తెలుగు (Telugu): translationQuestions

Updated ? hours ago # views See on DCS Draft Material

1 Corinthians

1 Corinthians 1

1 Corinthians 1:1-3

పౌలుని ఎవరు పిలిచారు, దేనికొరకు పిలిచారు?

పౌలుని అపోస్తలుడిగా ఉండుటకు యేసుక్రీస్తు పిలిచాడు[1:1].

మన తండ్రి అయిన దేవుని నుండి మన ప్రభువైన యేసుక్రీస్తునుండి కొరింథులోని సంఘం కొరకు పౌలు ఏమికోరుకున్నాడు?

మన తండ్రి అయిన దేవుని నుండి మన ప్రభువైన యేసుక్రీస్తునుండి కృపా సమాధానాలు కోరుకున్నాడు[1:3].

1 Corinthians 1:4-6

కొరింతులోని సంఘాన్ని దేవుడు ఏవిధంగా ఐశ్వర్యవంతులుగా చేసాడు?

ప్రతి విషయంలో - మాట్లాడే సామర్ధ్యంలోనూ జ్ఞానంలోను అన్నివిధాలుగా కొరింథులోని సంఘాన్ని దేవుడు ఐశ్వర్యవంతులుగా చేసాడు[1:5].

1 Corinthians 1:7-9

ఏ విషయంలో కొరింథు సంఘం కొదువగా లేదు?

వారు ఏ ఆత్మ వరం విషయంలోను కొదువగా లేరు[1:7].

కొరింథులోని సంఘాన్ని దేవుడు అంతం వరకు ఎందుకు స్థిరపరుస్తాడు?

మన ప్రభువైన యేసుక్రీస్తు వచ్చే రోజున వారు నిరపరాధులుగా ఉండేందుకు ఆయన దీనిని చేస్తాడు[1:8].

1 Corinthians 1:10-11

కొరింతులోని సంఘాన్ని ఏమి చేయాలని వారిని పౌలు కోరుతున్నాడు?

వారంతా ఒకే మాటమీద ఉండాలని, వారి మధ్యలో విభేదాలు లేకుండా చూసుకోవాలని, యేకమనస్సు, యేక తాత్పర్యంతో కలిసి ఉండాలని పౌలు కోరుతున్నాడు[1:10].

క్లోయే ఇంటివారు పౌలుకు ఏమని చెప్పారు?

కొరింథులోని సంఘంలో ప్రజల మధ్య జగడాలు ఉన్నట్లు క్లోయే ఇంటివారు పౌలుకు చెప్పారు[1:11].

1 Corinthians 1:12-13

జగడాలు గురించి పౌలు ఏమిచెప్పాడు?

పౌలు ఈ విధంగా చెప్పాడు: మీలో ప్రతి ఒక్కడు "నేను పౌలు వాడను," "నేను అపొల్లో వాడను," "నేను కేఫా వాడను," "నేను క్రీస్తు వాడను" అంటున్నారు[1:12].

1 Corinthians 1:14-16

క్రిస్పునకు, గాయియుకు తప్ప మరి ఎవరికిని తాను బాప్తిస్మం ఇవ్వలేదని పౌలు ఎందుకు దేవునికి వందనాలు చెపుతున్నాడు?

వారు పౌలు నామమున బాప్తిస్మం పొందితిరని ఎవరును చెప్పకుండునట్లు ఈ విషయంలో పౌలు దేవునికి వందనాలు చెపుతున్నాడు[1:14-15].

1 Corinthians 1:17

ఏమి చేయాలని పౌలును క్రీస్తు పంపించాడు?

సువార్త ప్రకటించాలని పౌలును క్రీస్తు పంపించాడు[1:17].

1 Corinthians 1:18-19

నశించుచున్న వారికి సిలువను గూర్చిన వార్త ఏమైయుంది?

నశించుచున్న వారికి సిలువను గూర్చిన వార్త వెర్రితనంగా ఉంది[1:18].

రక్షణ పొందుచున్నవారికి సిలువను గూర్చిన వార్త ఏమైయుంది?

రక్షణ పొందుచున్నవారికి సిలువను గూర్చిన వార్త దేవుని శక్తియై ఉంది[1:18].

1 Corinthians 1:20-25

ఈలోక జ్ఞానంను దేవుడు దేనిగా మార్చాడు?

ఈలోక జ్ఞానంను దేవుడు వెర్రితనంగా మార్చాడు[1:20].

సువార్త ప్రకటనయను వెర్రితనంచేత నమ్మువారిని రక్షించుట దేవునికి ఎందుకు ఇష్టమయ్యింది?

లోకం తన జ్ఞానం చేత దేవునిని ఎరుగకుండినందున సువార్త ప్రకటన అనే వెర్రితనం చేత నమ్ము వారిని రక్షించుట దేవునికి ఇష్టమయ్యింది[1:21].

1 Corinthians 1:26-27

లోకరీతిని జ్ఞానులైనను, ఘనులైనను, గొప్పవంశంవారిని ఎంతమందిని దేవుడు ఎంపిక చేసాడు?

అటువంటి వారిలో అనేకులను దేవుడు పిలువలేదు[1:26].

లోకములోనుండి వెర్రివారిని, బలహీనులైనవారిని దేవుడు ఎందుకు ఏర్పరచుకొనియున్నాడు?

జ్ఞానులను సిగ్గుపరచుటకు, బలవంతులైనవారిని సిగ్గుపరచుటకు దేవుడు దీనిని చేసాడు[1:27].

1 Corinthians 1:28-29

ఎవరూ దేవుని ఎదుట అతిశయపడకుండునట్లు దేవుడు చేసినదేంటి?

దేవుడు నీచులైన వారిని, లోకములో తృణీకరించబడిన వారిని, ఎన్నికలేని వారిని దేవుడు ఏర్పరచుకొనియున్నాడు[1:28-29].

1 Corinthians 1:30-31

విశ్వాసులు క్రీస్తుయేసు నందు ఎందుకు ఉన్నారు?

దేవుడు చేసినదాని మూలముగా వారు క్రీస్తుయేసు నందు ఉన్నారు[1:30].

క్రీస్తుయేసు మనకు ఏమిచేసాడు?

ఆయన మనకు జ్ఞానమును, నీతియు, పరిశుద్ధతయు, విమోచనం అయ్యాడు[1:30].

మనం అతిశయించునట్లయితే ఎవరియందు అతిశయించాలి?

అతిశయించువాడు ప్రభువునందే అతిశయించాలి[1:31].

1 Corinthians 2

1 Corinthians 2:1-2

దేవుని రహస్య సత్యం ప్రకటిస్తూ ఏవిధంగా పౌలు కొరింతు వారిదగ్గరకు వచ్చాడు?

దేవుని రహస్య సత్యం ప్రకటించినపుడు పౌలు మాటకారితనంగాని, గొప్పజ్ఞానంగాని వినియోగించుకోలేదు[2:1].

కొరింతు వారిమధ్య ఉన్నప్పుడు ఏమితెలుసుకొని ఉండాలని పౌలు నిశ్చయించుకొన్నాడు?

సిలువ మరణం పొందిన యేసుక్రీస్తు తప్ప ఇంకేమియూ ఎరుగకుండా ఉండాలని పౌలు నిశ్చయించుకొన్నాడు[2:2].

1 Corinthians 2:3-5

పౌలు సందేశం, శుభవార్త ప్రకటన జ్ఞానయుక్తమైన మాటలు కాకుండా పరిశుద్ధాత్మ బలప్రభావాలతో ఎందుకు ఉన్నాయి?

వారి విశ్వాసానికి ఆధారం మనుషుల జ్ఞానం కాకుండా దేవుని బలప్రభావాలే కావాలని పౌలు ఇలా చేసాడు[2:4-5].

1 Corinthians 2:6-7

పౌలును, తనతో ఉన్నవారును ఏ జ్ఞానాన్ని ఉపదేశించారు?

వారు ఉపదేశించింది దేవుని రహస్య సత్యంలో ఉన్న జ్ఞానం, ప్రపంచ సృష్టికి ముందే మన ఘనత కోసం దేవుడు నిర్ణయించిన జ్ఞానం[2:7].

1 Corinthians 2:8-9

పౌలు కాలంలోని అధికారులకు దేవుని జ్ఞానం తెలిసి ఉంటే వారు ఏమి చేసియుండే వారు కాదు?

పౌలు కాలంలోని అధికారులకు దేవుని జ్ఞానం తెలిసి ఉంటే వారు ప్రభువును సిలువ వేసేవారు కాదు[2:8].

1 Corinthians 2:10-11

పౌలును, అతనితో ఉన్నవారును దేవుని జ్ఞానాన్ని ఎలా తెలుసుకున్నారు?

దేవుడు వాటిని తన ఆత్మ వలన బయలుపరచాడు[2:10].

దేవుని సంబంధమైన లోతైన ఆలోచనలు ఎవరికీ తెలుసు?

దేవుని సంబంధమైన లోతైన ఆలోచనలు కేవలం దేవుని ఆత్మకే తెలుసు[2:11].

1 Corinthians 2:12-13

పౌలును, అతనితో ఉన్నవారును ఎందుకు దేవుని యొద్దనుండి ఆత్మను పొందియున్నారు?

దేవుడు మనకు ఉచితముగా దయచేసినవాటిని తెలిసికొనుటకై వారు దేవుని యొద్ద నుండి ఆత్మను పొందియున్నారు[2:12].

1 Corinthians 2:14-16

దేవుని ఆత్మకు చెందిన విషయములను ఆత్మీయంగా లేని వ్యక్తి ఎందుకు అర్ధం చేసుకోలేడు?

దేవుని ఆత్మకు చెందిన విషయాలు ఆత్మీయంగా లేని వ్యక్తికి వెర్రితనంగా అనిపిస్తాయి, అవి ఆధ్యాత్మికంగా మాత్రమే తెలుస్తాయి[2:14].

యేసును విశ్వసించిన వారికి ఎవరి మనసు ఉంటుందని పౌలు చెప్పాడు?

యేసును విశ్వసించిన వారికి యేసు మనసు ఉంటుందని పౌలు చెప్పాడు[2:16].

1 Corinthians 3

1 Corinthians 3:1-2

ఎందుకు పౌలు కొరింతు విశ్వాసులతో ఆధ్యాత్మిక వ్యక్తులుగా మాట్లాడలేక పోయాడు?

వారు ఇంకా శరీరసంబంధంగా, వారి మధ్య అసూయ, కలహాలతో ఉనారు కనుక పౌలు వారితో ఆధ్యాత్మిక వ్యక్తులుగా మాట్లాడలేకపోయాడు[3:1,3].

1 Corinthians 3:3-5

పౌలు ఎవరు, అపొల్లో ఎవరు?

వారు పరిచారకులు, దేవుని జత పనివారు. వారి ద్వారా కొరింతువారు క్రీస్తును విశ్వసించారు[3:5,9].

1 Corinthians 3:6-9

వృద్ధి కలుగ జేయువాడు ఎవరు?

వృద్ధి కలుగ జేయువాడు దేవుడే[3:7].

1 Corinthians 3:10-11

పునాది ఎవరు?

యేసు క్రీస్తే పునాది[3:11].

1 Corinthians 3:12-13

యేసుక్రీస్తు అను పునాది మీద కట్టువాని పనికి ఏమి జరుగుతుంది?

అతని పని వెలుగులోను, అగ్నిలోను కనబడుతుంది[3:12-13].

ఆ వ్యక్తి యొక్క పనిని అగ్ని ఏమి చేస్తుంది?

వాని పని ఎట్టిదో అగ్నియే పరీక్షించును[3:13].

1 Corinthians 3:14-15

ఒకని పని అగ్ని పరీక్షకు నిలిచిన యెడల వానికేం జరుగుతుంది?

ఆ వ్యక్తి జీతం పుచ్చుకుంటాడు[3:14].

ఒకని పని అగ్ని పరీక్షకు నిలువని యెడల వానికేం జరుగుతుంది? ?

అతనికి నష్టం కలుగుతుంది, అయితే తన మట్టుకు తనకు రక్షణ ఉంటుంది గాని అది మంటల్లోనుంచి తప్పించుకొన్నట్టే ఉంటుంది[3:15].

1 Corinthians 3:16-17

యేసుక్రీస్తునందు విశ్వాసులంగా మనమెవరం, మనలో ఎవరు నివసిస్తున్నారు?

మనము దేవుని ఆలయం, దేవుని ఆత్మ మనలో నివసిస్తున్నాడు[3:16].

దేవుని ఆలయాన్ని పాడుచేసిన వానికి ఏమి జరుగుతుంది?

దేవుని ఆలయాన్ని పాడుచేసిన వానిని దేవుడు పాడు చేయును[3:17].

1 Corinthians 3:18-20

ఈ లోకమందు ఎవడైనను జ్ఞానినని అనుకునే వానికి పౌలు ఏమి చెపుతున్నాడు?

"వాడు జ్ఞాని అగునట్లు "వెర్రివాడు" కావాలి అని పౌలు చెపుతున్నాడు[3:18].

జ్ఞానుల యోచనల గురించి ప్రభువుకు ఏమి తెలుసు?

జ్ఞానుల యోచనలు వ్యర్ధములని ప్రభువుకు తెలుసు[3:20].

1 Corinthians 3:21-23

మనుష్యులయందు అతిశపడకూడదని కొరింతు విశ్వాసులకు పౌలు ఎందుకు చెపుతున్నాడు?

అతిశయపడవద్దని పౌలు వారికి చెప్పాడు, "సమస్తమును మీవి," అందుచేత, "...మీరు క్రీస్తు వారు, క్రీస్తు దేవునివాడు"[3:21-23].

1 Corinthians 4

1 Corinthians 4:1-2

కొరింతు వారు పౌలును, అతని జతపనివారిని ఎలా గౌరవించాలని పౌలు చెప్పాడు?

వారు క్రీస్తు సేవకులని, దేవుని రహస్య సత్యాల విషయం నిర్వాహకులువలె కొరింతు వారు పౌలును, అతని జతపని వారిని గౌరవించాలని పౌలు చెప్పాడు[4:1].

నిర్వాహకునికి ఉండవలసిన ఒక లక్షణం ఏమిటి?

నిర్వాహకుడు నమ్మకమైన వాడుగా ఉండాలి[4:2].

1 Corinthians 4:3-4

తనకు తీర్పు తీర్చు వాడు ఎవరు అని పౌలు చెపుతున్నాడు?

తనకు తీర్పు తీర్చు వాడు దేవుడే అని పౌలు చెపుతున్నాడు[4:4].

1 Corinthians 4:5

ప్రభువు వచ్చినపుడు ఏమిచేస్తాడు?

చీకటిలో దాగిఉన్నవాటిని ఆయన వెలుగులోనికి తెస్తాడు, హృదయాలలోని ఆలోచనలను బట్టబయలు చేస్తాడు[4:5].

1 Corinthians 4:6-7

ఈ సూత్రాలను తనకు, అపోల్లోకు పౌలు ఎందుకు అన్వయించాడు?

"లేఖనములయందు రాసియున్న సంగతులను అతిక్రమించకూడదు" అను మాటకు అర్ధాన్ని కొరింతు విశ్వాసులు నేర్చుకొని వారు ఒకని పక్షమున మరియొకరు ఉప్పొంగ కూడదని వారికొరకు దీనిని చేసాడు[4:6].

1 Corinthians 4:8-9

కొరింతు విశ్వాసులు రాజులు కావాలని పౌలు ఎందుకు కోరాడు?

పౌలును, అతని సహచరులును కొరింతు విశ్వాసులతో కలసి రాజులగునట్లు కొరింతు విశ్వాసులు రాజులు కావాలని పౌలు కోరాడు[4:8].

1 Corinthians 4:10-11

ఏవిషయాలలో పౌలును, అతని సహచారులును కొరింతు విశ్వాసులకు భిన్నంగా ఉన్నారని పౌలు చెప్పాడు?

"మేము క్రీస్తు నిమిత్తం వెర్రివారం, మీరు క్రీస్తునందు బుద్ధిమంతులు, మేము బలహీనులం, మీరు బలవంతులు, మీరు ఘనులు, మేము ఘనహీనులం" అని పౌలు చెప్పాడు[4:10].

అపోస్తలుల భౌతిక పరిస్థితిని పౌలు ఏవిధంగా వివరించాడు?

వారు ఆకలి, దప్పిక గలవారు, దిగంబరులు, పిడిగుద్దులు తినుచున్నవారు, నిలువరమైన నివాసం లేనివారు అని పౌలు చెప్పాడు[4:11].

1 Corinthians 4:12-13

పౌలును, అతని సహచరులును అవమానించినపుడు ఎలా స్పందించారు?

వారు నిందల పాలయినప్పుడు దీవించారు, వారు హింసలకు గురైతే ఓర్చుకున్నారు, అపనిందలు వచ్చినపుడు దయతో మాట్లాడారు(4:12).

1 Corinthians 4:14-16

పౌలు ఎందుకు ఈ సంగతులను కొరింతు విశ్వాసులకు రాస్తున్నాడు?

తన ప్రియమైన పిల్లలవలె సరిచెయ్యడానికి పౌలు రాశాడు[4:14].

కొరింతు విశ్వాసులు ఎవరిని అనుకరించాలని పౌలు చెప్పాడు?

కొరింతు విశ్వాసులు తనను అనుకరించాలని పౌలు చెప్పాడు[4:16].

1 Corinthians 4:17-18

ఏవిషయాన్నికొరింతు విశ్వాసులకు గుర్తుచేయ్యాలని పౌలు తిమోతిను పంపాడు?

క్రీస్తునందు పౌలు నడుచుకొను విధమును కొరింతు విశ్వాసులకు గుర్తుచెయ్యాలని పౌలు తిమోతిని పంపాడు[4:17].

కొందరు కొరింతు విశ్వాసులు ఏవిధంగా ప్రవర్తిస్తున్నారు?

పౌలు వారివద్దకు రాడని కొందరు విర్రవీగుచున్నారు[4:18].

1 Corinthians 4:19-21

దేవుని రాజ్యం దేనితో కూడుకొన్నది?

దేవుని రాజ్యం శక్తితో కూడుకొన్నది[4:20].

1 Corinthians 5

1 Corinthians 5:1-2

కొరింతు సంఘం గురించి ఎలాంటి వార్తను పౌలు విన్నాడు?

వారిలో వ్యభిచారం ఉన్నట్లు పౌలు విన్నాడు. వారిలో ఒకడు తన తండ్రి భార్యను ఉంచుకొన్నాడు[5:1].

తన తండ్రి భార్యను ఉంచుకొనినవాడికి ఏమి జరగాలని పౌలు చెప్పాడు?

తన తండ్రి భార్యను ఉంచుకొనినవాడిని వారి మధ్యనుండి తొలగించాలని పౌలు చెప్పాడు[5:2].

1 Corinthians 5:3-5

తన తండ్రి భార్యను ఉంచుకొనినవాడిని వారిమధ్యనుండి ఎలా, ఎందుకు తొలగించాలని పౌలు చెప్పాడు ?

కొరింతులోని సంఘం ప్రభువైన యేసు నామంలో కూడుకొనినపుడు పాపం చేసిన వ్యక్తి శరీరం నాశనమయ్యేలా అతనిని సాతానుకు అప్పగించాలి, ప్రభువైన యేసు వచ్చే రోజున అతనికి విముక్తి కలుగుతుంది[5:4-5].

1 Corinthians 5:6-8

దుర్మార్గాతను, దుష్టత్వమును దేనితో పౌలు పోలుస్తున్నాడు?

పౌలు వాటిని పొంగజేసే పదార్ధంతో పోలుస్తున్నాడు[5:8].

నిజాయితి, సత్యం కొరకు పౌలు ఏ రూపకాన్ని వాడుతున్నాడు?

నిజాయితి, సత్యం కొరకు పౌలు పొంగని రొట్టెను ఒక రూపకంగా వాడుతున్నాడు[5:8].

1 Corinthians 5:9-10

కొరింతు విశ్వాసులను ఎవరితో కలిసిమెలిసి ఉండకూడదని పౌలు చెపుతున్నాడు?

కొరింతు విశ్వాసులను వ్యభిచారులతో కలిసిమెలిసి ఉండకూడదని పౌలు రాస్తున్నాడు[5:9].

కొరింతు విశ్వాసులను వ్యభిచారులతో కలిసిమెలిసి ఉండకూడదని పౌలు ఉద్దేశిస్తున్నాడా?

కొరింతు విశ్వాసులను వ్యభిచారులతో కలిసిమెలిసి ఉండకూడదని పౌలు ఉద్దేశం కాదు, అలాగైతే మీరు లోకములోనుండి వెళ్ళిపోవలసి వస్తుంది[5:10].

కొరింతు విశ్వాసులను ఎవరితో కలిసిమెలిసి ఉండకూడదని పౌలు చెపుతున్నాడు?

క్రీస్తులో సోదరుడు, సోదరి అనిపించుకొంటున్న వారెవరైనా వ్యభిచారి, దురాశా పరుడు, తిట్టుబోతు, త్రాగుబోతు, వంచకుడు, విగ్రహపూజ చేయువారితో కలిసిమెలిసి ఉండకూడదని పౌలు చెప్పాడు[5:10-11].

1 Corinthians 5:11-13

విశ్వాసులు ఎవరికి తీర్పుతీర్చాలి?

సంఘంలోపలి వారికి వారు తీర్పు తీర్చాలి[5:12].

సంఘం వెలుపల ఉన్నవారికి ఎవరు తీర్పు తీరుస్తారు?

సంఘం వెలుపల ఉన్నవారికి దేవుడు తీర్పు తీరుస్తాడు[5:13].

1 Corinthians 6

1 Corinthians 6:1-3

పరిశుద్ధులు ఎవరికీ తీర్పు తీరుస్తారు?

పరిశుద్ధులు లోకమునకు, దేవదూతలకు తీర్పు తీరుస్తారు[6:2-3].

కొరింతులోని విశ్వాసులు దేనికి తీర్పు తీర్చగలరని పౌలు చెప్పాడు?

కొరింతులోని విశ్వాసులు పరిశుద్ధుల మధ్య ఈ జీవన సంబంధమైన వ్యాజ్యములను గూర్చి తీర్పు తీర్చగలరని పౌలు చెప్పాడు[6:1-3].

1 Corinthians 6:4-6

కొరింతులోని క్రైస్తవులు ఒకరితో ఒకరు వారి వ్యాజ్యములను ఏ విధంగా తీరుస్తారు?

ఒక విశ్వాసి మరొక విశ్వాసి మీద వ్యాజ్యమాడుతున్నాడు, అవిశ్వాసుల యెదుటనే వారు వ్యాజ్యమాడుతున్నారు[6:6].

1 Corinthians 6:7-8

కొరింతు క్రైస్తవుల మధ్య వ్యాజ్యాలు ఉన్నాయన్న వాస్తవం దేనిని చూపుతుంది?

వారి విషయం ఇది ఒక అపజయం అని చూపుతుంది[6:7]

1 Corinthians 6:9-11

దేవుని రాజ్యంను ఎవరు స్వతంత్రించుకొలేరు?

అన్యాయస్తులు, జారులు, విగ్రహారాధికులు, వ్యభిచారులు, పురుషసంయోగులు, ఆడంగి వారు, దొంగలు, లోభులు, త్రాగుబోతులు, దూషకులు, దోచుకొనువారు దేవుని రాజ్యంను స్వతంత్రించుకొలేరు[6:9-10].

మునుపు అనీతిని అభ్యాసంచేసిన కొరింతు విశ్వాసులకు ఏమిజరిగింది?

వారు ప్రభువైన యేసుక్రీస్తు పేర దేవుని ఆత్మ వలన శుద్ధి అయ్యారు[6:11].

1 Corinthians 6:12-13

పౌలు తాను వశపరచుకొననివ్వని రెండు విషయాలు ఏమిటి?

భోజనం, జారత్వం పౌలు తనను వశపరచుకోనివ్వడు[6:12-13].

1 Corinthians 6:14-15

విశ్వాసుల శరీరాలు దేనిలో అవయవములై ఉన్నాయి?

వారి శరీరాలు క్రీస్తు అవయవములై యున్నాయి[6:15].

విశ్వాసులు తమనితాము వేశ్యలతో కలుపుకుంటారా?

లేదు, అదెంత మాత్రం తగదు[6:15].

1 Corinthians 6:16-17

ఒకడు వేశ్యతో కలిసినపుడు ఏమిజరుగుతుంది?

అతడు ఆమెతో ఏకశరీరం అవుతాడు[6:16].

ఒకడు ప్రభువుతో కలిసినపుడు ఏమి జరుగుతుంది?

అతడు ఆయనతో ఏకాత్మగా ఉన్నాడు[6:17].

1 Corinthians 6:18

జారత్వం చేయువాడు ఎవనికి వ్యతిరేకంగా పాపం చేస్తున్నాడు?

జారత్వం చేయువాడు తన స్వంత శరీరమునకు వ్యతిరేకంగా పాపం చేస్తున్నాడు[6:18].

1 Corinthians 6:19-20

ఎందుకు విశ్వాసులు తమ శరీరములతో దేవుని మహిమ పరచాలి?

వారి శరీరాలు పరిశుద్ధాత్మకు ఆలయమ. వారు విలువ పెట్టి కొనబడినవారు కనుక వారు తమ శరీరాలతో దేవుని మహిమ పరచాలి[6:19-20].

1 Corinthians 7

1 Corinthians 7:1-2

ఎందుకు ప్రతీ పురుషునికి తన సొంత భార్య ఉండాలి, ప్రతి స్త్రీకి తన సొంత భర్త ఉండాలి?

అనేక అనైతిక క్రియలకు సంబంధించిన శోధనల కారణంగా ప్రతి పురుషునికీ తన సొంత భార్య ఉండాలి, ప్రతి స్త్రీకి తన సొంత భర్త ఉండాలి[7:2].

1 Corinthians 7:3-4

భార్య గాని భర్త గాని తమ శరీరాలమీద వారికి అధికారం ఉందా?

లేదు. భర్తకు తన భార్య శరీరంమీద అధికారం ఉంది అలాగే భార్యకు తన భర్త శరీరంమీద అధికారం ఉంది[7:4].

1 Corinthians 7:5-7

ఒక భర్తగాని, ఒక భార్య గాని లైంగికంగా ఒకరికొకరు దూరంగా ఉండడం ఎప్పుడు సరియైనది?

ప్రార్ధన కోసం సావకాశం కలిగించుకోవడం కోసం కొంతకాలం సమ్మతించి ఒకరికొకరు దూరంగా ఉండడం సరియైనది [7:5].

1 Corinthians 7:8-9

పెండ్లికాని వారు, విధవరాండ్రకు ఏది మంచిదని పౌలు చెపుతున్నాడు?

వారు పెళ్ళి చేసికొకుండుట వారికి మంచిదని పౌలు చెపుతున్నాడు[7:8].

ఎటువంటి పరిస్థితులలో పెండ్లికాని వారు, విధవరాండ్రు వివాహం చేసుకోవాలి?

ఆశలు అదుపులో ఉంచుకోవడం వారిచేత కాకపోతే వారు పెళ్ళి చేసుకోవడం మంచిది[7:9].

1 Corinthians 7:10-11

పెళ్ళైన వారికి ప్రభువు ఇచ్చే ఆజ్ఞ ఏది?

భార్య భర్తకు వేరైపోకూడదు, ఒకవేళ వేరైపోయినా మళ్ళీ పెళ్ళి చేసుకోకుండా ఉండాలి, లేదా, భర్తతో సమాధానపడాలి. భర్త భార్యను విడిచిపెట్ట కూడదు [7:10-11].

1 Corinthians 7:12-14

నమ్మిన భర్త గాని, భార్యగాని వారి నమ్మని భర్తనుగాని, భార్యనుగాని విడిచిపెట్టవచ్చునా?

నమ్మని భర్త లేక భార్య వారి భార్యతో గాని లేక భర్తతో కాపురముండడం ఇష్టమైతే నమ్మినవారు విడిచిపెట్టకూడదు[7:12-13].

1 Corinthians 7:15-16

ఒకవేళ నమ్మని భాగస్వామి విడిచిపెట్టినపుడు విశ్వాసి ఏమిచెయ్యాలి?

ఒకవేళ నమ్మని భాగస్వామి విడిచి పెట్టినపుడు విశ్వాసి అతనిని వెళ్ళిపోనివ్వాలి[7:15].

1 Corinthians 7:17-19

సంఘములన్నిటికి పౌలు ఉంచిన నియమం ఏది?

ప్రతి ఒక్కరూ తనకు ప్రభువు నియమించిన ప్రకారం, దేవుడు పిలిచిన పరిస్థితిలో సాగిపోవాలి[7:17].

సున్నతి గలవారికి, సున్నతి లేనివారికి పౌలు ఏ సూచన ఇస్తున్నాడు?

సున్నతిలేనివాడు సున్నతి పొందకూడదు, సున్నతిగలవాడు సున్నతి గురుతు మాపుకోడానికి పూనుకోకూడదు[7:18].

1 Corinthians 7:20-24

బానిసల గురించి పౌలు ఏమి చెప్పాడు?

దేవుడు పిలిచినప్పుడు వాడు బానిసగా ఉన్నయెడల దాని గురించి బెంగ పెట్టుకోవద్దు, గాని ఒకవేళ స్వేచ్ఛగా ఉండడానికి అవకాశం వస్తే దానిని వినియోగం చేసుకోవాలి, బానిసగా ఉన్నప్పుడు ప్రభువులోకి పిలుపు పొందిన వ్యక్తి ప్రభువు చేత విడుదల అయిన వ్యక్తే. వారు మనుషులకు బానిసలు కాకూడదు అని పౌలు చెప్పాడు[7:21-23].

1 Corinthians 7:25-26

పెళ్ళి కాని వారు పెళ్ళిలేకుండా పౌలులా ఉండిపోవాలని పౌలు ఎందుకు ఆలోచిస్తున్నాడు?

ఇప్పటి కష్టదశ కారణంగా మనిషి తానున్న పరిస్థితిలోనే ఉండడం మంచిదని పౌలు తలంపు[7:26].

1 Corinthians 7:27-28

విశ్వాసులు పెళ్ళిద్వారా ఒక స్త్రీకి కట్టుబడి ఉంటే వారు ఏమిచెయ్యాలి?

ఆ పెళ్ళి నిబంధననుండి విడుదల కోసం ప్రయత్నించకూడదు[7:27]

విశ్వాసులు ఒకవేళ భార్య లేకుండా ఉన్నట్లయితే భార్య కొరకు వెదకవద్దని పౌలు ఎందుకు చెప్పాడు?

పెళ్ళిచేసుకున్నవారు జీవితంలో వారికి కలిగే శరీరసంబంధమైన బాధలనుండి తప్పించడం కోసం పౌలు చెప్పాడు[7:28].

1 Corinthians 7:29-31

లోకంలో ఉన్నవాటిని వినియోగించేవారు వాటిని పూర్తిగా వినియోగించనట్టు ఎందుకు ఉండాలి?

ఈ లోక విధానం గతించిపోతున్నది గనుక వారు ఆ విధానంలో ఉండాలి[7:31].

1 Corinthians 7:32-35

పెళ్ళి అయిన క్రైస్తవులు ప్రభువుపట్ల పూర్తి శ్రద్ధ కనపరచడం ఎందుకు కష్టం?

భర్త గాని, భార్య గాని ఈ లోకసంబంధమైన వాటిలో శ్రద్ధ వహిస్తారు గనుక ప్రభువుపట్ల పూర్తి శ్రద్ధ కనపరచడం కష్టం[7:33-34].

1 Corinthians 7:36-38

తనకు ప్రదానం జరిగిన ఆమెను పెళ్ళి చేసుకునేవాడికంటే ఎవరు ఇంకా మంచిపని చేస్తున్నారు?

పెళ్ళి చేసుకోని వాడు ఇంకా మంచి చేస్తున్నాడు[7:38].

1 Corinthians 7:39-40

ఎంతకాలం వరకు ఒక స్త్రీ తన భర్తకు కట్టుబడి ఉండాలి?

భర్త బ్రతికి ఉన్నంత వరకూ భార్య అతడికి కట్టుబడి ఉంటుంది[7:39].

నమ్మిన స్త్రీ భర్త చనిపోయిన యెడల ఆమె ఎవరిని పెళ్ళి చేసుకోవచ్చు?

ఆమెకు నచ్చిన వాడిని వివాహమాడడానికి ఆమెకు స్వేచ్చ ఉంది గాని ప్రభువుకు చెందిన వాణ్ణి మాత్రమే వివాహమాడాలి[7:39].

1 Corinthians 8

1 Corinthians 8:1-3

ఈ అధ్యాయంలో ఏ అంశంను గురించి పౌలు మాట్లాడుతున్నాడు?

విగ్రహాలకు అర్పితమైనవాటి విషయం పౌలు రాస్తున్నాడు[8:1,4].

జ్ఞానం, ప్రేమలు కలుగజేసే ఫలితాలేంటి?

జ్ఞానం ఉప్పొంగజేస్తుంది, ప్రేమ అభివృద్ధిని కలిగిస్తుంది[8:1].

1 Corinthians 8:4-6

విగ్రహం దేవునితో సమానమా?

కాదు. లోకంలో విగ్రహం వట్టిది. ఒకే ఒక దేవుడు తప్ప మరో దేవుడు లేడు[8:4].

ఒకే ఒక దేవుడు ఎవరు?

ఒకే దేవుడున్నాడు, ఆయన తండ్రియైన దేవుడు. ఆయనను బట్టి సమస్తం కలిగింది, మన ఉనికి ఆయన కోసమే[8:6].

ఒకే ప్రభువు ఎవరు?

ఒకే ప్రభువు ఉన్నాడు, ఆయన యేసు క్రీస్తు. అయన ద్వారానే సమస్తం కలిగింది, మన ఉనికి కూడా ఆయన ద్వారానే కలిగింది[8:6].

1 Corinthians 8:7

విగ్రహంను ఆరాధించినవారు విగ్రహంకు బలి ఇచ్చినదానిని భుజించినపుడు ఎంజరుగుతుంది?

వారి మనస్సాక్షి బలహీనమై అపవిత్రమవుతుంది[8:7].

1 Corinthians 8:8-10

భోజనం మనలను దేవుని యెదుట గొప్పవారినిగాని తక్కువ వారినిగా గాని చేస్తుందా?

భోజనం మనలను గురించి దేవునికేం చెప్పలేదు. తినకపోయినందున మనకు తక్కువ లేదు, తినినందున మనకు ఎక్కువ లేదు[8:8].

మన స్వేచ్ఛ ఏమి కాకూడదని మనం జాగ్రత్త తీసుకోవాలి?

మన స్వేచ్చ విశ్వాసంలో బలహీనులకు తప్పటడుగు వేయించే అడ్డు కాకుండా చూసుకోవాలి[8:9].

విగ్రహార్పితమైన వాటి విషయం బలహీన మనస్సాక్షి గల సోదరుడుగాని సోదరిగాని వాటిని మనం తినుచుండుట చూచి వాటిని తింటే ఏమి జరుగుతుంది?

ఆ సహోదరుని, సోదరిని బలహీనమైన మనస్సాక్షి గలవారుగా చేసి నశింపజేసిన వారిమౌతున్నాము[8:10-11].

1 Corinthians 8:11-13

క్రీస్తులో ఒక సహోదరుని, సోదరిని వారి బలహీనమైన మనస్సాక్షిని బట్టి ఉద్దేశ్యపూర్వకంగా తొట్రుపడేవారిగా చేసినయెడల ఎవరికి వ్యతిరేకంగా పాపం చేసిన వారమౌతాము?

క్రీస్తులో ఒక సహోదరుని, సోదరిని వారి బలహీనమైన మనస్సాక్షిని బట్టి తొట్రుపడేవారిగా చేసిన యెడల క్రీస్తుకు వ్యతిరేకంగా పాపం చేసిన వారమౌతాం[8:11-12].

తాను చేసిన భోజనం ఒక సహోదరుని, సోదరిని తొట్రుపడేవారిగా చేసిన యెడల ఏమి చేస్తానని పౌలు చెపుతున్నాడు?

తాను చేసిన భోజనం ఒక సహోదరుని, సోదరిని తొట్రుపడేవారిగా చేసినయెడల ఎన్నటికి మాంసం తిననని పౌలు చెపుతున్నాడు[8:13].

1 Corinthians 9

1 Corinthians 9:1-2

తాను అపోస్తలుడనని పౌలు ఎం రుజువు చూపుతున్నాడు?

కొరింతు విశ్వాసులు ప్రభువునందు తన పనియై ఉన్నారు కనుక వారే తన అపోస్తలత్వముకు రుజువునై ఉన్నారని పౌలు చెపుతున్నాడు[9:1-2].

1 Corinthians 9:3-6

అపోస్తలులు, ప్రభువునందు సహోదరులు, కేఫా యొక్క అధికారాలలో పౌలు చెప్పిన కొన్ని అధికారాలు ఏవి?

తినుటకు, త్రాగుటకు వారికి అధికారం ఉన్నదని పౌలు చెపుతున్నాడు, విశ్వాసి అయిన భార్యను వెంటబెట్టుకొని తిరుగుటకు అధికారమున్నదని చెపుతున్నాడు[9:4-5].

1 Corinthians 9:7-8

తమ పని నుండి ప్రయోజనాలు పొందినవారు, చెల్లించినవారి గురించి పౌలు ఏ ఉదాహరణలు ఇచ్చాడు?

తమ పని నుండి ప్రయోజనాలు పొందినవారి గురించి పౌలు సైనికులు, ద్రాక్షతోట నాటినవారు, మంద కాచువారిని గురించిన ఉదాహరణలు ఇచ్చాడు[9:7].

1 Corinthians 9:9-11

తమ పని నుండి ప్రయోజనాలు పొందడం, చెల్లించడం గురించిన తలంపును బలపరచడం కొరకు పౌలు మోషే ధర్మశాస్త్రం నుండి ఏ ఉదాహరణ ఇచ్చాడు?

పౌలు తన వాదనను బలపరచుకోడానికి "కళ్ళం తొక్కుచున్న ఎద్దు మూతికి చిక్కం పెట్టవద్దు" అను ఆజ్ఞను ప్రస్తావిస్తున్నాడు[9:9].

కొరింతు విశ్వాసుల మధ్య తాము ఆ అధికారం ఉపయోగించుకోక పోయినా పౌలుకు, అతని అనుచరులకు ఏ అధికారం ఉంది?

కొరింతు విశ్వాసులనుండి శరీరసంబంధమైన ఫలములు కోసికొనుటకు వారికి అధికారం ఉంది. ఎందుకంటే కొరింతువారి మధ్య వారు ఆత్మ సంబంధమైన వాటిని విత్తారు[9:11-12].

1 Corinthians 9:12-14

సువార్తను ప్రకటించువారిని గురించి ప్రభువు ఏమి ఆజ్ఞాపించాడు?

సువార్తను ప్రకటించువారు సువార్త వలన జీవించాలని ప్రభువు ఆజ్ఞాపించాడు[9:14].

1 Corinthians 9:15-18

తాను అతిశయించడం లేదని దేని గూర్చి పౌలు చెప్పాడు, ఎందువలన దాని గురించి తాను అతిశయపడలేక పోయాడు?

తాను సువార్త ప్రకటించుచున్నను అతిశయ పడలేదని పౌలు చెప్పాడు, ఎందుకంటే సువార్త ప్రకటించవలసిన భారం తన మీద ఉంది[9:16].

1 Corinthians 9:19-20

పౌలు ఎందుకు అందరికీ సేవకుడయ్యాడు?

ఎక్కువ మందిని దేవుని కొరకు సంపాదించుకొనుటకై పౌలు అందరికి సేవకుడయ్యాడు[9:19].

దేవునికొరకు అనేకులను సంపాదించుటకు ఎవరివలె ఉండాలని పౌలు ఇష్టపడ్డాడు?

యూదునికి యూదునివలె, ధర్మశాస్త్రముకు లోబడినవాని వలె, ధర్మశాస్త్రం లేని వారికి బలహీనుడయ్యాడు, ఏ విధము చేతనైనను కొందరిని రక్షింపవలెనని అందరికి అన్నివిధముల వాడయ్యాడు[9:20-22].

1 Corinthians 9:21-23

సువార్త నిమిత్తం పౌలు ఎందుకు అన్ని చేసాడు?

సువార్త దీవెనలలో పాలివాడు కావడానికి పౌలు సమస్తం చేసాడు[9:23].

1 Corinthians 9:24-27

ఏ విధంగా పరుగెత్తాలని పౌలు చెప్పాడు?

బహుమానం పొందునట్లుగా పరుగెత్తాలని పౌలు చెప్పాడు[9:24].

ఎటువంటి కిరీటాన్ని పొందాలని పౌలు పరుగెత్తుతున్నాడు?

అక్షయమగు కిరీటాన్ని పొందాలని పౌలు పరుగెత్తుచున్నాడు[9:25].

ఎందుకు పౌలు తన శరీరాన్ని నలగగొట్టి లోబరచుకొన్నాడు?

ఇతరులకు ప్రకటించిన తరువాత తాను భ్రష్టుడై పోతాడేమోనని ఈ విధంగా చేసాడు[9:27].

1 Corinthians 10

1 Corinthians 10:1-6

మోషే కాలంలో వారి పితరులు పొందిన సాధారణ అనుభవాలేవి?

వారి పితరులందరూ మేఘం క్రింద ఉన్నారు, సముద్రంలో నడిచారు. అందరు మోషేనుబట్టి మేఘంలోను, సముద్రంలోను బాప్తిస్మం పొందారు, ఆత్మ సంబంధమైన ఒకే ఆహారం భుజించారు, ఆత్మ సంబంధమైన ఒకే పానీయమును పానము చేసారు[10:1-4].

తమ పితరులను అనుసరించిన ఆత్మీయ బండ ఎవరు?

ఆత్మీయ బండ అయిన క్రీస్తు వారిని అనుసరించాడు[10:4].

1 Corinthians 10:7-10

మోషే కాలంలో వారి పితరుల విషయం దేవుడు ఎందుకు ఇష్టంగా లేడు?

వారు చెడ్డవాటిని ఆశించారు, వ్యభిచారులయ్యారు, ప్రభువును శోధించారు, సణిగారు[10:6-10].

వారి పితరుల ప్రవర్తనను శిక్షించడానికి దేవుడేమి చేసాడు?

వారు నానా విధాలుగా చనిపోయారు, కొందరు సర్పములచేత, కొందరు సంహారదూత చేత చనిపోయారు, అరణ్యంలో కూలిపోయారు[10:5,8-10].

1 Corinthians 10:11-13

అవి ఎందుకు జరిగాయి, ఎందుకోసం రాసిఉన్నాయి?

మనకు బుద్ధి కలుగుటకు దృష్టాంతములుగా మన కొరకు రాసి ఉన్నాయి[10:11].

ఏదైనా ప్రత్యేకమైన శోధన మనకు కలిగిందా?

లేదు. మనుష్యులకు కలుగు శోధన తప్ప మరి ఏదీ వారికి కలుగలేదు[10:13].

మనం శోధన సహించుటకు దేవుడు ఏమి చేసాడు?

శోధనతో పాటు తప్పించుకొను మార్గాన్ని ఆయన కలుగజేశాడు[10:13].

1 Corinthians 10:14-19

దేని నుండి కొరింతు విశ్వాసులను పారిపొమ్మని పౌలు హెచ్చరిస్తున్నాడు?

విగ్రహరాధననుండి కొరింతు విశ్వాసులు పారిపోవాలని పౌలు హెచ్చరిస్తున్నాడు[10:14].

విశ్వాసులు దీవించు ఆశీర్వచనపు పాత్ర ఏమిటి, వారు విరచు రొట్టె ఏమిటి?

పాత్ర క్రీస్తు రక్తములో సహవాసము, రొట్టె విరచి తినడం క్రీస్తు శరీరంలో సహవాసం[10:16].

1 Corinthians 10:20-22

అన్యజనులు తమ బలులను ఎవరికీ అర్పిస్తున్నారు?

వారు దయ్యములకే గాని దేవునికి తమ బలులను అర్పించుట లేదు[10:20].

కొరింతు విశ్వాసులు దయ్యాలతో వంతు తీసుకోవడం పౌలు కోరడం లేదు కనుక, వారు ఏమి చెయ్యలేరని పౌలు చెపుతున్నాడు?

వారు ప్రభువు పాత్రలోనిది దయ్యాల పాత్ర లోనిదీ త్రాగలేరు, ప్రభువు బల్లమీద ఉన్నదానిలోను దయ్యాల బల్ల మీద ఉన్న దానిలోను పాలు పొందలేరని పౌలు చెపుతున్నాడు[10:20].

ప్రభువు విస్వాసులంగా దయ్యాలతో పాలు పొందిన యెడల ఎలాంటి ప్రమాదాన్ని ఎదుర్కొంటాం?

ప్రభువుకు రోషం పుట్టించిన వారిమౌతాం[10:22].

1 Corinthians 10:23-24

మన స్వంత మేలునే చూసుకుంటామా?

లేదు. దానికి బదులుగా ప్రతివాడునూ తన పొరుగువాని మేలుకొరకు చూచుకోనవలెను[10:24].

1 Corinthians 10:25-27

ఒక అవిశ్వాసి భోజనానికి నిన్ను పిలిస్తే నీవు వెళ్ళదలిస్తే ఏమి చెయ్యాలి?

నీకు వడ్డించినవి ఏవో దానిని గూర్చి మనస్సాక్షి నిమిత్తం ఏ విచారణ చేయక తినాలి[10:27].

1 Corinthians 10:28-30

నీవు తీసుకోబోయే భోజనం బలి అర్పించినదని ఆతిధ్యం ఇచ్చిన అవిశ్వాసి నీకు చెప్పినపుడు దీనిని నీవు ఎందుకు తీసుకోవు?

నీకు తెలియజేసిన వాని కొరకు నీవు దానిని తీసుకోకూడదు, ఎదుటివాని మనస్సాక్షి నిమిత్తం నీవు దానిని తీసుకోకూడదు[10:28-29].

1 Corinthians 10:31-33

దేవుని మహిమ కొరకు మనం ఏమిచెయ్యాలి?

మనం భోజనము చేసినను, పానము చేసినను, ఏమి చేసినను సమస్తము దేవుని మహిమ కొరకు చేయాలి[10:31].

యూదులకు, గ్రీసుదేశస్తులకు, దేవుని సంఘానికి ఎందుకు అభ్యంతరం కలుగజేయకూడదు?

వారు రక్షణ పొందునట్లు మనం వారికి అభ్యంతరం కలుగజేయ కూడదు [10:32-33].

1 Corinthians 11

1 Corinthians 11:1-4

ఎవరిని అనుకరించమని పౌలు కొరింతు విశ్వాసులకు చెప్పాడు?

పౌలును అనుకరించమని పౌలు చెప్పాడు[11:1].

పౌలు ఎవరిని అనుకరిశున్నాడు?

పౌలు క్రీస్తును అనుకరించువాడు[11:1].

ఎందుకొరకు పౌలు కొరింతు విస్వాసులను మెచ్చుకొన్నాడు?

వారికి అప్పగించిన కట్టడలను గట్టిగా పట్టుకొనియున్నందున పౌలు వారిని మెచ్చుకుంటున్నాడు[11:2].

క్రీస్తుకు శిరస్సు ఎవరు?

క్రీస్తుకు శిరస్సు దేవుడు[11:3].

పురుషునికి శిరస్సు ఎవరు?

ప్రతి పురుషునికి శిరస్సు క్రీస్తే[11:3].

స్త్రీకి శిరస్సు ఎవరు?

స్త్రీకి శిరస్సు పురుషుడే[11:3].

పురుషుడు తన తల మీద ముసుగు వేసుకొని ప్రార్ధిస్తే ఏమవుతుంది?

పురుషుడు తన తల మీద ముసుగు వేసుకొని ప్రార్ధిస్తే అతడు తన తలను అవమాన పరచును[11:4].

1 Corinthians 11:5-6

స్త్రీ తన తల మీద ముసుగు లేకుండా ప్రార్ధిస్తే ఏమవుతుంది?

స్త్రీ తన తల మీద ముసుగు లేకుండా ప్రార్ధిస్తే ఆమె తన తలను అవమాన పరచును[11:5].

1 Corinthians 11:7-8

ఎందుకు పురుషుడు తన తల మీద ముసుకు వేసుకొనకూడదు?

పురుషుడు తన తల మీద ముసుకు వేసుకొనకూడదు ఎందుకంటే అతడు దేవుని పోలికయు, మహిమయునై యున్నాడు[11:7].

1 Corinthians 11:9-10

ఎవరి కొరకు స్త్రీని సృజించడం జరిగింది?

స్త్రీని పురుషుని కొరకు సృజించడం జరిగింది[11:9].

1 Corinthians 11:11-12

స్త్రీ పురుషులిద్దరు ఒకరిమీద ఒకరు ఎందుకు ఆధారపడ్డారు?

స్త్రీ పురుషుని మూలంగా కలిగింది, పురుషుడు స్త్రీ మూలంగా కలిగాడు[11:11-12].

1 Corinthians 11:13-16

స్త్రీ ప్రార్ధించుటను గురించి పౌలు, అతని అనుచరులు, దేవుని సంఘముల అలవాటు ఏమిటి?

జ.స్త్రీలు ముసుకు వేసికొని ప్రార్ధించుట వారి ఆచారం[11:10,13,16].

1 Corinthians 11:17-19

కొరింతు విశ్వాసుల మధ్య ఎందుకు భిన్నాభిప్రాయాలు ఉండాలి?

వారిలో యోగ్యులు స్పష్టం కావడానికి వారిలో భిన్నాభిప్రాయాలు ఉండడం తప్పదు[11:19].

1 Corinthians 11:20-22

ప్రభువు రాత్రి భోజనం కొరకు కొరింతు సంఘం కూడినపుడు ఏమి జరుగుతుంది?

వారు భోజనం చేయునపుడు ఒకనికంటే ఒకడు ముందుగా తన మట్టుకు తాను భోజనం చేయుచున్నాడు. ఒకడు ఆకలి గొనియున్నాడు, మరియొకడు మత్తుగా ఉన్నాడు[11:21].

1 Corinthians 11:23-24

ప్రభువైన యేసును శత్రువులకు పట్టిఇచ్చిన రాత్రి యేసు ఒక రొట్టెను విరచి ఏమిచెప్పాడు?

"ఇది మీకోరకైన నా శరీరం, నన్ను జ్ఞాపకం చేసికొనుటకు దీనిని చేయుడి" అని చెప్పాడు[11:23,24].

1 Corinthians 11:25-26

భోజనమైన పిమ్మట ఆయన ఒక పాత్రను తీసికొని ఏమి చెప్పాడు?

"యీ పాత్ర నా రక్తము వలననైన క్రొత్త నిబంధన, మీరు దీనిలోనిది త్రాగునప్పుడెల్ల నన్ను జ్ఞాపకం చేసుకోండి" అని చెప్పాడు[11:25].

ఆయన రొట్టెను తినునప్పుడు, ఆయన రసం త్రాగునప్పుడెల్ల మీరేం చేయుచున్నారు?

ప్రభువు వచ్చు వరకు ఆయన మరణం ప్రచురం చేస్తున్నారు[11:26].

1 Corinthians 11:27-32

ఎందుకు అయోగ్యముగా ప్రభువు యొక్క రొట్టెను తినకూడదు, పాత్రలోనిది త్రాగకూడదు?

ఆ విధంగా చేసినయెడల వాడు ప్రభువు యొక్క శరీరం గురించియు, రక్తమును గురించియు అపరాధియగును[11:27,29].

కొరింతు సంఘంలో అయోగ్యముగా ప్రభువు యొక్క రొట్టెను తిని, అయన పాత్రలోనిది త్రాగిన అనేకులకు ఏమిజరిగింది?

అనేకులు బలహీనులును, రోగులునై ఉన్నారు, కొందరు కన్నుమూసారు[11:30].

1 Corinthians 11:33-34

భోజనం చేయడానికి కూడి వచ్చినపుడు ఏమిచెయ్యాలని కొరింతు విశ్వాసులకు పౌలు చెపుతున్నాడు?

ఒకరికొకరు కనిపెట్టుకొని యుండాలని పౌలు చెపుతున్నాడు[11:33].

1 Corinthians 12

1 Corinthians 12:1-3

కొరింతు క్రైస్తవులు ఏమి తెలుసుకోవాలని పౌలు కోరుతున్నాడు?

వారు ఆత్మవరాల గురించి తెలుసుకోవాలని పౌలు కోరుతున్నాడు[12:1].

దేవుని అత్మచేత మాట్లాడువాడు ఏమి మాట్లాడ లేడు?

దేవుని అత్మచేత మాట్లాడువాడు "యేసు శాపగ్రస్తుడని" చెప్పలేడు[12:3].

"యేసు ప్రభువు" అని ఎవరైనా ఏవిధంగా చెప్పగలరు?

ఎవరైనా పరిశుద్ధాత్మచేత "యేసు ప్రభువు" అని చెప్పగలరు[12:3].

1 Corinthians 12:4-6

ప్రతి విశ్వాసిలో దేవుడు దేనిని జరిగించుచున్నాడు?

ప్రతి విశ్వాసిలోను దేవుడు నానావిధములైన కృపావరములను, నానావిధములైన పరిచర్యలను, నానావిధములైన కార్యములను జరిగించుచున్నాడు[12:4-6].

1 Corinthians 12:7-8

ఆత్మ ప్రత్యక్షత ఎందుకు కలుగుతుంది?

మనుష్యులందరి ప్రయోజనంకొరకు కలుగుతుంది[12:7].

1 Corinthians 12:9-11

ఆత్మ ఇచ్చిన కొన్ని కృపావరాలు ఏవి?

బుద్ధివాక్యం, జ్ఞానవాక్యం, స్వస్థపరచు వరం, అద్భుతాలు చేయు వరం, ప్రవచనం, ఆత్మల వివేచనా వరం, నానావిధ భాషలు, భాషల అర్ధం చెప్పు వరం కొన్ని కృపావరాలు[12:8-10].

ఏ వరములను ఎవరు పంచి ఇస్తారు?

ఆత్మ ఒక్కడే తన చిత్తము చొప్పున ప్రతివానికి పంచి ఇస్తాడు[12:11].

1 Corinthians 12:12-17

దేనిలోనికి క్రైస్తవులు బాప్తిస్మం తీసుకున్నారు?

మనమందరం ఒక్క శరీరంలోనికి అత్మయందే బాప్తిస్మం పొందాం, ఒక్క ఆత్మను పానం చేశాం[12:13].

1 Corinthians 12:18-20

శరీరంలోని ప్రతి అవయవంను ఎవరు చక్కగా అమర్చారు?

శరీరంలోని ప్రతి అవయవంను దేవుడు తన చిత్తం ప్రకారం చక్కగా అమర్చాడు[12:18].

1 Corinthians 12:21-24

శరీరం యొక్క భాగాలలో బలహీనంగా కనపడే భాగాలు లేకుండా ఏమైనా చెయ్యగలమా?

లేదు. శరీరంలో బలహీనంగా కనపడే భాగాలు అవసరమైనవి[12:22].

బలహీనంగా కనపడే భాగాలతో కలిపి శరీరం యొక్క భాగాలకు దేవుడు ఏమిచేసాడు?

శరీరంలోని భాగాలన్నిటిను ఏకం చేసాడు, తక్కువదానికే ఎక్కువ ఘనతను కలుగజేశాడు[12:24].

1 Corinthians 12:25-27

శరీర భాగాలలో తక్కువవాటికి దేవుడు ఎందుకు ఘనత కలుగజేశాడు?

శరీరంలో ఎటువంటి వివాదం లేకుండునట్లు దేవుడు దీనిని చేసాడు, అయితే శరీర భాగాలు ఒకనికొకటి ఆప్యాయంగా చూసుకోవాలి [12:25].

1 Corinthians 12:28-29

దేవుడు సంఘం లో ఎవరిని నియమించాడు?

దేవుడు మొదట కొందరిని అపోస్తలులుగా, రెండవది ప్రవక్తలుగా, మూడవది బోధకులుగా, అద్భుతాలు చేయువారినిగా, స్వస్తతలు, ఉపకారం చేయువారినిగా, ప్రభుత్వములు చేయువారినిగా, నానా భాషలు మాట్లాడువారినిగా నియమించాడు[12:28].

1 Corinthians 12:30-31

దేనిని వెదకమని పౌలు కొరింతు విశ్వాసులకు చెప్పాడు?

శ్రేష్టమైన కృపావరములను వెదకమని పౌలు వారికి చెప్పాడు[12:31].

కొరింతు విశ్వాసులకు ఏమి చూపిస్తానని పౌలు చెప్పాడు?

మరింత శ్రేష్టమైన మార్గాన్ని చూపిస్తానని పౌలు చెప్పాడు[12:31].

1 Corinthians 13

1 Corinthians 13:1-3

మనుష్యుల భాషలతోను, దేవదూతల భాషలతోను మాట్లాడి, ప్రేమలేకపోతే పౌలు ఏమౌతాడు?

మ్రోగెడు కంచును, గణగణలాడు తాళముగా ఉంటాడు[13:1].

ప్రవచించు కృపావరం కలిగి, మర్మములన్నియు, జ్ఞానమంతయు ఎరిగినవాడై, ప్రేమలేకపోతే పౌలు ఏమౌతాడు?

వ్యర్దుడవుతాడు[13:2].

పౌలు బీదలపోషణ కొరకు తన ఆస్తి అంతయు ఇచ్చినా, తన శరీరాన్ని కాల్చడానికి అప్పగించినాప్రయోజనం లేకపోవడానికి కారణం ఏమిటి?

ఈ కార్యాలన్నీ చేసినా ప్రేమ లేనివాడు అయితే అతనికేం ప్రయోజనం లేదు[13:2]

1 Corinthians 13:4-7

ప్రేమ యొక్క కొన్ని లక్షణాలు ఏమిటి

ప్రేమ సహిస్తుంది, దయ చూపుతుంది, అది మత్సర పడదు, డంబముగా ప్రవర్తింపదు, ఉప్పొంగదు, అది అమర్యాదగా నడువదు, స్వప్రయోజనాన్ని విచారించుకొనదు, త్వరగా కోపపడదు, అపకారమును మనసులో ఉంచుకొనదు. దుర్నీతి విషయం సంతోషపడక సత్యమందు సంతోషిస్తుంది, అన్నిటిని తాళుకొనును, అన్నిటిని నమ్ముతుంది, అన్నిటిని నిరీక్షిస్తుంది, అన్నిటిని ఓర్చుకుంటుంది. ఇది శాశ్వత కాలముంటుంది[13:4-8].

1 Corinthians 13:8-10

గతించిపోయేవి, నిలిచిపోయేవి ఏవి?

ప్రవచనాలు, జ్ఞానం, పూర్ణము కానిది గతించి పోతాయి, భాషలు నిలిచిపోతాయి[13:8-10].

అంతము లేనిదేది?

అంతము లేనిది ప్రేమ[13:8].

1 Corinthians 13:11-13

పౌలు పెద్దవాడైనప్పుడు ఏమి చేసాడని చెప్పాడు?

పౌలు పెద్దవాడైనప్పుడు పిల్లవాని చేష్టలు మానివేసాడని చెప్పాడు[13:11].

ఎ మూడు విషయాలు నిలుస్తాయి, వీటిలో శ్రేష్టమైనది ఏది?

విశ్వాసం, నిరీక్షణ, ప్రేమ ఈ మూడు నిలుస్తాయి, వీటిలో శ్రేష్టమైనది ప్రేమయే[13:13].

1 Corinthians 14

1 Corinthians 14:1-6

ఆత్మ సంబంధమైన ఏ ఆత్మవరం కొరకు ఆపేక్ష కలిగి ఉండాలని పౌలు చెపుతున్నాడు?

ప్రవచన వరం విషయం మనం ఆపేక్ష కలిగి ఉండాలని పౌలు చెపుతున్నాడు[14:1].

భాషతో మాట్లాడు వాడు ఎవనితో మాట్లాడుచున్నాడు?

భాషతో మాట్లాడు వాడు మనుష్యులతో కాదు, దేవునితో మాట్లాడుచున్నాడు[14:2].

భాషలతో మాట్లాడడం కంటే ప్రవచించడం ఎందుకు మిన్న?

భాషలతో మాట్లాడువాడు తనకే క్షేమాభివృద్ధి కలుగ చేసుకొంటున్నాడు, అయితే ప్రవచించే వాడు సంఘానికి క్షేమాభివృద్ధి కలుగజేయును. అందుచేత ప్రవచించడం గొప్పది[14:3-5].

1 Corinthians 14:7-11

జ్ఞానంలేని సంభాషణను పౌలు దేనితో పోల్చాడు?

స్వరములలో భేదం కలుగాజేయని పిల్లనగ్రోవి, వీణేలతో పౌలు దీనిని సరిపోల్చాడు. స్పష్టం కాని ధ్వని ఇచ్చే బూరతో కూడా పౌలు పోల్చాడు[14:7-9].

1 Corinthians 14:12-14

ఏ విషయంలో కొరింతు విశ్వాసులు ఆసక్తి కలిగి ఉండాలని పౌలు చెపుతున్నాడు?

సంఘ క్షేమాభివృద్ధి విషయం ఆసక్తి కలిగి ఉండాలని పౌలు చెపుతున్నాడు[14:12].

భాషతో మాటలాడువాడు దేనికొరకు ప్రార్ధించాలి?

భాషతో మాటలాడువాడు అర్ధం చెప్పు శక్తిగలవాడగుటకు ప్రార్ధించాలి[14:13].

భాషతో ప్రార్ధన చేయునపుడు తన ఆత్మ, మనసు ఏమిచేస్తాయని పౌలు చెపుతున్నాడు?

భాషతో ప్రార్ధన చేయునపుడు తన ఆత్మ ప్రార్ధిస్తుంది, మనసు ఫలవంతంగా ఉండదు అని పౌలు చెపుతున్నాడు[14:14].

1 Corinthians 14:15-16

తాను ఏవిధంగా ప్రార్ధించబోతున్నాడు, పాడబోతున్నాడని పౌలు చెపుతున్నాడు?

తాను ఆత్మతో మాత్రమే కాక, మనసుతోను ప్రార్దిస్తానని, పాడతానని పౌలు చెపుతున్నాడు[14:15].

1 Corinthians 14:17-21

భాషతో పదివేల మాటలు మాట్లాడం కంటే ఏది మేలు అని పౌలు చెప్పాడు?

భాషతో పదివేల మాటలు మాట్లాడం కంటే మనసుతో ఇతరులకు బోధకలుగునట్లు ఐదు మాటలు మేలు అని పౌలు చెప్పాడు[14:19].

1 Corinthians 14:22-23

భాషలు, ప్రవచనాలు ఎవరికీ గుర్తుగా ఉన్నాయి ?

భాషలు అవిశ్వాసులకు గుర్తుగా ఉన్నాయి, ప్రవచనాలు విశ్వాసులకు గుర్తుగా ఉన్నాయి[14:22].

సంఘమంతయు కూడి అందరు భాషలతో మాటలాడుచుండగా బయటివారును, అవిశ్వాసులును లోనికి వచ్చినపుడు వారు ఏమనవచ్చు?

విశ్వాసులు వెర్రివారు అని పిలువవచ్చును[14:23].

1 Corinthians 14:24-25

సంఘమంతయు కూడి అందరు ప్రవచించుచుండగా బయటివాడు, అవిశ్వాసి లోనికి వచ్చినపుడు ఏమవుతుందని పౌలు చెపుతున్నాడు?

సంఘమంతయు కూడి అందరు ప్రవచించుచుండగా బయటివాడు, అవిశ్వాసి లోనికి వచ్చినపుడు అందరి బోధ వలన తనకు ఒప్పుదల కలుగుతుంది, అందరి వలన విమర్శలోనికి వస్తాడు[14:24].

ప్రవచనాలు తన హృదయ రహస్యాలను బయలుపరచుచు ఉన్నప్పుడు బయటివాడు, అవిశ్వాసి ఏమి చేస్తారు?

అతడు సాగిలపడి దేవునికి నమస్కారం చేస్తాడు, నిజంగా దేవుడు వారి మధ్య ఉన్నాడని ప్రచురం చేస్తాడు[14:25].

1 Corinthians 14:26-28

విశ్వాసులు కూడి వచ్చినపుడు భాషలు మాట్లాడువారి కొరకు పౌలు ఇచ్చిన హెచ్చరిక ఏమిటి?

ఇద్దరు, అవసరమైన యెడల ముగ్గురు వంతుల చొప్పున మాట్లాడాలని చెప్పాడు, అర్ధం చెప్పువాడు లేనియెడల అతడు సంఘంలో మౌనంగా ఉండాలని పౌలు చెప్పాడు[14:27-28].

1 Corinthians 14:29-30

విశ్వాసులు కూడి వచ్చినపుడు ప్రవక్తలకు పౌలు ఇచ్చిన హెచ్చరిక ఏమిటి?

ప్రవక్తలు ఇద్దరు, ముగ్గురు మాట్లాడవచ్చును, తక్కినవారు వివేచింపవచ్చును. కూర్చున్న వానికి ఏదైనను తెలిస్తే మొదటి వాడు మౌనంగా ఉండాలి. వారు ఒకరి తరువాత మరొకరు ప్రవచింపవచ్చును అని పౌలు చెప్పాడు[14:29-31].

1 Corinthians 14:31-33

ఏ సంఘాలలో స్త్రీలు మాట్లాడుటకు సెలవు లేదని పౌలు చెప్పాడు?

పరిశుద్ధుల సంఘాలన్నిటిలో స్త్రీలు మాట్లాడుటకు సెలవు లేదని పౌలు చెప్పాడు[14:33-34].

1 Corinthians 14:34-36

స్త్రీలు ఏమైనా నేర్చుకోవాలంటే ఏమిచేయాలని పౌలు చెప్పాడు?

వారు తమ ఇంట తమ భర్తలను అడగాలని పౌలు చెప్పాడు[14:35].

సంఘంలో మాట్లాడుచున్న స్త్రీని ప్రజలు ఎలా చూస్తారు?

సంఘంలో స్త్రీ మాట్లాడుట అవమానం[14:35].

1 Corinthians 14:37-38

ఎవరైనను తాను ప్రవక్తనియైనను ఆత్మ సంబంధినని తలంచిన యెడల వారు ఏమి తెలుసుకోవాలని పౌలు చెప్పాడు?

అతడు పౌలు రాయుచున్నవి ప్రభువు యొక్క అజ్ఞలని దృఢంగా తెలిసికోవాలని పౌలు చెప్పాడు[14:37].

1 Corinthians 14:39-40

సంఘంలో సమస్తం ఏవిధంగా జరగాలి?

సమస్తం మర్యాదగాను, క్రమంగాను జరగాలి[14:40].

1 Corinthians 15

1 Corinthians 15:1-2

సహోదరులకు, సోదరీలకు పౌలు ఏమి జ్ఞాపకం చేసాడు?

వారికి ప్రకటించిన సువార్తను పౌలు జ్ఞాపకం చేస్తున్నాడు[15:1].

పౌలు ప్రకటించిన సువార్త ద్వారా కొరింతు వారు రక్షణ పొందాలంటే ఏ షరతులు నెరవేర్చాలి?

పౌలు ప్రకటించిన వాక్కును గట్టిగా పట్టుకొనుట ద్వారా కొరింతు వారు రక్షణ పొందగలరని పౌలు వారికి చెప్పాడు[15:2]

1 Corinthians 15:3-7

సువార్తలోని భాగాలలో మొదటి ప్రాముఖ్యత కలిగిన అంశాలేంటి?

లేఖనముల ప్రకారం క్రీస్తు మన పాపముల కొరకు చనిపోయాడు, లేఖనాల ప్రకారమే ఆయనను పాతిపెట్టడం, మూడో రాజున ఆయనను సజీవంగా లేపడమూ జరిగింది అనేవి సువార్తలోని మొదటి ప్రాముఖ్యత కలిగిన అంశాలు[15:3].

1 Corinthians 15:8-11

క్రీస్తు మృతులలోనుండి లేచిన తరువాత ఎవరికి కనిపించాడు?

క్రీస్తు మృతులలోనుండి లేచిన తరువాత, అయన కేఫాకు, పన్నెండుమంది శిష్యులకు, ఐదువందలమంది సహోదరులు, సోదరీలకు ఒకసారి, యాకోబుకు, అపోస్తలులందరికి, పౌలుకును కనిపించాడు[15:8].

అపోస్తాలులలో కనిష్టుడను అని పౌలు ఎందుకు చెప్పాడు?

దేవుని సంఘాన్ని హింసించాడు కనుక పౌలు ఇలా చెప్పాడు[15:9].

1 Corinthians 15:12-17

పునరుత్థానం గురించి కొరింతు విశ్వాసులు కొందరు చెపుతున్నదానిని ఏమని సూచిస్తున్నాడు?

వారిలో కొందరు మృతులలోనుండి పునరుత్థానం లేదని చెపుతున్నట్టు ఉందని పౌలు సూచిస్తున్నాడు[15:12].

మృతులలోనుండి పునరుత్థానం లేనట్లయితే పౌలు చెపుతున్న ఏ విషయంకూడా సత్యం అని పౌలు చెపుతున్నాడు?

మృతులలోనుండి పునరుత్థానం లేనట్లయితే పౌలును, తనవలె ఇతరుల సందేశం నిరుపయోగం అని, కొరింతువారి విశ్వాసం కూడా నిరుపయోగం అని చెపుతున్నాడు[15:13-14].

1 Corinthians 15:18-19

మృతులలోనుండి క్రీస్తు లేవనియెడల క్రీస్తులో చనిపోయిన వారికి ఏమిజరుగుతుంది ?

వారు నశించిపోయారు[15:18].

భవిష్యత్తు కొరకు క్రీస్తులో మన నిరీక్షణ ఈ జీవితానికి మట్టుకే సత్యం అయితే పౌలు చెపుతున్నదేమిటి?

ఇది సత్యమైతే మనుష్యులందరిలో మనం దౌర్భాగ్యులం[15:19].

1 Corinthians 15:20-21

క్రీస్తును పౌలు ఏమని పిలుస్తున్నాడు?

"చనిపోయినవారిలో ఆయన ప్రథమ ఫలం" అని క్రీస్తును పౌలు పిలుస్తున్నాడు[15:20].

ఎవని ద్వారా మరణం ఈ లోకం లోనికి వచ్చింది, ఎవని ద్వారా మృతుల పునరుత్థానం ఈ లోకం లోనికి వచ్చింది?

ఆదాము మరణాన్ని ఈ లోకం లోనికి తీసుకొని వచ్చాడు, క్రీస్తులో అందరినీ బ్రతికించడం జరుగుతుంది[15:21-22].

1 Corinthians 15:22-23

కీస్తుకు చెందినవారు ఎప్పుడు సజీవంగా లేవడం జరుగుతుంది ?

క్రీస్తు వచ్చినపుడు ఇడి జరుగుతుంది[15:23].

1 Corinthians 15:24-26

ప్ర.అంతమందు ఏమిజరుగుతుంది?

సమస్త ప్రభుత్వాన్ని సమస్త అధికారాన్ని సమస్త శక్తిని రద్దుచేసి రాజ్యాన్ని తండ్రిఅయిన దేవునికి అప్పగిస్తాడు[15:24].

ఎంత కాలం క్రీస్తు పరిపాలిస్తాడు?

తన విరోధులందరినీ తన పాదాల క్రింద పెట్టుకొనేవరకు క్రీస్తు రాజ్యం చేయాలి[15:23].

చివరిగా మరణమయ్యే విరోధి ఎవరు?

చివరిగా మరణమయ్యే విరోధి మరణం[15:26]

1 Corinthians 15:27-30

"ఆయన సమస్తంను ఆయన పాదాల క్రింద ఉంచాడు" అని అయన చెప్పినపుడు అందులో ఎవరు ఉండరు?

సమస్తమునూ కుమారునికి(తనకు) వశము చేసినవాడు అందులో ఉండడు[15:27].

తండ్రి అయిన దేవుడు సమస్తంలోను సమస్తమై ఉండేలా కుమారుడు ఏమి చేస్తాడు?

తండ్రి అయిన దేవుడు సమస్తంలోను సమస్తమై ఉండేలా కుమారుడు కూడా తనకు వశం చేసిన ఆయనకు వశం అవుతాడు[15:28].

1 Corinthians 15:31-32

మృతులు లేవని యెడల వారు ఏమి చేయ వచ్చని పౌలు ప్రకటిస్తున్నాడు?

"మనం రేపు చనిపోతాము కనుక తిందుము, త్రాగుదము" అని పౌలు ప్రకటించాడు[15:32].

1 Corinthians 15:33-34

కొరింతు వారు ఏమి చెయ్యాలని పౌలు ఆజ్ఞాపించాడు?

మేల్కొని, నీతి ప్రవర్తన కలిగిని వారై, పాపం చేయవద్దని పౌలు ఆజ్ఞాపించాడు[15:34].

కొరింతి వారిలో కొందరిని సిగ్గుపరచడానికి పౌలు ఏమన్నాడు?

వారిలో కొందరికి దేవుని గూర్చిన జ్ఞానం లేదు అన్నాడు[15:34].

1 Corinthians 15:35-36

మృతుల పునరుత్థానాన్ని పౌలు దేనితో పోల్చాడు?

భూమిలో నాటిన విత్తనంతో పోల్చాడు[15:35-42].

విత్తనం వృద్దిచెందడానికి ముందు దానికి ఏమౌతుంది?

అది చావాలి[15:36].

1 Corinthians 15:37-39

భూమిలో నాటిన వట్టి విత్తనం ఆ విత్తనం నుండి రాబోతున్న ఆకారాన్ని చూపిస్తుందా?

నీవు నాటిన విత్తనం కలుగాబోవు ఆకారాన్ని చూపించదు[15:37].

మాంసమంతయూ ఒక్కటేనా?

మాంసమంతయూ ఒక్కటికాదు, మనుష్య మాంసం వేరు, మృగమాంసం వేరు, పక్షి మాంసం వేరు, చేప మాంసం వేరు[15:39].

1 Corinthians 15:40-41

వివిధ రకాలైన గ్రహాలున్నాయా?

ఆకాశంలో గ్రహాలున్నాయి, భూమి మీద ఆకారాలున్నాయి [15:40]

సూర్యుడు, చంద్రుడు, నక్షత్రాలు అన్నీ ఒకే మహిమను పంచుకుంటాయా?

సూర్యుని మహిమ వేరు, చంద్రుని మహిమ వేరు, నక్షత్రముల మహిమ వేరు, మహిమను బట్టి ఒక నక్షత్రమునకును మరొక నక్షత్రమునకును భేదం కలదు[15:41])

1 Corinthians 15:42-44

నశించిపోయే మన శరీరాలను ఎలా విత్తడం జరిగింది?

ఘనహీనతలో, బలహీనతలో సహజసిద్ధమైన శరీరాలుగా విత్తడం జరిగింది[15:42-44].

మృతులలో నుండి మనం లేవడం జరిగినపుడు మన స్థితి ఎలా ఉంటుంది?

మృతులలో నుండి లేచిన శరీరం నాశనం కాని శరీరం, మహిమగల స్థితిలో, బలమైన స్థితిలో లేపడం జరిగింది[15:42-44].

1 Corinthians 15:45-46

మొదటి మానవుడు ఆదాము ఏమయ్యాడు?

అతడు జీవించు ఆత్మ అయ్యాడు[15:45].

చివరి ఆదాము ఏమయ్యాడు?

అతడు బ్రతికించే ఆత్మ అయ్యాడు[15:45].

1 Corinthians 15:47-49

మొదటి మానవుడు, చివరి మానవుడు ఎక్కడినుండి వచ్చారు?

మొదటి మానవుడు భూమినుండి వచ్చాడు, మట్టినుండి రూపొందినవాడు. రెండవ మానవుడు పరలోకం నుండి వచ్చాడు[15:47].

మనం ఎవరి పోలిక ధరించాము, ఎవరి పోలిక ధరించబోతున్నాము?

మనం ఆ మట్టివాని పోలిక ధరించినట్టే ఆ పరలోక సంభంది పోలిక కూడా ధరించుకొంటాం[15:49].

1 Corinthians 15:50-51

దేవుని రాజ్యాన్ని ఏది స్వతంత్రించు కోలేదు?

రక్త మాంసాలు దేవుని రాజ్యాన్ని స్వతంత్రించు కోలేవు[5:50].

మనకందరికీ ఏమి జరుగుతుంది?

మనం మార్పు చెందుతాము[15:51].

1 Corinthians 15:52-53

ఎప్పుడు, ఎంత త్వరగా మనం మార్పు చెందుతాం?

చివరి బూర మ్రోగగానే ఒక క్షణంలోనే, రెప్పపాటున ఇది జరుగుతుంది[15:52].

1 Corinthians 15:54-55

ఈ నశించేది నశించని దానిని ధరించుకొనినపుడు, మరణించేది మరణించని దానిని ధరించుకొనినపుడు ఏమిజరుగుతుంది?

విజయం మరణాన్ని మ్రింగివేస్తుంది[15:54].

1 Corinthians 15:56-57

మరణపు కొండె ఏది, పాపపు బలం ఏది?

మరణపు కొండె పాపం, పాపపు బలం ధర్మశాస్త్రం[15:56].

ఎవరి ద్వారా దేవుడు మనకు విజయాన్ని ఇస్తాడు?

దేవుడు మన ప్రభువైన యేసు క్రీస్తు ద్వారా మనకు విజయాన్ని ఇచ్చుచున్నాడు[15:57].

1 Corinthians 15:58

కొరింతు సోదరులు, సోదరీలు స్థిరంగా, నిలకడగా, ప్రభువు సేవ ఎప్పుడూ ఆసక్తితో చేయాలని పౌలు ఎందుకు చెపుతున్నాడు?

ప్రభువులో వారి ప్రయాస వ్యర్ధం కాదని వారికి తెలుసు కనుక దీనిని చెయ్యమని చెపుతున్నాడు[15:58].

1 Corinthians 16

1 Corinthians 16:1-2

పరిశుద్ధుల కొరకైన చందా విషయం కొరింతు సంఘం చేసినట్టు పౌలు ఎవరికి నియమించాడు?

కొరింతు సంఘం చేసినట్టు పౌలు గలతియలోని సంఘాలకు పౌలు నియమించాడు[16:1].

వారు చందాను ఏవిధంగా పోగుచేయాలని పౌలు కొరింతులోని సంఘానికి చెప్పాడు ?

ప్రతి ఆదివారంన వారిలో ప్రతివాడును తాను వర్ధిల్లన కొలది తనయొద్ద కొంత సొమ్ము నిలువచేయాలని పౌలు చెప్పాడు తద్వారా పౌలు వారి వద్దకు వెళ్ళినపుడు చందా పోగుచేయ్యడం ఉండదు[16:2].

1 Corinthians 16:3-4

చందా ఎవరికీ వెళ్తున్నది?

యెరూషలేంలోని పరిశుద్ధులకు ఇది వెళ్తున్నది[16:1,3].

1 Corinthians 16:5-6

కొరింతులోని సంఘానికి పౌలు ఎప్పడు వస్తున్నాడు?

మాసిదోనియా నుండి ప్రయాణం చేస్తున్నప్పుడు తాను వారి దగ్గరకు వస్తానని పౌలు చెప్పాడు[6:5].

పౌలు కొరింతులోని విశ్వాసులను వెంటనే చూడడానికి కొద్దికాలం ఉండాలని ఎందుకు కోరుకోవడం లేదు?

వారివద్ద ఎక్కువకాలం ఉండడానికి వారిని దర్శించాలని పౌలు తలంచాడు, వీలయితే శీతాకాలం వారితో ఉండాలని పౌలు తలంచాడు[16:6-7].

1 Corinthians 16:7-9

పెంతెకోస్తు వరకు ఎఫెసులో పౌలు ఎందుకు ఉండబోతున్నాడు?

పౌలుకు ఎఫెసులో ఫలవంతమైన సేవ చెయ్యడానికి అవకాశం కలిగింది, అక్కడ ఎదిరించువారు అనేకులు ఉన్నారు[16:8-9].

1 Corinthians 16:10-14

తిమోతి ఏమి చేస్తున్నాడు?

పౌలు చేయుచున్నట్టుగానే ప్రభువు పని చేస్తున్నాడు[16:10]

తిమోతి విషయం పౌలు కొరింతులోని సంఘానికి ఏమి ఆజ్ఞాపించాడు?

అతడు వారివద్ద నిర్భయుడిగా ఉండేలా చూసుకొమ్మని పౌలు కొరింతు సంఘానికి చెప్పాడు. అతనిని తృణీకరించవద్దని, సమాధానంతో సాగనంపాలని పౌలు వారికి చెప్పాడు[16:10-11].

అపోల్లోను ఏమి చెయ్యమని పౌలు బలంగా ప్రోత్సహించాడు?

కొరింతులోని పరిశుద్ధులను దర్శించమని అపోల్లోను పౌలు బలంగా ప్రోత్సహించాడు[16:12].

1 Corinthians 16:15-16

కొరింతులో పరిశుద్ధులకు సేవ చెయ్యడానికి తమ్మునుతాము అప్పగించుకొన్నదెవరు?

స్తెఫను ఇంటివారు పరిశుద్ధులకు సేవ చెయ్యడానికి తమ్మునుతాము అప్పగించుకొన్నారు[16:15].

స్తెఫను ఇంటివారి విషయం కొరింతులోని పరిశుద్ధులు ఏమిచెయ్యాలని పౌలు చెప్పాడు?

అటువంటి వారికి లోబడి ఉండాలని పౌలు వారికి చెప్పాడు[16:16].

1 Corinthians 16:17-18

స్తెఫను, ఫొర్మునాతు, అకాయిలు పౌలుకు ఏమిచేసారు?

కొరింతు వారు లేని కొరతను తీర్చి పౌలు ఆత్మకు సుఖాన్ని కలుగచేసారు[16:17-18].

1 Corinthians 16:19-20

కొరింతులోని సంఘానికి ఎవరు శుభములు చెప్పారు?

ఆసియాలోని సంఘాలు, ఆకుల, ప్రిస్కిల్ల, సహోదరులు, సోదరీలందరూ కొరింతులోని సంఘానికి శుభములు చెప్పారు[16:19-20].

1 Corinthians 16:21-24

ప్రభువును ప్రేమించని వారి విషయం పౌలు ఏమిచెప్పాడు?

ఎవడైనను ప్రభువుని ప్రేమించకుంటే వాడు శపించబడతాడు గాక." అని పౌలు చెప్పాడు[16:22].