ဘုရားရှင်က ဣဇာက်အား ကူညီစောင်မခြင်း

‘အာဗြဟံ’ အသက်အရွယ်အလွန်အိုမင်းလာသောအခါတွင် သူ၏ သား‘ဣဇာက်’သည်လည်း အရွယ်ရောက်လာပြီ ဖြစ်သည်။ ထိုအခါ ‘အာဗြဟံ’ သည် သူ၏ အခိုင်းအစေတစ်ဦးအား အမျိုးများရှိသော ၎င်းတို့ဇာတိသို့ ‘ဣဇာက်’ အတွက် ဇနီးမယားရှာရန် စေလွှတ်လိုက်သည်။

‘အာဗြဟံ’၏ အမျိုးများ နေထိုင်ရာသို့ ခရီးရှည်ကြီးသွားပြီးသောအခါတွင်ဘုရားရှင်သည်ထိုအခိုင်းအစေအားရေဗက္က ထံသို့ရောက်စေရန် လမ်းပြတော်မူလေသည်။ သူမသည် ‘အာဗြဟံ’ ၏ ညီဖြစ်သူနှင့် မြေးမတော်စပ်လေသည်။

‘ရေဗက္က’သည် သူမ၏ မိသားစုအားချန် ထားခဲ့ပြီး ထိုကျေးကျွန်တို့နှင့်အတူ ‘ဣဇာက်’၏ အိမ်သို့လိုက်ပါရန် သဘောတူလိုက်လေသည်။ ဣဇာက်သည်လည်း သူမအား ရောက်ရောက်ချင်းပင် ထိမ်းမြားလက်ထပ်လိုက်လေသည်။

အချိန်ကြာမြင့်သောအခါ ‘အာဗြဟံ’ကွယ်လွန်သွားခဲ့ပြီးနောက်တွင် သူ၏သားဖြစ်သူ ‘ဣဇာက်’အား ဘုရားရှင်သည် ကောင်းချီးမင်္ဂလာများပေးလေသည်။ အဘယ့်ကြောင့်ဆိုသော် ဘုရားရှင်၏ ကတိစကားများထဲမှ ‘အာဗြဟံ’အား မျိုးရိုးစဉ်ဆက်မရေမတွက်နိုင်အောင်ရရှိစေမည်ဟူသောဂတိစကားတစ်ခုလဲပါဝင်သည်။ သို့သော်လည်း ‘ဣဇာက်’ ၏ ဇနီးဖြစ်သူ ‘ရေဗက္က’မှာ သားသမီးမမွေးဖွားသေးပေ။

‘ဣဇာက်’သည် ‘ရေဗက္က’အတွက် ဘုရားရှင်ထံတွင် ဆုတောင်းပေးလေသည်။ ဘုရားရှင်သည် ရေဗက္ကအား ကလေးအမွှာ ပူးကိုယ်ဝန်ဆောင်စေရန်ခွင့် ပြုလိုက်လေသည်။ ထိုအမွှာပူးကလေးနှစ်ဦးသည် ရေဗက္က၏ သားအိမ်ထဲ၌ ရုန်းကန်နေကြသောကြောင့် “ဘာဖြစ်နေပါသနည်း” ဟု ရေဗက္ကကဘုရားရှင်အားမေးလျှောက်လေသည်။

ဘုရားရှင်က ‘ရေဗက္က’အား “သင်သည် သားနှစ်ဦးဖွားမြင်လိမ့်မည်။ သူတို့၏ မျိုးဆက်သည် ကွဲပြားသော နိုင်ငံနှစ်နိုင်ငံဖြစ်သွားပြီး သူတို့အချင်းချင်း ပြိုင်ဆိုင်ကြရလိမ့်မည်။ သို့သော် သင်၏သားအကြီးထံမှ ပေါ်ပေါက်လာသော တိုင်းနိုင်ငံသည် သင်၏ သားငယ်ထံမှပေါ်ပေါက်လာသောတိုင်းနိုင်ငံအား ဦးညွှတ်ရလိမ့်မည်” ဟုပြောကြားလိုက်သည်။

‘ရေဗက္က’၏ကလေးများမွေးဖွားသောအချိန်တွင် သားကြီးသည်နီရဲ၍အမွှေးများသဖြင့် ထိုကလေးအား ‘ဧသော’ဟု အမည်ပေးလေသည်။ ထို့နောက်သားငယ်သည် ‘ဧသော’၏ခြေမျက်စိအားကိုင်၍ မွေးဖွားလာသောကြောင့် ‘ယာကုပ်’ဟု အမည်ပေးလေသည်။

__