Baltic Romani: unfoldingWord® Open Bible Stories

Updated ? hours ago # views See on DCS Draft Material

49. Нэво Завето, чидо Дэвлэса.

Frame 49-01

Ангил дова сыр латцяпэ Иисусо кэ чяй савя кхарэнас Мария явья ангело и пхэндя, со ёй биянэла Дэвлэскирэс Чявэс. Мария сыс чяёри, нэ Свэнто Духо сгия пэ латэ, и ёй кэрдяпэ пхари. Мария бияндя Чявэс и дыя лэскэ лав Иисусо. Пал дава Иисусо – и Дэвэл, и Мануш.

Frame 49-02

Иисусо кэрэлас бут чуды, савэ сыкавэнас, со Ёв – Дэвэл. Ёв пхирэлас пир паны и врикирэлас бавал . Ёв састякирлас насвалэн манушэн и вытрадэлас бэнгэн. Иисусо гадэлас мулэн, Ёв кэрдя пандже марэндыр и дуендыр тыкнэ мачендыр бут хабэн, со чялынэ бутыр 5000 манушэн.

Frame 49-03

Иисусо сыс баро Сыклымарё. Саро Лэскиро сыклярибэн сыс Чячуно. Пал дава амэ трэби тэ кэрас, дова со Иисусо амэнгэ ракирдя, Ёв – Дэвлэско Чяво. Екх со камня тэ пхэнэл Иисусо, соб амэ тэ камас авирэн манушэн, адякэ сыр амэ камас кокорэ пэс.

Frame 49-04

Ёв сыклякирэлас, со трэби бутыр сарэстыр тэ камас Дэвлэс.

Frame 49-05

Иисусо пхэндя, со хвэдыр тэ заджя дэ Дэвлэско Царство, чем тэ авэ барвалэса манушэса. Соб ту тэ заджяс дэ Дэвлэско Царство, Дэвэл трэби тэ заракхэл тут тэ намарэл тут пал тырэ бэзэха.

Frame 49-06

Иисусо пхэндя, со авэна мануша савэ прылэна Лэс, и Дэвэл заракхэла лэн. Нэ авэна и дасав мануша савэ на прылэна Лэс. Иисусо пхэндя, со сын мануша савэ сыр лачи пхув. Дэвлэско Лав, сыр зёрно, пэрэл пэ адая пхув, и пробарьёл. Дасавэ мануша прылэн Иисусос, и Дэвэл лэн заракхэл. Нэ авирта мануша сыр нанэ ковлы пхув пашэ дром. Дэвлэско Лав сыр зёрно, пэрэл пэ дая пхув, нэ на пробарьёл. Дасавэ мануша на прылэн Иисусос. Ёнэ отпхэнэнпэ тэ заджян дэ Лэско Царство.

Frame 49-07

Иисусо сыклякирэлас, со Дэвэл дрыван камэл сарэн манушэн, и савэ мануша дэ бэзэха. Ёв камэл тэ простинэл и тэ прылэл сарэн сыр Пэскирэн чяворэн.

Frame 49-08

Сыр Адамо и Ева кэрдэ бэзэх, сарэ мануша лынэ тэ бияндён пэ пхув до бэзэха. Сарэ мануша кэрэн бэзэх и отджян Дэвлэстыр. Сарэ мануша сыр бияндён пэ пхув, на шунэн и на кандэн Дэвлэс.

Frame 49-09

Нэ Дэвэл адякэ камэл манушэн, со отдыя Пэскирэс екхэс чявэс, саво Лэстэ сыс. Дэвэл на марэла одолэн, кон патял дэ Иисусостэ, и сарэ патянкунэ авэна тэ дживэн Лэса вечно.

Frame 49-10

Ту молэс тэ мэрэс, пал дава со ту кэрэс бэзэха. И Дэвэл сыр марэлас бы тут пал тырэ бэзэха авэлас бы чячуно. Нэ пал тутэ и тырэ бэзэха Дэвэл мардя Иисусос. Дэвэл пиричидя тыро бангипэн пэ Иисусостэ, сыр примардэ Лэс по трушул.

Frame 49-11

Иисусо нэ кэрэлас бэзэх. Нэ Ёв лыя амарэ бэзэха, ямаро бангипэн и мэя по трушул. Иисусо ачя жэртваса ваш дова, соб тэ залэл тырэ бэзэха и бэзэха сарэнгирэ манушэнгирэ дэ дава свэто. Иисусо яндя Пэс дэ жэртва пал бэзэх, и пал дава Дэвэл простинэл сарэ бэзэха сарэнгэ, кон патяла дэ Иисусостэ.

Frame 49-12

Тырэ лаче рынды на заракхэна тут. Ту ничи на кэрэса кокоро ваш дова, соб тэ авэс лачё Дэвлэскэ. Нэ тукэ трэби тэ патяс, со Иисусо — Чяво Дэвлэскиро, со Ёв мэя по трушул пал тутэ и Дэвэл рискирдя Лэс ко джиипэн. Сыр ту дэ дава патяса, Дэвэл простинэла сарэ тырэ бэзэха.

Frame 49-13

Дэвэл заракхэла сарэн, кон патял дэ Иисусостэ и прылэл Лэс пэскирэса Хуласа. Нэ Ёв на заракхэла долэн, кон дэ Лэстэ на патял. Всаек барвало ту чи чёроро, Мурш ту чи джювлы, тэрно ту чи пурано, и кай ту дживэс. Дэвэл камэл тут, и Ёв прикхарэл тут соб ту тэ патяс дэ Иисусостэ.

Frame 49-14

Иисусо прикхарэл тут тэ патяс дэ Лэстэ и тэ болэнпэ. Ту патяс, со Иисусо — Мессия и екх Чяво ко Дэвэл? Ту патяс, со ту – дэ бэзэх и молэс кай Дэвэл тэ марэл тут пал тырэ бэзэха? Ту патяс со Иисусо мэя по трушул, соб тэ залэл тырэ бэзэха.

Frame 49-15

Сыр ту патяса дэ Иисусостэ, и авэса тэ приджинэ и тэ ракирэс пал Лэстэ, со Ёв кэрдя ваш тукэ, то авэса тэ джяс пал Иисусостэ. Бэнг бутыр на авэла тырэ хуласа. Нэ кокоро Дэвэл лэла тэ подпхэнэл тукэ пэскирэ Царствостыр. Дэвэл дэла тукэ зор тэ накэрэ бэзэх дэ тыро джиипэн. Ёв дэла тукэ нэво и чячуно джиипэн.

Frame 49-16

Сыр ту патяндыян дэ Иисусостэ, то Дэвэл простиндя тырэ бэзэха пал дава со Иисусо сын жэртва. Кана Дэвэл гинэл тут пэскирэса манушэса.

Frame 49-17

Сыр ту — пэскиро Дэвлэскэ, сыр ту слуга Иисусоско, а Иисусо — тыро Хулай, то ту закамэса тэ кэрэс саро, со лэла тут тэ сыклякирэл Иисусо. Сыр ту патяндыян дэ Иисусостэ, всаек бэнг лэла тут тэ залыджял до бэзэх. Нэ Дэвэл лэла тэ кэрэл со ракирдя. А ёв ракирдя, со сыр ту приджинэс пэскирэ бэзэха и мангэс ко Дэвэл тэ простинэл тут, то Ёв простинэла тут и дэла тукэ зор тэ на кэрэс бэзэх.

Frame 49-18

Дэвэл камэл, со ту тэ мангэспэ и тэ сыклёс дэ Лэско лав. Ёв адякэ ж камэл, соб ту тэ поклонинэспэ Лэскэ одолэнса кон джял пал Иисусостэ. Адякэ ж ту трэби тэ роспхэнэс авирэнгэ манушэнгэ, со Ёв кэрдя ваш тукэ. Сыр ту авэса тэ кэрэ саро, со ракирэл тукэ Дэвэл, то тыро джиипэн авэла бахтало Дэвлэстыр.

Библейско история бичявдо Павлостыр ко Рымляны 3:21-26, 5:1-11, Евангелия Иоанностыр 3:16 Маркостыр 16:16, Павлостыр кэ Колосяны 1:13-14; из 2 Павлостыр кэ Корынфяны 5:17-21 и 1 Иоанностыр 1:5-10