11. La Pascua

Apca’iangquec na niecje apaioma Eniapom Neten Faraon ma’a, ca apquenmeiavo la mocjom Israelita nac, eletsepoc jata lhamacjo apquetcac mapmania’ie nac apcactengam, cacpota njan apnactoscama amania’ie actegama. Coca Faraon mang nac enialhemoc ma’a, mang nac na eliejecjoc najan actacja apaioma Eniapom Neten.

Eniapom Neten apquelanecjo lhnac aptacja acmo’ota elvongquesec tep Israelita apquetcac apmanie apcactengama, cacpota njan apto ei’asqueiam ma’a. Moclhem’a lhnac apqueliec’iesaiangcoc nepquesec ma’a cacpota ennapangcoc.

Lhnac nanec aptemac Eniapom Neten apquel’lanemo Israelitas, eleltelhnamoc jata quetsec nepquesec ema atong apcacja’iangquelha, elquenamoc jata apetec, colhuavec jata njan etavangcoc, elquenquesamoc jata njan alena cacapota eliepetcasangcoc. Netamen aptecamoc elentep jata m’a aquieto Egipto.

Apquenmamo lhnac actaja apaioma Eniapom Neten Israelitas ma’a. Neplhet pelhasep na ntemac ma’a apuai’o lhnac Eniapom Neten apquennapmo lhnac lhamacjo apquetcac co Egipto apmanie apuanecamoc la’a.

Lhamacjo lhnac apcacjaiangquelha Israelita apqueleltelhna’iangco lhnac ema atong apcacja’iangquelha, cacpota e’iecac Eniapm Neten netnec anquec ma’a apcacja’iangquelha nac. Apqueluongcasemacpo lhnac nanec tep ma’a, acto apcacjai’camoc conne pa’at. Nepquesec ema pancoc na songquec ma’a.

Coca co Egipto aqueliasque’iacmo lhnac ma’a, mang nac na eleliejecjoc Eniapom Neten jenganemacja apancoc. Mang nac e’iecai’ac Eniapom Neten apcacja’iangquelha m’a. apquennapmo lhnac lhamacjo co Egipto apquetcac metno pquetcoc.

Lhamacjo lhnac nanec metno pquetcoc apquetcac co Egipto apqueletsemec nac ma’a, canjan apcacjangco m’a nemmamalhquelha, nguecjavec nac Faraón apquetca apquetsepma. Niapcalhemmalhquec nac ma’a aquieto Egipto, cacpota njan aliepuamecamoc ngquescma nque.

Pelhasep nac ma’a apqueltemo lhnac ngcolhec aquiantenhuacjo Faraón, Moisés, cacpota njan Aaron, lhnac aptemac apquellanemo: “¡alaclacja ta Israelita, elentepques jata Egipto ca colhuave nac!” !Ntasec elentepoc colhuavec Israelita nac¡.

Historia Bíblica-Éxodo 11: 1-12:32