ቤተ ክርስትየን አሴብዴት

ዬሱስ እት ዐስቴር ሐቆ አቅበለ፡ወለድ ድረሴቱ ክምሴለ ዬሱስ ለአዜዮም እት ዮርሰሌም ጸንሐው።እሎም ዲቡ ለአሌው አመንቲ ህዬ እንደ ጼልዮ እንዳ ኢልአቃሩጦ ልትአኬቦ ዐሌው።

አይሁድ እብ ሰኔት ሰኔት ሐቆ ፈሲገ ዲብ ለህለ 50 አምዕል ዼንጤቆስቴ ለልትቤሀ፡አይሁድ በዐል ቄይም ለሌብዕሎ እተ አምዕልቱ።አይሁድ እግል ዼንጤቆስጤ ምስል እግል ለብዕሎ ምን ምሉእ ዐሌም ዲብ ዮርሰሌም መጥኦ ዐሌው።ዲብ እሊ ሴነት፡ዬሱስ ዲብ ዐስቴር ሐቆ ዐርገ ሐቆ ሐቴ ሰምን ዼንጥቆስጤ ለልት በሀል ወቅት በጥሐ።

አሜንቲ ኩሎም ምስል እኩበም እት ህለው፡እብ ሰድፍ እታ ለዐሌው ዲበ ቤት ክርን ላመስል ሸመል መልአ።ሌዶል ዲብ ምንለዐል እት ክል ዎሮቶም ኬራ።ኩሎም እብ መንፌስ ቅዱስ ትመለአው፡ወለመንፈስ መትሃጋይ ክምሰል ለሀበዮም ብዕዳም ሀገጊት እግል ልትሃገው አምቤተው።

እሎም ዲብ ዮርሰሌም ለዐሌው ገበይል ክርን ሐቆ ሰምዐው፡ሚክምሰልቱ እግል ልርአው እንዳ ተአኬበው መጼው።ለአመንት ለሌፌክር ውዳይ ሞለይ ልትሀጌው ሐቆ ሰምዐው፡እግል እሎም ውዳይ እብ ህግየሆም እብ ምስመዕ ሆም ታዕጀቤው።

ሰሮብ ሰብ፡እሎም ውለድ መድረሴት እንደ ሰክሬው ቶም ቤለው።ለኪን ዼጥሮስ በጥረ ቤለ ህዬ«ስምዑኒ! እሎም ሰብ ኢሰክረውኒክ!እሊ ለረቢ እብ ነቢ ዩኤል፡«እት አክር አምዕል፡መንፈስዬ እግል እክዐዩቱ!>ለቤለዩ ትንቢት ጌብአ መሌቱ።

ሸዐብ እስረኢል፡ክምተ ለሬኤኩምዎ ወቄደም ለተአሙሩ ዬሱስ እብ ሒለት ረቢ ብዱ ዐበዪ አሸይር ተአምር ለዌዳ እነስቱ።እንቱም ለኪን ሰቄልክሙዎ።

«ዬሱስ ልሙት እንዲኮኒ ረቢ፡ምን ሞት ሀሬሴዩ።እሊ ህዬ እሊ፡«እግል ቅዱስከ እት መቃብር ምብስበስ እግል ልርኤ ኢትሕዴጎ»ለልብ ትንቢ እግል ልግበእቱ።ረቢ እግል ዬሱስ ህየው እንደ ዌዳ ክምሰል ሀሬሰዩ ሕነ ምሸህዲን ሕነ።

ዬሱስ አዴ ዲብ የመን ረቢ ልዕል እንደቤለ ልትረኬብ።ክምሰሉመ ዬሱስ ክምሰለ ህቱ ሰእዮብ ለሀቤዩ መንፈስ ቅዱስ ለእከ።እሎም አዴ ትርእዎም ወሰምዕዎ ለህሌኩም ሐጀት እሊ መንፈስ ቅዱስ ወደዩ።

እግል እሊ ዬሱስ ሰቀልኩሞ።ረቢ ለኪን እግል ዬሱስ ሞለይ ወመስሕ ክምሰል ዌደዩ እብ አመን አምሮ።

እሎም እግል ዼጥሮስ ሰምዖ ለዐሌው ሰብ እበ ለተሀጌዩ ህግየ ቴንኬፈው።ሰበት እሊ እግል ዼጥሮስ ወእግል ወለድ ድረሴት፡«እንቱም ሐውነ ሚ ኒዴ፡እንዳ ቤለው ሰእሌዎም።

ዼጥሮስ ህዬ ክምሰል እሊ እንደ ቤለ ቤልሰ እቶም፤«ረቢ እግል ሐረንኩም ዐፎ እግል ልበል እግልኩም ነሴሖ ወእብ ስም ዬሱስ ክርስቶስ ልጠመቅ።ሐቆሀ ህቱ ህየብ መንፈስ ቅዱስ እግል ልሀቤኩምቱ።

3000 ለጌቤኦ ሰብ እግለ ዽጥሮስ ለትሀጌዩ እንደ ሴምዐው እብ ምእመን ውለድ ድረሴት ዬሱስ ጌብአው።እንዳ ጠመቀው ህዬ ፌርዕ እለ ዲብ ዮርሰሌም ለህሌት ቤት ክርስትያን ጌብአው።

እሎም ውለድ ድረሴት እንዴ ኢሌት በትኮ ድረሴት ሀወርየት ሴምዖ ዐሌው፡ዌቅቶም ምስል ለሐክፎ ዐሌው፤ወምስል ህዬ ቤልዖ ወእግል ኖስ ኖሶም ጼሎት ዌዱ ዐሌው።እብ ምስል እግል ረቢ ሐሜደዉ።ለህለ እግሎም ኩሉ ልትከፌሎ ወልት ረአኤው ዐሌው።ወእት ኩሉ ሌገቢል ዐመል ዐለ እሎም።ወመምባ ምዕል-ምዕል ብዱሐም ለልድሕኖ ሰብ ለአምምኖ ዐሌው።

ታሪክ ክታብ ቅዱስ፡-ምን ውዳይ ሐዋርየት 2።