14. O narodo phirda ani divljina

Kana o Dol vačarda e Izraelcurenđe e zakonura save manglja von te šunen sar deo tar leso savez lencar, ačhade o brego o Sinaj. O Dol lija te inđarol len premali Obećimi phuv, savi akharola pe Hanaan. O stubo taro oblako đala angle lende premalo Hanaan i von đana pale leste.

O Dol obećisada e Avraamese, e Isakose thaj e Jakovese kaj ka dol i Obećimi phuv lenđe potomkurenđe, a gothe živisade but narodura. I dije pe vika Hanaanci. E Hanaancura ni klanjisajle niti šunde e Devle. Von klanjisajle e hohavne devlenđe, thaj čerena but bilačhe buča.

O Dol vačarda e Izraelcurenđe: "Tumen mora te isterin sa e Hanaancuren tari Obećimi phuv. Ma aven ano mir lencar, taj ma len tumen lencar. Mora sa te phađen lenđe idoluren. Ako ni šunden ma, ka klanjin tumen lenđe idolurenđe umesto manđe."

Kana resle paši granica taro Hanaan, o Mojsije birisada dešudujen muršen, po jekhe tar svako pleme. Sikada gole muršen kaj te đan, te dičhen goja phuv savi si. Gija trubuje te dičhen e Hanaancuren dal si zurale il si slaba.

Dešuduj murša nakhle maškaro Hanaan saranda đive i irisajle. Vačarde e manušenđe: "I phuv si plodno thaj but dol bijandipe." A deš đene vačarde: "E forura si lenđe but zurale a e manuša si divura! Ako amen napadi len, ka pobedin amen thaj ka mudaren amen!"

O Kalev thaj o Isus Navin, e duj so đele te dičhen i phuv, vačarde: "Čače si e manuša taro Hanaan bare thaj zurale, al amen šaj pobedi len! O Dol ka boril pe amenđe!"

O narodo ni šunda e Kaleve thaj e Isuse Navine. Holajle po Mojsije thaj po Aron thaj vačarde: "Sose anden amen ke kava bilačho than? Trubujam te ačha ano Egipat, a na te ava mudarde ano maripe, a amare romnja thaj amare čhave te aven robura." O narodo manglja te biril avere vođa savo ka irilen ano Egipat.

O Dol but holajlo avilo ano Šatori taro Sastanko. O Dol vačarda: "Sar bunisaljen protiv mande, sa o narodo ka phirol ki divljina. Sem o Isus Navin thaj o Kalev, sa kas isi biš berš il po but ka meren i nikad ni ka uđin ani Obećimi phuv."

Kana o narodo kava šunda, sasa lenđe žal so grešisade. Lije po oružije i đele te napadin e narodo taro Hanaan. O Mojsije upozorisada len te ma đan kaj o Dol naj lencar, al von ni šunde le.

O Dol lencar ni sasa ani bitka, pa von hasarde thaj but đene mudardile. Pal gova e Izraelcura okrenisajle taro Hanaan thaj phirde ani divljina saranda berš.

Ke gola saranda berš sar o Izraelsko narodo phirda ki divljina, o Dol brinisajlo lenđe. Dijalen mangro taro nebo, savo akhardilo "mana". Thaj bičhalda lenđe jato prepelice (srednje bare čiriklja) ane lenđe logora te bi šaj hana mas. Ane sa gova vreme o Dol arakhlja lenđe šeja thaj lenđe sandale te ma trošin pe.

O Dol čudesno dija len paj tari stena. A pale sa gova, o Izraelsko narodo vačarola, mrmljila protiv o Dol thaj protiv o Mojsija. A čak i tad, o Dol sasa verno zake obećanja save dija e Avraamese e Isakose thaj e Jakovese.

Jekh dujto drom kana e narodo naj sasa paj, O Dol vačarda e Mojsijase: "Vačar e stenaće, i o paj ka thavdol latar." A o Mojsije lađarda e Devle anglo celo narodo gija so duj droma čalada ani stena e štaposa umesto te vačarol e stenaće. O paj čače thavdija andari stena i savore pilje, a o Dol sasa holjamo po Mojsije thaj vačarda: "Tu ni ka uđi ani Obećimi phuv."

Kana e Izraelcura phirde saranda berš ki divljina, savore so bunisajle protiv o Dol sesa mule. Tegani o Dol opet anda len angli Obećimi phuv. O Mojsije sasa but purano o Dol odabirisada e Isuse Navine te pomognile te vodil e narodo. O Dol obećisada da jekh đive ka bičhalol jekh đive proroko sar o Mojsija.

O Dol vačarda e Mojsijase te đal ko vrh e bregoso te bi šaj dičhola i Obećimi phuv. O Mojsije dikhlja i Obećimi phuv, al o Dol ni mukhlja le te ulazil ane late. Tegani o Mojsije mulo, e Izraelcura žalisade saranda đive. O Isus Navin postanisada lengo nevo vođa. O Isus Navin sasa šukar vođa golese kaj pačaja thaj sasa poslušno e Devlese.

Biblisko paramič andaro: 2 lil e Mojsijaso 16-17; 4 lil e Mojsijaso 10-14; 20; 27; 5 lil e Mojsijaso 34