31. O Isus phirol po paj

O Isus vačarda pe učenikurenđe te ukljen ano čamco i te načhen koja strana taro jezero dok vov mečhol e narodo te đan pese. Kana đelo pese o narodo, uštilo ko brego te molil pe. O Isus sasa gothe korkoro, a molisajlo đi kasno uveče ani rat.

Paše gova vreme, e učenikura sesa ane po čamco thaj veslisade, al đi kasno ani rat resle samo đi ke opaš o jezero. Veslisade bare mukasa golese kaj i barval phurdija averthar.

O Isus završisada i molitva thaj đelo kare pe učenikura. Phirda po paj ko jezero i đala prema lengo čamco!

E učenikura kana dikhlje e Isuse but darajle, golese kaj mislisade kaj dičhen duxo. O Isus đanglja kaj darajle, pa dija len vika thaj vačarda lenđe: "Ma daran. Me sem!"

Tegani o Petar vačarda e Isusese: "Rajo, ako san tu, naredi manđe te avav ke tute po paj." A o Isus vačarda e Petrese: "Ava!"

Gija o Petar iklilo taro čamco i lija te phirol premalo Isus pi površina e pajesi. Al kana zala phirda, crdija po pogled taro Isus lija te dičhol e talasura thaj te osetil i bari barval.

O Petar lija te daral i lija te properol ano paj. Dija vika: "Rajo, arak ma!" O Isus odma dolda le. Tegani vačarda e Petrese: "Tu manušea cikne verače, sose sumnjisadan?"

Kana o Petar thaj o Isus uklile ano čamco, i barval odma ačhili te phurdol thaj o paj smirisajlo. E sikade sesa zadivime. Klanjisajle e Isusese. Vačarde lese: "Tu san čače, e Devleso Čhavo."

Biblisko paramič andaro: Lačho lafi taro Matej 14,22–33; Lačho lafi taro Marko 6,45–52; Lačho lafi taro Jovan 6,16–21