Arli (Romani): E Biblijakere Paramiza Sarijenđe

Updated ? hours ago # views See on DCS

37. O Isus vazdela e Lazare taro mule

OBS Image

Jekh dive, e Isusese javinđe so o Lazar but namborme. O Lazar hem lesere duj phenja, i Marija hem i Marta, inele e Isusesere but paše amala. Ked o Isus šunđa adava, phenđa: "Akava nambormipe na ka legari ko meriba, nego ka anel slava e Devlese." O Isus volinđa ple amalen, ali adžićerđa pana duj dive adari kaj inele.

OBS Image

Ked nakhine adala duj dive, o Isus phenđa ple učenikonenđe: "Hajde te dža palal ki Judeja." A o učenici phenđe: "Ali učitelju, na nakhino but oto adava so o manuša mangle te mudaren tut adari!" O Isus phenđa: "Amaro amal o Lazar zasuća, a me valjani te vazdav le."

OBS Image

E Isusesere učenici phenđe: "Gospode, te o Lazar sovela, onda ka sasljol." Tegani o Isus jasno phenđa lenđe: "O Lazar mulo. Šukari so na injumle adari, te šaj tumen te verujinen ana mande."

OBS Image

Ked o Isus reslo ki bijandi diz e Lazaresiri, o Lazar inele mulo već štar dive. I Marta iklili tari diz anglo Isus hem phenđa lese: "Gospode, ked bi oveja akate, mlo phral na ka merel ine. Ali, verujinava da o Devel ka ćerel sa so ka mange olestar."

OBS Image

O Isus phenđa: "Me injum Vaskrsenje hem Dživdipe. Sar ko verujini ana mande, ka živini čak hem te mulo. Đijekh ko verujini ana mande niked na ka merel. Verujineja li akava?" I Marta phenđa: "Oja, Gospode! Verujinava da tu injan o Mesija, o Čhavo e Devlesoro."

OBS Image

Tegani i Marija resli. Peli anglo e Isusesere pre hem phenđa lese: "Gospode, ked bi samo oveja akate, mlo phral na ka merel ine." O Isus pučlja len: "Kaj čhivđen e Lazare?" Phenđe lese: "Ano grobo. Ava hem dikh." Tegani o Isus lelja te rovel.

OBS Image

O grobo inele pećina savi inele phandli bareja. Ked o Isus reslo ko grobo, phenđa lenđe: "Ciden o bar." Ali, i Marta phenđa: "Ovi mulo već štar dive. Ka khandel."

OBS Image

O Isus phenđa: "Setineja tut li so phenđum će da ka dikhe i slava e Devlesiri te verujinđan ana mande?" I ađahar, cidinđe o bar.

OBS Image

Tegani o Isus dikhlja naupre hem phenđa: "Dade, hvala će so šuneja man. Me džanav da tu uvek šuneja man, ali akava vaćerava zbog sa akala manuša kola terđovena akate, te šaj on te verujinen da tu bičhalđan man." Tegani o Isus vičinđa: "Lazare, ikljov!"

OBS Image

I o Lazar iklilo! Pana inele pačardo ano trake savencar paćarena pe ine o mule. O Isus phenđa lenđe: "Pomožinen lese te huljaj adala trake hem oslobodinen le!" But Jevreja verujinđe ano Isus zbog akava čudo.

OBS Image

Ali, e jevrejengere vođe inele ljubomorna upro leste, i čedinđe pe te planirinen sar te mudaren e Isuse hem e Lazare.

E biblijakiri paramiz taro Jovan 11,1–46