41. ረቢ እግል ዬሱስ ምን ሞት ሀረሴዩ

እሎም ዐስኬር እግል ዬሱስ ሐቆ ሰቅለዉ፡እብ ዬሱስ ለኢአምኖ አይሁድ እግል ዺለጦስ፡«እሊ ዬሱስ ለልትቤሀል ከዘብ፡ሐቆ ሴልአስ አምእል እግል እቅኔጥቱ በሂል ዐለ።ውለድ ድራሴቱ ስጋሁ እንደ ሴርቀው ምን ሞት ቄንጣ እግል ኢልቤሎ ኦሮት ሴብ እግል መቃብር እግል ልዕቄብቡ»ቤሌዉ።

ዺለጦስ ህዬ፡«ጌሌ ዐስኬር እንዳ ኔሳእኩም መቀብ ክምለቅቦ ውዴው»ብለ።ሰቤት እሊ እግለ ዲብ ሜንጌአት ለሜቀብር እብ እሜናይ እንዳ ዴበእብ ወእንዳ ሐትመው ወለኦሮት እግል ኢልስሬቁ እግል ልዕቄቦ ዐሰክር ዌዳው።

ዬሱስ ሐቆ ሰቄለ እለ ለትሜትእ እምዕል ሳንበት ዐሌት።እበ አምዕል እለ አይሁድ መቀብር እግል ሊጊሶ ኢልት አጌዝ እግሎም ዐለ።ሰቤትእሊ ሐቆ ሰንቤት እት ሜጋዊሕ ብዱሐት አንስ እት ስገ ዬሱስ ቅዲት እግል ሊዴያ እቱ ዲብ ዬሱስ ለህለ እቱ መቃብር እግል ልጊሰ ከምኬመ።

እብ ሴድፍ ርጅፈን ምድር ጌብአ።ምን ቤርቅ ለቤርህ መለኢኬት እት ሴመእ ትርእአ።እግለ መቀብ ሌትዴበአ እቡ ሜቃብር ህዬ ዴርጌገዩ ወዲብ ምንለዐሉ ጌሰ።እሎም እግለ መቀብር ለሐቅቦ ሌዐሌው ዐስኬራት እብ ድንገጥ ከም መይተም እዴ ጌብአው ዲብ ምድር ዌድቀው።

እሌን አንስ ዲብ መቀብር ሐቆ ቤጽሐየ ለሜለኢኬት፡«ኢትፍሬሀ ዬሱስ እንሴር ይህለኒክ።ክምታ እግል እቅኔጥቱ ለቤሌኩም ምን ሞት ቀንጠ! ንዕነ እግለ መቀብር ሬአየ» እንደ ቤለ አሴአሌየን።ዌለ አንስ ህዬ ዲባ ኬብድለ መቀብር ሬአያ እግለ ስገ ዬሱስ ክሩይ እቱ ሌዐለ አከን ሬአያ።ስገሁ ህዬ ዲቡ ዬዐለኒክ።

ሐቆሀ ሌመለኢኬት እግሌን አንስ፡«ጊሰ<ዬሱስ ምን ሞት ቄንጠ፤እንዳ ቄድሜኩም እስክ ጌሊለ እግል ልሕሌፍቱ እንደ ቤልክን እግል ውለድ ድረሴቱ እስለአኦም»እንደ ቤለ አስርአሌዬን።

እሌን አንስ ህዬ እብ ፍርህ ወእብ ዐቢ ፌርሐት ሙሉአት ዐሌየ።እግለ ብስረት እግል ውለድ ድረሴቱ እግል ሌአስለ እንደ ፍርሐያ ጌሰየ።

እሌን አንስ እግለ ኬቤር እግል ውለድ ድረሴቱ እግል ለአስለ ጌይሰ እንደ ህሌየ፡ዬሱስ ህዬ ቄለዐ እግሌን፤ህቴን ህዬ ሰግዴየ እቱ።ዬሱስ ህዬ፡«ኢትፍሬሀ።አስክ ጌሊለ እግል ልሕሌፍ እግል ውለድ ድራሴትዬ አስለኦም።ወዲቢ ህዬ እግል ልርአዩኒቶም» ቤለዬን።

__