32.

ሐቴ ምዕል ዬሱስ ዎ ውለድ ድራሴቱ እብ ሜርከብ ሽርም እንዳ ቤትኬው ሴብ ጌርጌሶን ለዐሌው ዲቡ ጌሴው።

ዲብ ሜዕደይ ሌሽርም ሐቆ ቤጽሐው፡ሜጀኒን ሌዐሌው እቱ እነስ እንዳ ሴዓ ዲብ ዬሱስ ሜጽኣ።

እሊ እነስ እሊ ዌለ ኦሮት እግል ሌስክዩ ሌቄድር ሼዲድ እናስ ዐለ።ሴቤት እሊ እዴሁ ዎ እጌሩ እብ ሴንሴላት ሌአስርዉ ዓሌው፤እግለ ሴንሴላት ላኪን ቤትኩ ዐለ።

ሌእነስ ህዬ ዲብ ጄፋሩ ዲብ ሌህላ መቀብር ኔብር ዐለ።እሊ እነስ እሊ ለሊ ዎኣዴሐ ጼርሕ ዐለ።ልባስ ሌብስ ዪዐለኒክ፡ዎ እጄሩ ዎ ጎሮቡ እብ እሜነት ጄርሕ ዐለ።

ሌእነስ ዲብ ዬሱስ ሐቆ ሜጽአ፡እት ቄዴሙ እንዳ ዌድቃ ሴግዳ።ዎ ዬሱስ እግለ ሜጃኒን፡ ምን እሊ እናስ ፍጌር!»ቤለዩ።

ሌሜጃኒን ሌቡ እነስ ጼርሐ ዎ ክምሴል እሊ ቤለ፡«ያ ዌድ ልኡል ሬቢ፡ምንዬ ምትሐዴ ህሌከ? ዓይብከ ኢቴሳቄኒ!»እንዳቤለ ጼርሐ።ዬሱስ ህዬ እግለ ጅኑን፡«ስሜትከ ሜንታ?»እንዳ ቤለ ሰኣሌዩ። ህቱ ህዬ፡«ብዱሐም ሴቤት ጌብአና ስሜትዬ ልጌዉንቱ»እንዳ ቤለ ቤልሳ።(«ሌጌዉን») ዲብ ዓስኬር ሮም ብዱሕ አእልፍ ሌቡ ክፋልቱ።)

ሌመጃኒን ህዬ፡«ዓይብከ ምን እለ አካን ኢቴኣሪሜና!»እንዳ ቤለው ሬምቃዉ።ዲበ አከናት እኩባት አባጊዕ ኬነዲር ቤልዓ ዓሌያ።ሰቤት እሊ እሎም መጀኒን እግል ዬሱስ፡«ዐይብካ ዲብ ኬነዲር ለኣኬነ!»እንደ ቤላው ሬምቀዉ።ዬሱስ ህዬ፡ጊሶ ቤሌዮም።

እሎም ሜጃኒን ምነ እናስ እንዳ ፌግረው ዲብ ኬናዲር አቴው።ዌላ ኬናዲር ጌልቤው ዎምን ረኣስ ጌዴል ዲብ ቤሐር ወድቄው ከት ሼሬቤው።ለኬናዲር ዳርጋ 2.000 ለጌብኣ ዓሌያ።

እግለ ኬናዚር ሌዓቅቦ ለዐሌው ቴሌት እግላ ሌጌብአ ኬቤር ሓቆ ሬኣው ኣስክ ዲጌ እትልስዖ ጌሴው፡እግለ ዬሱስ ለዌዴዩ ኩሉ አሴኣሌዎም።ናያ ድጌ ጌቢል ህዬ እንዳ መጽኣው እግለ መጃኒን ለዐላ ዲቡ እነስ ረኣዉ።ህቱ ህዬ እንዳ ሓያ ልባሱ እንዳ ሌብሳ ግሱይ ዐለ።

እሎም ጌባይል መራ ፌርሀም ሴቤት ዓሌው እግል ዬሱስ እግል ልጊስ ሬምቃዉ።ሐቆ እለ ዬሱስ ዲብ ጄልቤት እንዳ አታ እግል ልጊስ ዳለ።ለሜጃኒን ለዓለ ዲቡ እነስ ምስል ዬሱስ እግል ልጊስ ሬምቃዩ።

ዴአም ዬሱስ፡ ኢፋልከ፡እት ቤትከ እንዴ ጌስካ እብ እሊ ሬቢ ሌዌዳ እከ ውዳይ ኩሉ እንኬሆ ክምሴል ራሕሜካ እግል ወልዴንከ ዎ ኣደምካ እግል ቴኣስሎምቱ ሌሐዴ»ቤለዩ።

ሴቤት እሊ ሌእናስ እዳጌሳ እባ እሊ ዬሲስ ሌወዳ እግሉ እግል ኩሉ ሴብ ኣሴአለ።እግለ ታሪክ ሌሴምዓ ሴብ ኩሉ እብ አድኔቆት ዎእብምዕጀብ ሜሌኣው።

ዬሱስ ዲብ መዕደይ ሌሽርም አቅቤለ።ዲቡ ሐቆ ቤጽሐ ቡዱሐም ሼዐብ ኬበዉ።ዲብ ምግብ ሌሼዐብ እግል ዐስር ክልኤ ሴኔት ዴም ልትከዔ ምና ለዐለ እሲት ዐሌት።እግል ትትዳዌ እንዳቤለት ህዬ መለኩሉ እግል ሐከይም እት ዴፍዕ ኪልስቱ ዐሌት።ዴአም አከ እታ እንዲኮኒ ኢሔሳያኒክ።

ዩሱስ እግል ብዱሐም ሐማይም ክምሴል ሸፋ ሳምዐት ዐሌት ሰቤት እሊ፡«ብለይ ዬሱስ ሐቆ እቴም ትም ሌጠ አነማ እግል እዳዌቱ!»እንዳ ቤለት ሐስቤት።ሴቤት እሊ ምንሬሐር ዬሱስ እንዳ ሜጼት ብለዩ ተምቴሜት።ብለዩ ሐቆ ተምቴሜት ወእባ እሊ ለልት ኬዔ ለዓለ ደም ቤጥራ!

ሌዶል ዬሱስ፡ሒሌት ምኑ ኬምሴል ፈግረ አሜረ።ወእት ሐር እንዳ ቤላ ህዬ፡« መንቱ ብለዬ ለተምታሜኒ?»እንደ ቤለ ሰአለ።ውለድ መድሬሴቱ ህዬ፡«እንዳ ኬባው ሌዴርኩከ ብዱሃም ሴብቶም።ዴአም እግልሚቱ ለኪን፤<መንቱ ሌተምቴሜኒ>እንዳ ቤልከ ትሴአል?»ቤለዉ።

ለእሲት እንዳ አርዓዴት ወእንዳትፌርሕ ዲብ ቄዴም ዬሱስ ዴፋአት።ሐቆሀ እግለ ለዌዴቱ ወእንኬሆ ኬም ሐዬት አሴአሌቱ።ዬሱስ ህዬ፡«እምኔትኪ ሓየተትኪ፡እብ ሰላም ጊሲ!»ቤለያ።

ታሪክ ክተብ ቅዱስ፡-ማቴዎስ 8፡28-34፤9፡20-22፤ማርቆስ 5፡1-20፤5፡24-34፤ሉቃስ 8፡26-39፤8፡42-48።