ဘုရားရှင်နှင့် ဧဘရာဟမ်တို့၏ ပဋိဥာဉ်

ရေကြီးပြီးနောက် နှစ်ပေါင်းများစွာကြာသောအခါ ကမ္ဘာပေါ်တွင်လူသားများ ပြန်လည်ပွားများလာပြီး ဘုရားရှင်နှင့်တကွလူသားအချင်းချင်း အပြစ်များပြုလုပ်နေကြလေသည်။ ၎င်းတို့သည် ဘာသာစကားတစ်ခုတည်းကိုသာပြောသောကြောင့် ဘုရားရှင်မှာကြားသည့်အတိုင်း ကမ္ဘာအနှံ့မပြည့်စေဘဲ အတူတကွစုစည်း၍ မြို့တည်ထောင်ကြလေသည်။

သူတို့သည် အလွန်အမင်းမောက်မာကြပြီး ၎င်းတို့မည်ကဲ့သို့နေထိုင်ရမည်ဆိုသည့် ဘုရားရှင်၏ အမိန့်ကို မနာခံချင်ကြပေ။ သူတို့သည် နိဗ္ဗာန်ရွှေမြို့တော်သို့ပင်ရောက်နိုင်သည့် မျှော်စင်အမြင့်ကြီးကိုပင်ဆောက်လာကြ သည်။ ဘုရားရှင်သည် ထိုအရာကိုတွေ့ပြီးလျှင် ၎င်းတို့သည်မကောင်းမှုကို အတူတကွပြုလုပ်ကြလျှင် ပို၍အပြစ်ကြီးသောအရာများဖြစ်လာလိမ့်မည်ဟု တွေ့မြင်ပါသည်။

ထို့ကြောင့်ဘုရားရှင်သည် သူတို့၏ဘာသာစကားများကို မြောက်များစွာကွဲပြားအောင် ပြုလုပ်လိုက်ပြီး ကမ္ဘာကြီးကို ဖြန့်ကျက်စေသည်။ လူတို့စတင်တည်ထောင်သော မြို့၏အမည်မှာ ‘ဘာဘယ်’ဖြစ်ပြီး အဓိပ္ပါယ်မှာ ရှုပ်ထွေးခြင်းဟူ၍ဖြစ်သည်။

ရာစုနှစ် နှစ်ပေါင်းများစွာကြာသောအခါ ဘုရားရှင်က ‘အာဗြံ’ဟူသော လူတစ်ဦးအား စကားပြောဆိုပါသည်။ ဘုရားရှင်သည်ထိုလူအား “သင်၏နိုင်ငံနှင့် မိသားစုကိုစွန့်၍ ကျွန်ုပ်ပြမည့်နေရာသို့သွားပါ၊ ကျွန်ုပ်သည် သင့်အားကောင်းချီးပေးပြီး သင့်အတွက်ကြီးမြတ်သော နိုင်ငံတော်ပြုလုပ်ပေးမည်။ ကျွန်ုပ်သည် သင့်၏အမည်အားကြီးကျယ်စေမည်။ သင့်အားကောင်းချီးပေး သောသူများကို ကျွန်ုပ်ကကောင်းချီးပေးပြီး သင့်အားကျိန်စာတိုက်သောသူများကို ကျွန်ုပ်ကကျိန်စာတိုက် မည်။ ကမ္ဘာပေါ်တွင်ရှိသော မိသားစုတိုင်းသည် သင့်ကြောင့် ကောင်းချီးပေးခံရလိမ့်မည်။”

ထိုအခါ’အာဗြံ’သည် ဘုရားရှင်၏အမိန့်အားလိုက်နာလေသည်။ သူသည်သူ၏ဇနီးဖြစ်သူ ‘စာရဲ’၊ သူ၏ကျွန်များနှင့် သူပိုင်ဆိုင်သမျှသောအရာအားလုံးကိုယူ၍ ဘုရားရှင်ညွှန်ပြသော ‘ခါနန်’ပြည်သို့သွားခဲ့လေ သည်။

‘အာဗြံ’သည် ‘ခါနန်’သို့ရောက်သောအခါ ဘုရားရှင်က “သင်၏ပတ်ဝန်းကျင်ကိုကြည့်ပါ။ ဤမြေနေရာအားလုံးကို သင့်အားပေးမည်ဖြစ်ပြီး သင်၏နောင်လာနောက်သားများသည် ဤမြေအား ပိုင်ဆိုင်ကြလိမ့်မည်”ဟု ပြောခဲ့ပါသည်။ ထို့နောက်’အာဗြံ’သည် ထိုနေရာတွင်အခြေချနေထိုင်လေသည်။

ထိုအခါက ဘုရားရှင်၏အမြင့်ဆုံးဘာသာရေးခေါင်းဆော င်တစ်ဦးဖြစ်သော မေလခိဇေဒက်ရှိခဲ့သည်။ တစ်နေ့တွင် ‘အာဗြံ’သည် တိုက်ပွဲတစ်ခုထဲရောက်နေစဉ်တွင် သူနှင့်တွေ့ခဲ့ကြသည်။ မေလခိဇေဒက်သည် ‘အာဗြံ’အားဘုရားရှင်ကကောင်းချီးပေးရန် "နိဗ္ဗာန်ရွှေမြို့တော်နှင့် ကမ္ဘာမြေကြီးအားပိုင်စိုးပါ၍ ကြီးမြတ်တော်မူသော ဘုရားရှင် ‘အာဗြံ’အားကောင်းချီးပေးတော်မူပါ"ဟု ဆုတောင်းလေသည်။ ထို့ကြောင့်’အာဗြံ’သည် မေလခိဇေဒက်အား တိုက်ပွဲမှနိုင်သော အခါတွင်ါအရာအားလုံး၏ ဆယ်ပုံတစ်ပုံအားပေးလိုက်လေသည်။

နှစ်ရှည်လများကြာသွားသော်လည်း ‘အာဗြံ’နှင့်’စာရဲ’တို့မှာ သားသမီးမရနိုင်သေးပေ။ ဘုရားရှင်သည်’အာဗြံ’အား သားတစ်ယောက်ရပြီးကောင်းကင်တွင်ရှိသောကြယ်များတမျှသားသမီးမျိုးဆက်များတိုးပွားလာလိမ့်မည်ဟု ကတိပေးစကား ပြောလေသည်။ ‘အာဗြံ’သည် ဘုရားရှင်၏ကတိစကားများအား ယုံကြည်လေသည်။ ဘုရားရှင်က ‘အာဗြံ’သည် ဖြောင့်မတ်သောသူဖြစ်၍ သူ၏ကတိတော်အား ယုံကြည်သူဖြစ်ကြောင်း ကြေငြာလိုက်သည်။

ထို့နောက်ဘုရားရှင်သည် ‘အာဗြံ’နှင့် ပဋိညာဉ်ထားတော်မူလေသည်။ ပုံမှန်အားဖြင့်ဆိုလျှင် ပဋိညာဉ်ထားခြင်းဆိုသည်မှာ နှစ်ဦးနှစ်ဖက်စလုံးက တစ်ဦးကိုတစ်ဦး အပေးအယူလုပ်ခြင်းဖြစ်သည်။ သို့သော် ဤကိစ္စရပ်တွင် ဘုရားရှင်က ‘အာဗြံ’နှစ်ခြိုက်စွာအိပ်ပျော်နေချိန်တွင်ကတိပေးခဲ့ခြင်းဖြစ်သည်။သို့သော်အာဗြံသည် ဘုရားရှင်၏အသံကို ကြားခဲ့ရလေသည်။ ဘုရားရှင်က “သင်၏ခန္ဓာကိုယ်အသွေးအသားဖြင့် သားတစ်ဦးကို ကျွန်ုပ်သင့်အား ပိုင်ဆိုင်စေမည်။ ‘ခါနန်’ဟူသောနေရာအား သင်၏နောက်မျိုးဆက်များကို ကျွန်ုပ်ပေးခဲ့သည်”ဟု ပြောကြားလိုက်ပါသည်။ သို့သော် ‘အာဗြံ’၌ သားတစ်ဦးမရနိုင်သေးပေ။

__