Baltic Romani: unfoldingWord® Open Bible Stories

Updated ? hours ago # views See on DCS Draft Material

29. Роспхэнэлпэ пал нанэ ковло ило бутярнэско.

Frame 29-01

Екхвар Петро пучя ко Иисусо: «Сыклымарё, скитцык молы мэ трэби простинав мирэс пшалэс, сыр ёв кэрэл бэзэх мангэ? Эфта молы?» Иисусо пхендя: «Нанэ эфта молы, а эфтадэша молы по эфта!» Иисусо пхэндя, со амэ трэби тэ простинас сарэн бут молы. Тэнче Иисусо роспхэндя дасави история.

Frame 29-02

«Дэвлытко Царство счурдэлпэ Екхэ царёскэ, саво закамья, соб лэскирэ бутярнэ тэ выпокинэн лэскэ сарэ пэскирэ бангипэна. Екх бутярно сыс бут банго 200 000 бэрш трэби тэ кэрэл буты соб тэ отдэл бангипэн.

Frame 29-03

Адякэ сыр кэ бутярно на сыс, со тэ отдэл, царё пхэндя: «Бикнэн до рабы, адалэс манушэс и лэскири семья, соб тэ плоскирэл бангипэн».

Frame 29-04

Тэнче бутярно пэя ангил царёстэ пэ чянга и лыя тэ мангэл лэс: «Подужакир мангэ, и мэ выпокинава саро, со тукэ банго». Царёстэ росковлыя ило и ёв простиндя лэскэ саро бангипэн и отмэкья лэс.

Frame 29-05

Сыр бутярно выгия царёстыр, ёв удукхья авирэс бутярнэс, саво сыс банго лэскэ. Адава бангипэн сыс сыр плоскирэн пало штар чёна буты. Бутярно вхтылдя лэс поло колын и пхэндя «Отдэ мангэ мирэ ловэ, савэ ту мангэ банго!»

Frame 29-06

Одова пэя лэскэ пэ чянга и лыя тэ мангэл лэс: «Подужакир мангэ, и мэ отдава саро, со мэ тукэ банго» Нэ ёв чурдыя лэс до бэшибэн, тэ отдэл лэскиро саро бангипэн.

Frame 29-07

Авирта бутярнэ удыкхнэ, со кэрдяпэ, и лэнгэ адава на чялыя. Ёнэ гинэ ко царё и саро роспхэндэ лэскэ.

Frame 29-08

Тэнче царё кхардя долэс бутярнэс и пхэндя: “Ту захало бутярно! Мэ умэкьём тукэ бангипэн, пал дова со ту мангьян ман дрыван. Соскэ ту на умэкьян лэскэ сыр мэ тукэ”. «Царё росхолясыя, и чурдыя захалэс бутярнэс до бэшибэн, кэ дова сыр ёв отдэла саро пэско бангипэн»

Frame 29-09

Иисусо пхэндя: «Адякэ кэрэла Миро Болыбнытко Дад, сарэнса кон на простинэла пэскирэн пшалэн сарэстыр илэстыр».

Библейско история Евангелия Матфеёстыр 18:21-35