ሸጣን እግል እየሱስ ጀረበዩ

25.1እየሱስ ሓቆ ጠመቓ እግል መንፈስ ቅዱስ ዲብ ምድረበዳ ወስዳዩ፤እቡ ሄኒ አርባ አምዕል ወአርባ ለሊ አክል ወማይ እስታን ወእ ባልዓንን ሰይም ዓላ። ሓቆሁ ሸጣን ዲብ የሱስ እንደ ማጻ እኩይ እግል ልውደ ጀረበዩ።

ወድ ረቢ ሓቆ ጋ እካ እግል ትበላዕ እግል እሎ ባናይ ዲባ እንጀራ ኦው ሄኒ ሕምባሻ ቀይሩ እንደ ቤላ ሸጣን እግል የሱስ ጀረበዩ።

የሱስ ሄኒ አዳም እብ አርዋሕቱ እግል እሊ ለትሓድዩ እንጀራ በኑ እኮንን ምን ረቢ ልትሃጋዩ ሕድሕድ ህግያይ ለትሓድዩቱ እንደ ትባሃል ቃል ረቢ ክቱብ ለሃለቱ እንደቤላ ቤልስ ሃበዩ።

እብ ግርሁ ሸጣን እግል የሱስ ዲብ ረይም ጠረፍ ቤት መስደቀት እንደ ነስአ፡ወድረቢ ሓቆ ጋእካ ምን አርዋሐትካ ዲብ ታሓት ውደቕ፡ማዓናሃ አግርካ እብ እከን እግል እትትዓንቀፍ ሄኒ እግል ሊርፍዑካ ረቢመላእከቱ እግል ልልኣክ እትካቱ እንደትባሃላ ክቱብቱ።2

ሓቆ እሊ ግን የሱስ ምን ክታብ ቃል እንደ ጣቅሳ እግል ሸጣን በልስ ሃበዩ። ዲብ ቃል ረቢ ከምሰል እሊ ለልብል ሃላ እግል አላህ እው ሄኒ ረቢ እቲ ጀርቡ እንደ ቤላ ለልትሃገ እግል ኩሉ ሸዓብ ክታብ ቃኑን ሃላ ቤሌዩ።

ሓቆሁ ሸጣን እግል ሕኩምታት አድንያ ግርመቶም አርኦዩ እግሌ ሓቆ ሰገድካ እሊ ኩሉ እግል ላሃበካቱ ቤሌዩ።

የሱስ ሄኒ ጊስ እንታ ሸጣን! ዲብ ክታብ ረቢ ክኒ ለልብል ሃላ እግል አላህ ኦው ሄኒ እግል ረቢ በኑ ስገድ እንደ ቤላ ኩቱብቱ ቤሌዮ።

የሱስ እብ ሸጣን ጀርበት ቡዱር እይዓላን ሓቆ እሊ ሸጣን እግል ሑጽ ወቕት ሓድገዩ፡ሓቆሁ መላእክቲ መጸው እግል የሱስ ኣገልገልዎ።

ታሪክ ክታብ ቅዱስ ምን ማቲዮስ4፡1-11 ማርቆስ1፡12-13 ሉቃስ4፡1-13