6. Eniapom Neten apcaicamoc caselha Isaac

Netamen aptemo lhnac nanec apvaneiam ma’a Abraham, apuanecaniec noca m’a apquetca Isaac, niennactengquec nac apiempec. Netamen Abraham apcapascamo lhnac lhema m’a apquennengcasecama apcacjangquelha apaiomolhema, cacpota eliasquesama aptava Isaac.

Netamen apuaiacmec nac apcacjangquelha apaiomohema Abraham, apacmetquescamo lhanc Eniapom Neten ma’a, apquennengcasecama Abraham, aptietemo lhnac apacmetquescama Rebeca m’a, Labán apquetca lhnac m’a.

Ngcasecjai’avec nac Rebeca m’a cacpota ngcolieniecjac acnemolhema cacpota ngcoieplacjac ma’a nema annengcasecama ngcovacjac apnacja Isaac. Aptemo lhnac aptava Isaac Rebeca.

Nguengquepmec nac iantelhcapa m’a, apquetsepmo lhnac Abraham, cacpota lhamacjo actacja apqueltennascama apaioma Eniapom Neten lhnac nanec apquetlhevecjac ma’a Isaac. Netamen na m’a apqueltennascamo lhnac Eniapom Neten Abraham, epentalhnesecjac jata aptavana’ac neptamen coca mang nac na ngcotai’ac atca Rebeca Isaac aptava.

Apquelmalhnesquescangquec nac Isaac ma’a Rebeca, cacpota eniailhoc Eniapom Neten actemo lhnac nlosec ma’a apcanet nac ma’a. Apquennapommacpec nac nane mota au’alhoc Rebeca m’a atcac, lhnac ngcanec Rebeca ngconmalhnama Eniapom Neten, ¡cola actacja m’a!

Lhnac aptemc apcanemo Eniapom Neten Rebeca: “apcanet atcac au’alhoc anac lheiá, janet na apquellavacja aliavai’a. lhema ta ennapacpoc apma’acja la ennapacpoc, cacpota njan atca metno pquetcoc, apselhiec jata etnecjac neten apanque”.

Netamen aluetai’o lhnac apcanet atcac Rebeca m’a, alielhvasema lhnac ava apiempec metno pquetcoc aptesquescamo lhnac apuesai’a Esaú. Netamen apto apselh’ie apajac nac apmangquesaiangcoc po’oc ma’a, cacpota etnesquesec na apuesai’a Jacob.

Historia Bíblica- Génesis 24:1-25:26