ပသခါပွဲတော်

ဘုရားရှင်သည် ‘မောရှေ’ နှင့် ‘အာရုန်’ အား ဖာရိုထံသို့ စေလွှတ်၍ ဣသရေလလူမျိုးများအား သွားခွင့်ပြုရန် ပြောခိုင်းလိုက်သည်။ ၎င်းတို့သည် ဖာရိုဘုရင်က သွားခွင့်မပေးလျှင် အီဂျစ်တွင်ရှိသော လူနှင့်တိရိစ္ဆာန်အားလုံးတို့၏ ယောကျ်ားသားဦးများအားလုံးအား ဘုရားရှင်က သတ်ပစ်လိမ့်မည်ဟု သတိပေးပြောကြားလေသည်။ ဤသို့ပြောကြားပြီးသည့်အခါတွင်ပင် ဖာရိုဘုရင်သည် ဘုရားရှင်အား ယုံကြည်ရန်နှင့်နာခံရန် ငြင်းဆိုလေသည်။

ဘုရားရှင်သည် ၎င်းကို ယုံကြည်သူတို့၏သားဦးများ အားလုံးအားကယ်တင်ရန် နည်းလမ်းတစ်ခုပေးသဖြင့် မိသားစုတိုင်းသည် အကောင်းဆုံးသိုးတစ်ကောင်စီကို သတ်ကြရလေသည်။

ဘုရားရှင်သည် ထိုသိုး၏သွေးများကို ၎င်းတို့၏အိမ်တံခါးများတွင် သုတ်လိမ်းစေပြီး အသားများကိုကင်၍တဆေးမဲ့ ပေါင်မုန့်များနှင့် လျှင်မြန်စွာစားသုံးရမည်။ ထို့ပြင် ထိုသူတို့ စားသုံးပြီးလျှင်လည်း အီဂျစ်မှ လျှင်မြန်စွာထွက်ခွာနိုင်ရန်အတွက် အသင့်ပြင်ဆင်ခိုင်းထားပါသည်။

ဣသရေလလူမျိုးများသည် ဘုရားရှင်က သူတို့အားမိန့်တော်မူထားသည့်အတိုင်း လုပ်ဆောင်ကြလေသည်။ သန်းခေါင်ယံအချိန်တွင် ဘုရားရှင်သည် အီဂျစ်တွင်ရှိသော သားဦးရတနာများအားလုံးအားလိုက်လံကွပ်မျက် တော့မည်ဖြစ်လေသည်။

ဘုရားရှင်သည် အိမ်တံခါးများတွင်သွေးများရှိသော ဣသရေလလူမျိုးတိုင်း၏အိမ်များအား ကျော်လွန်သွားခဲ့သဖြင့် အိမ်ထဲတွင်ရှိသော လူအားလုံးမှာ လုံခြုံကြလေသည်။ သူတို့သည် သိုး၏သွေးကြောင့် သာကယ်တင်ခြင်းခံရခြင်းဖြစ်လေသည်။

သို့သော် အီဂျစ်များသည် ဘုရားရှင်အား ယုံကြည်ခြင်းမရှိဘဲ ဘုရားရှင်၏စကားများကို နာခံခြင်းမရှိသဖြင့် ၎င်းတို့၏အိမ်များအား ကျော်လွန်ခြင်းမပြုချေ။ ဘုရားရှင်သည် အီဂျစ်လူမျိုးများ၏သားဦးများအား လုံးကိုကွပ်မျက်လိုက်လေသည်။

အီဂျစ်လူမျိုးများ၏ ထောင်ထဲတွင်ရှိသောသားဦးမှအစ ဘုရင်၏သားဦးအဆုံး သေဆုံးသွားကြသဖြင့် အီဂျစ်တွင်ရှိသော လူများစွာတို့သည် ဝမ်းနည်းပူဆွေးစွာဖြင့်သည်းထန်စွာ အော်ဟစ်ငိုကြွေးနေကြရပါသည်။

ထိုညတွင်းချင်းပင် ဖာရိုဘုရင်သည် ‘မောရှေ’ နှင့် ‘အာရုန်’ အားခေါ်၍ “ဣသရေလလူမျိုးများအား ခေါ်ဆောင်ပြီးအီဂျစ်မှ ချက်ချင်းထွက်ခွာသွားပါ” ဟု ဆိုလိုက်ပါသည်။ အီဂျစ်လူမျိုးများကလည်း ဣသရေလလူမျိုးများအား ချက်ချင်းထွက်ခွာသွားကြရန် တိုက်တွန်းကြလေသည်။

__