7. O Dol blagoslovil e Jakove

Sar e čhave barile, o Jakov volisada te bešol čhere, a o Isav volisada te lovil. I Reveka volisada e Jakove, a o Isak e Isave.

Jekh đive dok irisajlo o Isav taro lov, sasa but bukhalo. O Isav vačarda e Jakovese: "Moliv tut, dema tar gova hape so čerdan." O Jakov vačarda lese: "Angleder tu dema ćo phurederipe." Taj gija o Isav dija po phurederipe. O Jakov dija le taro hape.

O Isak manglja te dol po blagoslov e Isavese. A angleder so reslo, i Reveka thaj o Jakov prevarisade le gija so o Jakov čerda pe kaj si o Isav. O Isak sasa purano thaj ni dikhlja. A o Jakov urada e Isavese šeja thaj čuta pe peste morčhi pe vasta taj ki pi kor.

O Jakov avilo ko Isak i vačarda: "Me sem o Isav, aviljem te dema ćo blagoslov." Kana o Isak osetisada i morčhi i mirišisada e Isavese šeja, mislisada kaj si gova o Isav thaj blagoslovisada e Jakove.

O Isav zamrzisada e Jakove golese kaj čorda leso phurederipe, thaj leso blagoslov. Manglja te mudarol e Jakove kana ka merol lengo dad.

I Reveka šunda e Isaveso plan. Golese voj thaj o Isak bičhalde dur te živil o Jakov laće familijasa.

O Jakov živisada but berša e Revekaće familijasa. Ane gola berša vov ženisajlo i sasale dešuduj murša thaj jekh čhej. O Dol čerdale but barvalo.

Nakhle biš berš sar sasa dur tar po čher ano Hanaan, o Jakov irisajlo pe familijasa, pe slugencar thaj pe stokasa.

O Jakov darajlo golese so mislisada da o Isav manđol vađi te mudarol le. Vov bičhalda e Isavese but tare piri stoka sar poklon. O sluga savo anda e stoka e Isavese vačarda lese: "Ćo sluga, o Jakov, dol tut kale stoka. Vov ka avol sigate."

O Isav oprostisada e Jakovese, thaj sesa bahtale so dikhlje pe. O Jakov šukar živisada ano Hanaan. O Isak mulo, a o Jakov thaj o Isav prahosade le. O zavet savo dija o Dol e Avraamese akana nakhlo taro Isak po Jakov.

Biblisko paramič andaro 1 lil e Mojsijaso 25,27–33,20