ታሪክ ነያለ ርህሩህ አብ

ሐቴ አምዕል ዬሱስ እግል ብዱሐም አኬብቲ ሜርፌጋት እግል ለአስሎም ዲቡ ለልትአኬቦ ከሊእ ሐራዊን ሴብ ለዴርሶም ዐለ።

ከምሴሉመ ዲቡ ሌዐሌው ገሌ ፌሪሳዊየን፡ዬሱስ እግል ሐረዪም እንዴ ልትኬቤቶም ረአው።ኖስኖሶም እግል ልት ነቄፎ አሴብዴው፡ሰቤት እሊ ዬሱስ እግል እሊ ተሪክ እግል ሌአስሎም አሴብዳ።

ክልኦት አጄኒት ሌቡ ኦሮት እነስ ዐለ።እሊ ለንኡሽ እግል አቡሁ፡<ይበ፡ ምን አጠልካ ሐድዬትዬ ሀቤኒ!>ቤለዩ።ሴቤት እሊ እግለ ሌዐሌየ አጣል እግል ክልኦት አጄኒቱ ከፍሌየን።

«ሐቆሀ እሊ ለንኡሽ ጅነ እግለ ለቤጥሐዩ ሐዶቱ ኩሉ እንዳ አኬበ ዲብ ሬዪም ዐድ ጌሳ፡ሐራም እንዴዌዴ እግለ እግሪሹ ኩሉ ሐሼሸዩ።

«ሐቆሀ ዲበ ለጅነ ንኡሽ ለዐለ እተ ዐድ ክቡድ ጁዕ ጌብአ፤ለልት ቤለዕ ልደቤ እቡ ለቄድር እግሩሽ ይዓለ እግሉኒክ።ሰቤት እለ እግለ እግል ልርኬቡ ልእቄድር ምዕቃብ ካነዚር ሽቁል ኣሴብዳ።መረ ሌሐርቅ ወጄውዕ ስበት ዐለ እግለ ለሐሴመተት ለበልዐዑ ሌዐሌየ እግል ልብለዕ ልትቴምኔ ዐለ።

«ዲብ አክር እሊ ለንኡሽ ጅና እግል ኖሱ ክምሴል እሊ ቤለ፤<ሚቱ ለዌድዩ ለህሌኮ? ኩሎም ኬድመት አቡዬ ለቤልዕዎ ብዱሕ ቴራፍ ናብረ ህለ እግሎም፤አነ ለኪን እብ ጁዕ እሜይት ህሌኮ።አዴ ዲብ አቡዬ እነዳ አቅቤልኮ ምን ኬድማትከ ከምሰል ኦሮቶም እግል ልውዴኒ እግል እርሜቁቱ።

«ሰቤት እሊ ለንኡሽ ጅና ዲብ ልቡ እግል ለቅብል አሴብዳ።ልሰዕ ዲብ ሬዪም እንዴ ህለ አቡሁ እንደ ረአዩ ራሕሜዩ።ዲቡ እንዳ ሴአ እንዳ ሐቅፌዩ ሳዕሜዩ።

«ጅናሁ ህዬ ከምሴል እሊ ቤላ፤<ይባ፡እግልከ ወእግል ረቢ ዐጌብ ዌዴኮ፤ወልከ እግል እት ቤሀል ኢሌስቴህሌኒኒክ ቤለዩ።

«ለዶል አቡሁ ምንኬድማቱ ኦሮት እንዳትለከ፡<እብ ሸፍግ እንዳጌስከ ግርም ለትቤሀል ልበስ እንዳ አምጸእከ እግል ዌልዬ አልብሱ! ወእት እዴሁ ከትም ወእት እጌሩ እስእን ውዴው እግሉ።ሐቆሀ እንዳ ቤለዕነ እግል ንፍረሕ ስብሕት እንዳ አፋእኩም ሕሬዶ።እሊ ዌልዬ መይት ዐለ ዴአም ሐያ፡በዲ ዐለ ዴአም ትረኬበ።

«ሐቆሀ እሎም ሰብ እግል ልፍሬሖ አሴብዴው።አንዳ ኢጼንሕ፡ምነ ለሼቅዩ ለዐለ ገርሀት ዲብ ቤቱ መጽአ።ነይ ሕለይ ሙዚቃ ክርን ሰምዓ፤ሚጌብኣ እንዳቤለ ቴዐጄባ።

«ለዐቢ ጅና፡ሖሑ መጼአ ፈርሐም ህሌው ሓቆ ሴምዐ፡ ሜራ ሐርቃ፤ዲብ ቤቱ እግል ልእቴ ለኪ ኢፌተኒክ።አቡሁ እንዳ ፌህግረ፤እንዴ አታ ምስሎም እግል ልፍረሕ ሬምቄዩ፤ህቱ ለኪን እምቢ ቤለ።

«ለዐቢ ጅነ እግል አቡሁ ክምሴል እሊ ቤለዩ፤«ዲብ እሌን ኩሌን ሴኖታታ እሙን እንዳ ጌባአኮ ሼቄኮ እግልካ! ትእዛዝከማ ኢዌዴ ኢቤልኮኒክ፤እስክ አዴ ሜስል ሜልህያምዬ እግል እፍራሕ እንዳ ቤልከ ኔዊድመ ሀይብዬ ይትአምርኒልክ።እሊ እብ ምውዳይ ሐራም አጣልከ ለልአብዳ ጅናከ ዲብ ቤት ሐቆ መጽእ ሕውስ ሐሬድከ እግሉ።

«አቡሁ ህዬ ከምሴል እሊ እንዳ ቤላ ቤልሳ ዲቡ፤<ዌልዬ፡እንታ ዲመ ምስልዬ እንታ፤ለህለ እግልዬ ኩሉ ናትከቱ።ፌርሐትና ላኪን ኣማንቱ፤እግልሚ ሖካ መይት ዓለ ሐያ፤በዲይ ዓለ ሬከበ! »

ታሪክ ክታብ ቅዱስ፡-ምን ሉቀስ 15፡11-32