase ŋen Ibraimga ṯa ŋoɽa ŋəleđa pređ lalo liđi aləme đəbuŋṯia iŋuŋ. Ɖəbuŋṯia iđi điđi ađunḏəjaini ndə al masiya giđi aŋela iliga ildi liđi alela. Gənəŋu giđi aŋiđi ŋen ŋobaŋəno eleđa ləŋëɽwa ɽetəɽeteo ṯa alëbərni.
Rəmwa ndrəkase ŋen Musaga ṯa iliga ildi liđi alela rənëŋu riđi artuđi eđa igi gəɽwata eŋen iŋi ŋiđi aŋela garno Musa. Fəŋen ŋomən ŋəđəkasa ŋen ŋal Masyia iŋi ŋiđi aŋela iliga lətafər.
Rəmwa ndrəkase ŋen eləŋ Ḏauḏga ṯa eđa gənəŋ eđələŋe đələɽəŋa giđi aŋirldi leđa ŋen ŋarno eləŋ eleđa l-ɽrəmwa b̵əɽəbəte. ŋenŋanṯa al masiya giđi aŋəɽeṯe eđa gənəŋ eđələŋe đə Ḏauḏ.
Anabi Irmaiyaga, Rəmwa ndrəkase ŋen ṯa riđi ariđi đərreiđia ŋen đəmaijən, orn gerṯa garno đərreiđia iđi liđu leđala Lisrayil alo yi Sina. Iđərreiđia ŋen đəmaijən, Rəmwa riđi arǝwarađaṯe alganun yëləɽəŋu enare nəleđa, orn liđi aləŋeṯe Rəmwa bəɽan, liđi aləɽeṯe leđa əllëɽəŋu, na Rəmwa riđi arələŋgađeici ŋen eŋen ŋeicia. Al masiya giđi aŋətođe ŋenəŋa ŋəđərreiđia ŋen đəmaijən.
Inabi i-Rəmwa com nayaṯa ṯa com al Masiya giđi aŋəɽeṯe Nabi, alkana na eləŋ. Anabi fəŋu eđa igi gǝna ole gə-Rmwa na ṯəŋərəŋaicu leđa. Masiya igi Rəmwa rǝgayo ŋen ṯa riđi armađwaṯa gəɽo Nabi yeɽǝn̄ađaiđo.
Elkana ye ̵ leđa Lisrayil yəbəṯia Rəmwa điɽəđənia ŋenŋanṯa ađəraṯe eŋen ŋubwa ŋeicia iŋi lənëŋulu ləneinu. Elkana com yaṯurṯia Rəmwa eŋen ŋəleđa. Al masiya giđi aŋəɽeṯe alkana yeđǝrwato isi iđi ayənaiđe etam gəlëɽəŋu garno điɽəđənia đǝ-Rmwa đəɽəñađeinu.
Eləŋ fuŋu eđa igi gəbërldia ŋələŋe na ṯaŋakəme leđa. al masiya giđi aŋəɽeṯe eləŋ gerəjađṯo igi giđi aŋəɽaŋe nalkursi yeṯen gǝpende Ḏauḏ. Gənəŋuŋ giđi aŋəkəme alo pređ bəɽəbəte, na giđi aŋakəmeđe ŋenŋa ŋǝđetam na ŋiđi aŋiđi ŋen ŋəđərwaṯu.
Inabiya i-Rəmwa yaɽwato ŋen ŋwaiña ŋal Masiya. Nabi Malake gaɽwato ṯa Nabi yoɽra yiđ ayela ananoŋ ŋen al masiya gǝməlu geṯo. Nabi Isaiya gaɽwato ṯa al masiya giđi aŋələni eŋere ŋaijəba eđa gaɽorra kwai kwai. Nabi Mega gaṯa ṯa gənəŋuŋ giđi aŋələŋëini Irnuŋ gə-Bitilam.
Anabi Isaiya gaṯa al masiya giđ aŋəfeṯe alo Ijalil, aŋəbəɽe leđano ildi nare enen nəgəro, na aŋələrəŋaici đëbərnia đəđədənia na aŋəməñi leđa lëndənu. Gənəŋu gaɽwato ṯa al masiya giđi aŋeiđi leđa luma na ildi ləber ləna, na ləseiđia na ildi ləjəba ləɽwata walla ləbərlda.
Anabi Isaiya gaɽwato ṯa al Masiya giđi aŋgiini bipi na aŋəniđəni. Anabi yǝmatan yaɽwato ṯa leđa ildi lǝɽǝn̄o Al ̵ masiya liđi almǝrceđe erena na đappa đǝlëɽǝŋu điđi ađəmabəlaice. Nabi Sakariya galwaɽo ṯa đappa điđi aŋənaini̱ faḏḏa eređia giɽijin garno ilia yeđabəlaicia đə-Missaia.
Inabiya yaɽwato com eŋen ŋəŋəɽaiñ ŋǝ Almasiya. Isaiya gaɽwato ṯa leđa liđi aləmađaṯabəṯe nano, almađəmaice eŋen ŋen na almwëpi. Lənëŋulu liđi almađowe na gənëŋu giđi aŋaiye ŋenŋa ŋubwa na ŋəbəɽaŋəno kaiñ, orn gənëŋu gafo gero gəbəđia ŋen ŋənəŋ ŋəfo mənna.
Inabiya yaṯa ṯa al masiya giđi aŋəɽeṯe gəɽəñađaiđo, gero ŋen ŋeicia. Gənëŋu giđi aŋaiye ṯa aŋəme ŋen ŋəbwa ŋəleđa lomən. ŋen ŋəbwa ŋəlëɽəŋu ŋiđi aŋəma đëuṯaralo i-Rəmwa na eleđa. Nṯia ŋenəŋa iŋi, fəđəŋənṯiađa ŋen đə- Rəmwa ṯa al Masiya giđi aŋgəre aŋəno.
Anabiya yaɽwato ṯa al Masiya giđi aŋaiye naṯia Rəmwa riđi arəmatuđi eŋəɽaiñ. ŋəɽaiñŋa ŋə-Masiya na đətođađa eŋəɽaiñ đəlëɽəŋu, Rəmwa riđi arəɽəñađaṯe ŋen iŋi rëɽu ṯa arëbəri leđa leicia na arəɽi đǝrreiđia ŋen đǝmajǝn.
̵Rǝmwa ndrǝmǝñiṯi Inabiya laŋge lwaiñia ŋenŋanṯa Masiya, orn Masiya naŋerṯe geṯo iliga ilddëi Linabiya. ŋen ŋarno nǝṯǝliaŋ nəməñaṯo orǝba 400 ŋen ŋǝḏurṯu iŋi inabiya yeɽwato, iliga lakəl đuri, Rǝmwa riđi arǝđwaṯa Masiya alo.
Ɖumađənia enađam ini nətəɽe nəđərreiđia eŋen đəram: Ađam gəđətođalo 3:15; 12:1-3; Ađam gəđələləŋəđainia eŋen 18:15; 2 Samwel 7; Irmaiya 31; Isaiya 59:16; Ṯaniel 7; Malake 4:5; Isaiya 7:14; Meka 5:2; Isaiya 9:1-7; 35:3-5; 61;53; Masmur 22:18; 35:19;69:4;41:9; Sakariya 11:12-13; Isaiya 50:6; Masmur 16:10-11