46. ዸውሎስ ክርስትየን ጌብአ

ሰውል እግለ ነይ እሎም እግል እስቲፈኖስ እብ እመን ለቄትሌዉ ሰብ ልበስ ለዐቅብ ለዓላ ሼበብቱ።እብ ዬሱስ አምን ዪዓለኒክ።ሳቤት እሊ እግል አሜንቲ ዬሱስ ህዬ ከርፎም ዐለ።እት ዮርሳሌም አጄኒት ወአወልድ ዲብ ስጅን እግል ልአትዮም ቤት ቤት ለፍፍ ዐለ።እሊ ቀሺ እግል እሎም ዲቡ ሌዐሌው ክርስትየን እንደ ጤብጠ ዲብ ዮርሰሌም እግል ለምጽኦም እግል ሰውል እስክ ደመስቆ እግል ልጊስ እጀዜት ሀቤዩ።

ሰውል ደመስቆ ጌይስ እት ህለ፡ምን ዐስቴር ሼዲድ ቤርሀት እብ ድወሩ ኩሉ በርሀ፡ህቱ ህዬ ዲብ ምድር ዌድቃ።ሰውል!ሰውል!እግልሚቱ እቴ ሰዴኒ’’ልብል ክርን ሰምዐ።ሰውል ህዬ “ዎ ሞለይ፡እንታ መን እንተ” እንዳ ቤለ ሴእሌዩ።ዬሱስ ህዬ ክምሰል እሊ እንዳ ቤለ ቤልሰ እቱ።“አነ እሊ እንታ እትከርፌኒ ለህሌከ ዬሱስ አነ’’ ቤለዩ።

እት ዴመስቆ ሀነንያ ለልትበሀል ውድ ድራሴት ዕለ።ረቢ እግል ሀነንያ፡“ዲበ ሰው ለህላ ዲበ ቤት ጊስ።እንደ ቤሳ እግል ልርኤ እዴከ ክሬ ዲቡ’’ ቤለዩ።ሀነንያ ህዬ፡ሞለይ እሊ ሴብ እግል አሜንቲ እንኬሆ ክምሰል ከሬፈ ሰምዕ ህሌኮ’’ ቤለ።ረቢ ህዬ“ጊስ!እግል አይሁድ ወእግል ብዕዳም ሼዓብ ስሜትዬ እግል ልብሽ ሐርዩ ህሌኮ።እብ ሰቤት ስሜትዬ ብዱሕ ጅርቤት እግል ልትከቤቱ።

ሳቤት እሊ ሀነንያ ዲብ ሰውል ጌሳ።እዴዩ ዲቡ ኬረ፡ወክምሳል እለ ህዬ ቤለዩ፡እንሴር ክት መጽእ እንዴ ህሌከ ለትሬኤከ ዬሱስ፡እንደ ቤለስከ እግል ትርኤ ወመንፌስ ቅዱስ እግል እምለአከ ዲብከ ለእኬኒ።ሰውል ህዬ ለዲል ሬአ፡ሀነንየ ህዬ አጥመቆ።ሐቆሀ ሰውል ነብረ በልዐ፡ሸዴደ ህዬ።

ለዶል ሳውል፡ዬሱስ ዌድ ረቢቱ፡እንዴ ልብል ዲብ ዴመስቆ ሌህለው ክሎም አይሁድ እግል ልስበክ አሴብዳ።አይ ሁድ ህዬ፡እሊ አመንቲ እግል ለብዴ ልጽዕር ለዐለ ሰብ አዴ እብ ዬሱስ እብ ምእመኑ ፌከሬው።ሰውል፡ዬሱስ መሲሕ ክምሰል ጌብአ እብ ፋህመት እግል አይሁድ ተሀጋ።

ሐቆ ብዱሕ አምዔላት አይሁድ እግል ሰውል እግል ልቅቴልዎ ሐስቤው።እግል ልቅቶሉ ህዬ ዲብ እሊ መንጌአት መዲኔት ለልሐቅቦ ሴብ ዌዳው።ሴበት እሊ ህዬ ሰውል እብ እሊ ሐሰቦም ዌሬ ሰምዐ፡ፌታዩ ህዬ እግል ልስኬ ዌዳዉ።ሐቴ ለሊ እብ ኬፋር እንዴ ወዴው፡እብ ሔጤትለ መዲኔት ከሬዉ።ሰውል ምን ደመስቆ ሀቆ ሴከ እብ ዬሱስ ምስበክ አቴለሌዩ።

ሰውል ምስል እሎም ውለድ ድራሴት እግል ልትራኬብ ዲብ ዬርሰሌም ጌሰ፡ህቶም ለኪን ፌርሀዉ።ለዶል በርናበስ ለልትበሀል አመኒ ዲብእሎም ሀወርያት ኔስአዩ ወዲብ ደመስቆ እብ ዬሱስ እንኬሆ እንደ ዴፍራ ክም ሴብከ አሴአሌዮም።ሐቆሀ ውለድ ድራሴቱ እግል ሰውል ከቤቴዉ።

እበ ዲብ ዮርሳሌም ለዐላ ልጁእ ለሴከው ሴሮም አመንቲ እስክ ኣንጾክያ እንዳ እአሬመው ጌሳው እብ ዬሱስ ሴብኬው።ዲብ ኣንጾክያ ለዐሌው ለቤድሐው አይሁድ ዪዓሌውኒክ፡ዴኣም እግል አዌል ዳርበት ብዱሐም አመንቲ ጌብአው።ባርኔበስ ወሰውል እግል እሎም ሀደይስ አሜንቲ እብ ውሱክ እብ ዬሱስ እግል ሌድርስዎም ወእግል ቤተክርስቲያን እግል ለጼናኔዖ ጌሰው።እሎምእብ ዬሱስ ለአምኔው እግል አውል መሬት ክርስቲያንም ትበሀሌው።

ሐቴ አምዕል እሎም ዲብአንጾልክያ ለዐሌው ክርስትያን እንዳ ጼይሞ ወእንዳ ጼልዮ እት ህሌው መንፌስ ቅዱስ፡«እግል እሎም ሹቁልዬ እግል ልሽቄው ለሐሬኩዎም በርኔባስ ወሰውል ፍሌው እግልዬ»ቤለዮም።ሰቤት እሊ እት አንጾክያ ቤተ ክርስትያን ሌዐሌው ኬድመት እግል በርኔበስ ወእግል ሰውል ጼሌየው እግሎም፤እዴዮም ኬሮው ዲቦም።ሐቆሀ እት ብዕዳም ብዱሕ አካነት እብ ዬሱስ ብሽረት እግል ሌቤሽሮ ነድአዎም።በርኔበስ ወሰውል ምን ለት ፌነቴው ፌርዐት እግል ለጌብአው ጌበይል አቤሸሬው፤ወብዱሐም ሰብ ህዬ እብ ዬሱስ አምኔው።

__