ဖန်ဆင်းခြင်း

ဤအကြောင်းအရာများသည် ဘုရားရှင်၏ အစဦးပိုင်းတွင် အရာအားလုံးအားဖန်ဆင်းခဲ့ပုံ ဖြစ်သည်။ ဘုရားရှင်သည် စက်ြာဝဠာကြီးနှင့် အရာအားလုံးကိုခြောက်ရက်အတွင်း ဖန်ဆင်းခဲ့သည်။ ဘုရားရှင်သည် ကမ္ဘာကြီးကိုစတင်ဖန်ဆင်းပေးခဲ့စဉ်က မည်သည့်အရာမှဖန်ဆင်းခြင်းမရှိသေးသဖြင့် ကမ္ဘာသည်မှောင်မိုက်ပြီး ဟင်းလင်းပြင်ဖြစ်ခဲ့သည်။ သို့သော် ဘုရားရှင်၏ဝိညာဉ်တော်သည် ကမ္ဘာ့ရေမျက်နှာပေါ်တွင်ရှိနေခဲ့သည်။

ထို့နောက်ဘုရားရှင်က"ဤကမ္ဘာမှာ အလင်းရောင်ရှိစေ"ဟုဗျာဒိတ်တော်ပေးလိုက်သည်။ ထို့ကြောင့်ဤကမ္ဘာပေါ်တွင် အလင်းရောင်ရှိလာခဲ့သည်။ ဘုရားရှင်သည်ထို အလင်းရောင်ကောင်းသည်ကိုတွေ့ပြီး အလင်းရောင်အား ‘နေ့’ဟုခေါ်ခဲ့ပြီး ‘ည’ဟုခေါ်သောအမှောင်ထုနှင့် ၎င်းအားခွဲခြားလိုက်သည်။ ဘုရားရှင်သည် အလင်းရောင်အား ဖန်ဆင်းခြင်း၏ ပထမဆုံးနေ့တွင်ဖန်ဆင်းခဲ့ပါသည်။

ဖန်ဆင်းခြင်း၏ဒုတိယနေ့တွင် ဘုရားရှင်က "ရေပေါ်အထက်မျက်နှာကျက်တွင်ဖြန့်ကျက်(အုပ်မိုး)ထားသော အရာတစ်ခုရှိစေ"ဟုဗျာဒိတ်ပေးလိုက်သောအခါတွင် ဖြန့်ကျက်(အုပ်မိုး)ထားသောအရာတစ်ခုရှိလာခဲ့သည်။ ဘုရားရှင်က ဤဖြန့်ကျက်(အုပ်မိုး)ထားသော အရာကို" ကောင်းကင်"ဟုခေါ်ခဲ့သည်။

တတိယမြောက်နေ့တွင် ဘုရားရှင်သည်"ရေများအားတစ်နေရာတွင်စုဝေးစေပြီး ကုန်းမြေပေါ် ပေါက်စေ"ဟုဗျာဒိတ်တော်ပေးခဲ့လေသည်။ ဘုရားရှင်သည်ကုန်းမြေအား "ကမ္ဘာမြေကြီး"ဟုခေါ်ဝေါ်ခဲ့ပြီး ရေများကို "ပင်လယ်များ "ဟု ခေါ်ဝေါ်ခဲ့သည်။ ဘုရားရှင်သည် သူဖန်ဆင်းခဲ့သည့်အရာများအား ကောင်းမွန်နေသည်ကိုမြင်တွေ့တော်မူလေသည်။

ထို့နောက်ဘုရားရှင်သည် "ကမ္ဘာမြေကြီးအား သစ်ပင်နှင့်ပန်းပင်မျိုးစုံကို ပေါက်ရောက်စေ"ဟုဗျာဒိတ် ပေးခဲ့လေသည်။ ထို့နောက်သစ်ပင်၊ပန်းပင်များဖြစ်ပေါ်လာခဲ့သည်။ ဘုရားရှင်သည် သူဖန်ဆင်းခဲ့သည့်အရာများ ကောင်းမွန်နေသည်ကိုတွေ့မြင်ခဲ့ရပါသည်။

ဖန်ဆင်းခြင်း၏စတုတ္ထမြောက်နေ့တွင် ဘုရားရှင်သည် "ကောင်းကင်ယံ၌ အလင်းရောင်များ ရှိစေဟုဗျာဒိတ်ပေးလိုက်သောအခါနေ၊ လနှင့်ကြယ်တာရာများကိုပါ ပေါ်ပေါက်စေခဲ့သည်။ ဘုရားရှင်သည်ထိုအရာတို့အား ကမ္ဘာမြေကြီးအတွက်အလင်းရောင်ပေးရန်နှင့် နေ့၊ည၊ရာသီဥတုများနှင့် သက္ကရာဇ်များအားမှတ်သားရန် ဖန်ဆင်းခဲ့ပါသည်။ ဘုရားရှင်သည် သူဖန်ဆင်းခဲ့သည့်အရာများ ကောင်းမွန်နေသည်ကို တွေ့မြင်ခဲ့ရပါသည်။

ပဉ္စမမြောက်နေ့တွင် ဘုရားရှင်သည် "ရေများတွင်သက်ရှိများဖြင့်ပြည့်စုံစေပြီး ကောင်းကင်ယံ၌ ငှက်များအားပျံသန်းစေ"ဟုဗျာဒိတ်တော်ပေးလိုက်ပါသည်။ ဤနည်းဖြင့်ဘုရားရှင်သည် ရေထဲတွင်ကူးခတ်သည့် အရာများကိုကူးခတ်စေပြီး ငှက်များကိုလည်းပျံသန်းအောင်ပြုလုပ်ခဲ့ခြင်းဖြစ်သည်။ ဘုရားရှင်သည် ထိုအရာတို့ကို ကောင်းမွန်သည်ဟုမြင်ပြီး ၎င်းတို့အားကောင်းချီးမင်္ဂလာပေးခဲ့လေသည်။

ဖန်ဆင်းခြင်း၏ဆဌမမြောက်နေ့တွင် ဘုရားရှင်သည် "ကုန်းနေသတ္တဝါများစွာတို့အား ပေါ်ပေါက်စေ" ဟုဗျာဒိတ်တော်ပေးခဲ့လေသည်။ ထို့နောက် ဘုရားရှင်ပြောသည့်အတိုင်းဖြစ်ပေါ်ခဲ့ပြီး အချို့မှာ မွေးမြူရေး တိရိစ္ဆာန်များဖြစ်၍ အချို့မှာမြေကြီးပေါ်တွင်တွားသွားသတ္တဝါများဖြစ်ကာ အချို့မှာတောရိုင်းတိရစ္ဆာန်များဖြစ်ကြသည်။ ထို့နောက်ဘုရားရှင်သည် ဤအရာတို့ကိုကောင်းသည်ဟုမြင်တွေ့တော်မူလေသည်။

ထို့နောက်ဘုရားရှင်က "ငါနှင့်ပုံစံတူ လူသားအားဖန်ဆင်းစေ၊ထိုသူတို့သည် ကမ္ဘာကြီးနှင့်တိရိစ္ဆာန်အားလုံးအပေါ်၌ အုပ်ချုပ်ကြီးစိုးစေ"ဟုဗျာဒိတ်တော်ပေးခဲ့လေသည်။

ထိုအခါဘုရားရှင်သည် မြေကြီးအချို့အားယူ၍လူ ယောကျ်ားပုံသဏ္ဍာန်ပြုလုပ်ကာအသက်သွင်းခဲ့ပြီး ထိုလူ၏အမည်မှာ "အာဒမ်"ဖြစ်လေသည်။ ဘုရားရှင်သည်ကြီးမားသောဥယျာဉ်တစ်ခုအား ‘အာဒမ်’နေထိုင်ရန်အတွက် ဖန်ဆင်းပေးပြီးထိုနေရာတွင်သူ့အား ဂရုတစိုက်ထားရှိခဲ့လေသည်။

ဥယျာဉ်၏အလယ်တွင် ဘုရားရှင်သည် အသက်၏သစ်ပင်နှင့် ကောင်းခြင်းဆိုးခြင်းအားသိနိုင်သည့် အသိဉာဏ်သစ်ပင်ဟူသော ထူးခြားသောသစ်ပင်နှစ်ပင်အား ရှိစေခဲ့သည်။ ဘုရားရှင်သည် ‘အာဒမ်’အား ကောင်းခြင်းဆိုးခြင်းအားသိနိုင်သော အသိဉာဏ်သစ်ပင်မှလွဲ၍ မည်သည့်အပင်မှမဆို စားသုံးခွင့်ပြုလေသည်။ ဤသို့တားမြစ်ထားသည့်အပင်မှအသီးကိုစားသုံးလျှင် သူသေရလိမ့်မည်ဟုပညတ်ထားခဲ့လေသည်။

ထို့နောက်ဘုရားရှင်သည် "လူသားတစ်ဦးတည်းအထီးကျန်နေခြင်းမှာ မကောင်းပါတကား"ဟုမြွက်ဆိုလိုက်လေသည်။မည်သည့် တိရိစ္ဆာန်မှလည်း ‘အာဒမ်’၏အဖော်မဖြစ်နိုင်ပေ။

ထို့ကြောင့်ဘုရားရှင်သည် ‘အာဒမ်’အားနှစ်ခြိုက်စွာအိပ်ပျော်စေခဲ့ပြီး ‘အာဒမ်’၏နံရိုးတစ်ချောင်းကို ယူ၍ မိန်းမအဖြစ်ဖန်ဆင်းကာ အာဒမ်ထံသို့ ခေါ်ဆောင်လာခဲ့သည်။

‘အာဒမ်’သည်သူမအားမြင်သောအခါ “နောက်ဆုံးတွင်ဤတစ်ယောက်သည် ကျွန်ုပ်နှင့်တူပြီး သူမအားမိန်းမဟုခေါ်မည်။”ဟုပြောလိုက်လေသည်။ ယောက်ျားများသည် ၎င်း၏မိဘများအားစွန့်ခွါ၍ မိန်းမနှင့်တစ်စိတ်တစ်ဝမ်းတည်း ဖြစ်သွားရခြင်းမှာမိန်းမသည်ယောကျ်ားထံမှဖြစ်လာသောကြောင့်ဖြစ်သည်။

ဘုရားရှင်သည် ယောက်ျားနှင့်မိန်းမကို ၎င်း၏ပုံရိပ်အတိုင်းဖန်ဆင်းခဲ့ခြင်းဖြစ်သည်။ ဘုရားရှင်သည် သူတို့အားကောင်းချီးပေး၍ "သားသမီးများ၊မြေးများ မြောက်များစွာမွေးကာ ဤကမ္ဘာမြေအားဖြည့်စေ"ဟု မိန့်ဆိုခဲ့သည်။ ထို့နောက်ဘုရားရှင်သည် ၎င်းပြုလုပ်ခဲ့သော အရာများအားလုံး ကောင်းမွန်သည်ကိုတွေ့ရှိခဲ့ပြီး အရာအားလုံးတို့အား အလွန်ကျေနပ်ခဲ့ပါသည်။ ဤအရာအားလုံးသည် ဖန်ဆင်းခြင်း၏ ဆဌမမြောက်နေ့တွင် ဖြစ်ပေါ်ခဲ့ခြင်းဖြစ်သည်။

သတ္တမမြောက်နေ့သို့ရောက်ရှိသောအခါတွင် ဘုရားရှင် လုပ်ဆောင်ခဲ့သောအရာများ အားလုံးပြီးမြောက်ခဲ့ပြီးလေသည်။ သူသည်ဆဌမမြောက်နေ့ကို ကောင်းချီးမင်္ဂလာပေးကာ ကြီးမြတ်အောင်ပြုလုပ်ခဲ့သည်။ အဘယ့်ကြောင့်ဆိုသော် ထိုနေ့တွင်ဖန်ဆင်းခြင်းအားလုံးအား ရပ်နားလိုက်သောနေ့ဖြစ်သောကြောင့်ဖြစ်သည်။ ဤသို့ဖြင့် ဘုရားရှင်သည် စက်ြာဝဠာနှင့် တကွအရာအားလုံးကို ဖန်ဆင်းခဲ့ခြင်းဖြစ်လေသည်။

__