ታሪክ እሊ ዓፎ ለኣለቡ ኬድማይ

ሓተኣምዓል ጴጥሮስ እግል የሱስ፡ ዎእስታዝ ሕውየ ሓቆ ዓገብ ወዴኒ ከምድበት ዓፎ እግል እበሉ? ሰቡዕ ደርበት ቱ ? እንደ ቤላ ሰአለዩ፡፡ ኢየሱስ ሄኒ ሰቡዕ ደርበት ሰብዓ እንዲ ኮኒ ስቡዕ ደርበት ሌጣ ኢኮን፡ ቤለዩ፡፡ ኢየሱስ እግል እሊ ለቤለዩ ኩሉ መረት ዓፎ እግል ንበል ከምብና እንደ ቤላ ቱ፡፡ ለዶል ኢየሱስ እግል እሊ ለልተላሌ ታሪኽ ተሃጋ፡፡

ኢየሱስ ከምሰል እሊ ቤላ‹‹ ጀነት ሞላይ ኬድመቱ እግል ልሕሰብ ለሓዴ መስኡልታ ለትመስል፡፡ ምና ኪድመቱ ለኦሮት 10000 መክሊት ለገብእ ልትአወድ ዓላ፡፡

እግላ ኪድመቱ ዕዳሁ እግል ልድፋዕ፡ ለመስኡል እሊ ኬድማይ ዕዳሁ እግል ልድፋዕ እግሉ ዎእግል አዳሙ አድብዎም ቤለዩ፡፡

ላኪድማይ ዲብ ቀደም ለመስኡል እንደ ወድቃ፡ ዓይብካ ጸበረኒ፡ ልትአውደኒ ኩሉ እግል ልድፍዓካቱ ቤለዩ፡፡ ወላንጉስ እግላ ኬድማይ ራሕሜዩ ላለአውዶ ኩሉ እንደሰረዛ ጠልቀዩ፡፡

ላኬድማይ ምን ንጉስ ሓቆ ፈግራ፡ ምኖም መለህያሙ ናይ አራባዕ ወርሕ እጃር ለገብእ ለላአውዱ ኦሮት ኬድማይ ረክባ፡፡ እሊ ዓፎ ልትወደ እግሉ ኬድማይ እግላ ለላአውዱ ኬድማይ እንደ ጠብጣ፡ ለላአወደካ ድፍዓኒ ቤለዩ፡፡

እሊ መለሀዩ ለገብአ ኬድማይ ዲበ እገሩ እንደ ወደቃ፡ ዓይብካ ጸበረኒ፤ ኩሉ ለትአውደኒ እግል ልድፍዓካ ቱ ቤለዩ፡፡ ኢሊ ኬድማየ ላኪን እግላ ለልትአወድ ኬድማይ እስክ ለልትአወዱ ደፍዕ ዲብ ሽድን አተዩ፡፡

ብዕዳም ኬድመት እግላ ለገብኣ እንደ ረአው ሓርቀው፡፡ ዲብ ኒጉስ እንደ ጌሰው ሄኒ እግላ ለገብአ አሰለዉ፡፡

ለንጉስ ሄኒ እግላ ኬድማይ እንደተላካ፡ ይሃ ርጉም ከድማይ ለላአውደካ እግል ልሕግ እግልካ ረማቅካኒ ዎሓደግከው እግልካ፡፡ እንታ ማ ከምሰሉ እግል ትውደ ዓለት እግልካ ቤለዩ፡፡ እሊ ንጉስ ማራ ሓርቃ ላልትአወዱ እስክ ደፍዕ ዲብ ስጂን አቱዎ፡፡

ሓቆ ኢየሱስ ከምሰል እሊ ቤላ‹‹ እንቱም እልል ኖስኖስኩም ወእግል ሓውኩም ዓፎ ሓ እቤልኩም፡ እሊ ዲብ ሰማእ ለሃላ አቡኩምማ ዓፎ ይወዴኒክ እግልኩም፡፡

ታሪኽ ክታብ ቁዱስ፡ ምን ማቲዎስ 18፡21-35