49 ለጀዲድ ገለት ረቢ

ኦረት መላእከት ማርያም ልትበሃል ድንግል ወድ ረቢ እግል ትውለድ ኣሰአለያ፡፡ ሰበት እሊ ህታ ልሳዕ ድንግል እትህሌት ተባዓታይ ጅና እንደወልደት ኢየሱስ እንደበለት ስሜት ኣፍገረት ህቱ፡፡ ሰበት እሊ የሱስ ረቢ ወሰብ ገብአ፡፡

የሱስ ረቢ ከምሰልቱ ላልትኣመር ብዱሕ ተአምር ወዳ፡፡ እብማይማይ ገሳ፡ እግል ማዕበል ኣህደአ፡ ብዱሓም ሕሙማም ሻፋ፡ መጃንን ኣፍገራ፡ ማይታም ሃረሳ፡ ከምሰልሉማ ምን 5000 ለብድሖ ሰብ ሓምስ እበጌራ ወክልኤ ዓሳ ከም ከፈ ወዳ፡፡

ከምሰሉማ የሱስ ዓብይ እስታድቱ፡ ወድረቢ ሰበት ገበአ ህየ እብ ስልጣን ተሃጋ፡፡ እግል ርሕኩም ከምፈቱ እግል ብዕዳም ፍተዉ፡ እንደበላ ኣድረሳ፡፡

ከምሰልኡማ ህቱ ተጃረትኩም እንደ ሓበራ ለገብአ ሓጀት ከም ፈትዉ እግል ረቢ ፍተዉ እንደባላ ኣድረሳ፡፡

የሱስ ሕኩመት ረቢ እትዓለም ምን ልሃላ ምን ለገበአ ሓጃት ኩሉ ልትወቀላ ዓውል ባበላ፡፡ እግል ለገብአ ይግባእ ሰብ ለመራ ለቄለ ሓጀት ምን ዓለት ረቢ ምግባእቱ፡፡ ዲብ ሕኩመት ረቢ እግል ምእታይ ምን ሓራምኩም እግል ትድሓኖ ብኩም፡፡

የሱስ ሰሮም ከበትዎ ከም ለድሕን ወሰሮም ህየ ከም እትከበትዎ ኣድረሳ፡፡ ገለ ሰብ ከምሰል ጋምል ምድርቶም፡፡ እግላ ብስራት የሱስ እንዳ ከበተው ልድሕኖ፡፡ ገለ ሰብ ህየ እግል ቃል ሞላይ ከምሰል ገለ ዘሪእ እንደዘርኣ እትጠረፍ ገበይ ልህላ ሰዓር ኣርድቶም ላልት ከበትዎ፡፡ እሎም ሰብ እግላ እብ የሱስ ላልት አሰል ልኡክ ለላልት ከበቶ ዲብ ሕኩመት ሰማእ ላኢአቱዉ ሰብቶም፡፡

የሱስ ረቢ እግል ሓራም ከም ፈተ አርአ፡፡ ዐፎ እግል ልበል እሎም ኣጀኒቱ እግል ልውደዮ ፈታ፡፡

ከምሰሉማ የሱስ ረቢ ሓራም ከምእፈተ አሳለና፡፡ ኣዳም ወሄዋን ሓራም ሓቆወደው እሊ ሓራም እግል ኩሎም ዘርሖም ሓሳ፡፡ ምን እሊ ለቀንጣ ህየ ዲብ ዓለም ለሀላ ኩሉ ሰብ ሓራም ወዳ፡ ምን ረቢ ህየ ፈንታ፡፡ ሰበት እሊ ኩሉ ሰብ ናይ ረቢ ኣባይ ገብአ፡፡

እሊ ላኪን እሊ እቡ ልኣምን ኩሉ ናይ ዲማ ሓዮት እግል ልሀለ እግሉ እንዲኮኒ እግል እልብደ ረቢ እግል ኦሮት በኑ ለገብአ ጂናሁ እስክ ልሀይብ እግል ዓለም ፈተያ፡፡

እብ ሰንኪ ሓራምኩም ወጀሪመትኩም እግል ትሙቶ ለስትህለኩም፡፡ ረቢ እብኩም እግል ልሕረቅ ለስታህሎ ዓላ፡ እሊ ላኪን እግላ ሓረኦቱ እግል እትኩም ምን ምክዓይ ዲብ የሱስ ከዓዩ፡፡ የሱስ ዲብ መስቀል ሓቆ ሞታ፡ እግላ እትኩም ለዓላ ሓርቆት ረቢ ህቱ ከበታ እግልኩም፡፡

የሱስ ዋላ ሓተ ሓራም እወዳኒ፡ እሊ ላኪን ናይኩም ሓራም ዲብ ዓለም ላህላ ናይ ኩሉ ሰብ ሓራም እግል ለሪም እግል ልትጃደ ወምሉ ሰደቀት እንደገብአ እግል ልሙት ሓራ፡፡ የሱስ እግል ነሱ ሰደቃ፡ ረቢ ለገብአ ይግባእ ሓራም እሊ ለልትበሃል ሓራምካ እንደ ኣትረፋ ዓፎ እግል ልበል ቀድር፡፡

ሰነት ውዳይኩም እግል ለድሕነኩም እቀድር፡፡ ምስል ረቢ ዕላቀት እግል ትውደኡ ላትቀድሮ እቡ ገበይ እህላኒ፡፡ ሓራምኩም እግል ልሕጠብ ልቀድር የሱስ ሌጣቱ፡፡ የሱስ ወድ ረቢ ከም ገብአ፡ እብ ሰበትኩም ዲብ መስቀል ከምሰል ሞታ ወረቢ ምን ሞት ከምሰል ሀረሰዩ እግል ትእመኖ ሌጣቱ፡ ላለትሓደኩም፡፡

ረቢ እግላ እብ የሱስ ላልአምን ሞላዩ እንደወዳ ለልትከበቱ ለገብአ ሰብ ለድሕኖ፡፡ ታጂር ልግባእ ኦር ሓግል፡ ተባዓታይ ልግባእ ኣንስታይ፡ ድንግል ትግባእ ዋላ ሸባብ ዲብ ለገብአ ኣካን ሓቆ ሰክኖማ እከስሱኒ፡፡ ረቢ ምስልኩም ናይ ቅሩብ እግል ለሃለኩም ፈተኩም ህቱ፡ ወእግል ትኣምኖ ልሓደኩም፡፡

የሱስ እግል ትእመኖ እግል ትጠመቆ ልዓደመኩም ህላ፡፡ የሱስ መስሕ እሊ ህቱ እበኑ ወድ ረቢ ከምሰልቱ ትኣምኖ እንቱም? ሓራመታት ከም እንቱም ረቢ ሓቆ ጃዘኩም ዋጂብ ከምሰልቱ ትኣምኖ እንቱም፡ ሓራምኩም እግል ለሪም የሱስ ዲብ መስቀል ከምሰል ሞታ ትኣምኖ እንቱም?

እብ የሱስ እባ ህቱ እግልኩም እንደበላ ለሸቀዩ ሽቑል ሓቆ ኣመንኩም፡ እንቱም ክርትያን እንቱም! ረቢ ምን ሕኩመት ሸይጣን ወምን ጽልማት እንደኣፈገረኩም እት ከብድ በርሀት ሕኩመት ረቢ አተኩም፡፡ ረቢ እግላ ቀደም ገይሶ እቡ ልዓልኩም ከም ሓራም ወናይ በዲር ገበይኩም እንዳኣፍገረኩም ዲብ ሓድስ ጽድቂ ለመልአዩ ገበይ ሃቤኩም፡፡

እንቱም ክርስትያን እንቱም፡፡ እብ የሱሰ ለወድዮ ሽቁል፡ ረቢ ሓራምኩም ዓፎ በላ እግልኩም፡፡ አደ እትኣካን ኣባይ ረቢ፡ ናይ ቅሩብ ፈተይ እንደወዳ ልሓስበኩም፡፡

ፈተይ ረቢ ወኬድመ ሞላይ የሱስ ሓቆ ገባእኩም፡ እግላ የሱስ ላድረሰኩም እግል ትትኣዘዞ ላስተህለኩም፡፡ ክርስትያን ሓቆ ገብኦ ዋላ ዲማ ሓራም እግል ትወደዉ ወእግል ትጀርቦ ቀድሮ እንቱም፡፡ እሊ ላኪን ረቢ እሙን ሰበት ገብአ፡ ሃራምኩም ሓቆ አሰልኩሙ ዓፎ ልብለኩም ህቱ፡፡ እግሊ ሓራም ለትትቃውም እቡ ሒለት ህየ ላሄበኩም ህቱ፡፡

ረቢ ጸሎት እግል ትውደዩ፡ ቆሉ እግል ትቁርኦ ምስል ብዕዳ ክርስትያን እግል ተሓምዶ፡ ወእግል ልገብአ እግልኩም ህየ እግል ብዕዳ እግል ተአስሎ ለትስህለኩም፡፡ እሎም ሓጀት ኩሎም ምስሉ ሸዲድ ምርካብ እግል ልሃለ እግልኩም ሳደኩም ህቱ፡፡

__