Baltic Romani: unfoldingWord® Open Bible Stories

Updated ? hours ago # views See on DCS Draft Material

40. Иисусос примардэ ко трушул.

Frame 40-01

Тэнче сыр счингирдэ чукненса римска мануша лыджинэ Иисусос, соб тэ прымарэн Лэс по трушул. Ёнэ дынэ Лэскэ тэ лыджял трушул, пэ саво Лэс прымарэна.

Frame 40-02

Иисусос яндэ по штэто, саво кхарэлпэ Голгофа, пэ саво ракирэн «Черепо». Одой Лэс примардэ ко трушул, примардэ Лэскирэ васта и гэра. Иисусо подыкхья до болыбэн и пхэндя: «Дадо, простинэ лэн, пал дава со на джинэн, со кэрэн». Римска мануша примардэ табличка паш шэро Иисусоско. Пэ латэ сыс чиндо «Царё иудейско», сыр припхэндя тэ чинэ Пилато.

Frame 40-03

Римска мануша чурдэнас жребиё, соб тэ джинэн, конэскэ дорэсэлапэ Иисусоскири идя. Адякэ сыс сыр пхэндэ пророки дэ Дэвлэско Лав: «Ёнэ росчурдынэ идя машкир пэстэ и чурдэнас пал латэ жребиё».

Frame 40-04

Паш Иисусостэ сыс примардэ дуй чёра, чудэ лэнгирэ трушила пэ дуй рига Лэстыр. Екх чёр лыя тэ подсал Иисусос, а авир пхэндя лэскэ: «Хиба ту на дарэс, кай Дэвэл марла тут? Амэ бангэ дэ дова со кэрдям дэ, а адава Мануш нанэ банго ни дэсо». Тэнче ёв пхэндя Иисусоскэ: «Мангав Тут, зрипир ман, сур явэса дэ Пэскиро Царство». Иисусо пхэндя лэскэ: «Дадэвэс ту авэса Манса дэ раё».

Frame 40-05

Сарэ мануша, и барэ рашая, мануша савэ куч джинэн Законо и пхурэ мануша подсанас Иисусос. Ёнэ ракирэнас Лэскэ: «Сыр Ту — Дэвлэскиро Чяво, то зджя трушулэстыр и заракх кокоро Пэс! Тэнче амэ патяса дэ Тутэ».

Frame 40-06

И болыбэн покалыя, а и сыс ада машкир дэвэс. И дава калыпэн джялас трин чясы.

Frame 40-07

Тэнче Иисусо дрыван пхэндя: «Скэрдяпэ! Дад, Мэ одав Миро Духо дэ Тырэ васта». Тэнче Ёв обмэкья шэро и мэя. И лыя тэ тринскирэлпэ пхув. А дэ Кхыр Дэвлэско бари цэрга, сави закэрэл манушэн Дэвлэстыр, росчиндяпэ пэ дуй рига упрал кэ низо.

Frame 40-08

Кана сыр Иисусо мэя Ёв откэрдя дром манушэнгэ, соб сарэ тэ явэн ко Дэвэл. Сыр римско мануш, саво ракхэлас Иисусос, удыкхья саро, со сыс, ёв пхэндя: «Адава Мануш чячё сыс нанэ банго! Ёв — Дэвлэско Чяво».

Frame 40-09

Тэнче дуй мануша — Иосифо мануш иудейсконэ шэралэндыр и фарисеё Никадимо — явнэ ко Пилато тэ мангэн кэ ёв трупо Иисусоско. Ёнэ патянас со Иисусо сыс Мессия. Иосифо и Никадимо закэрдэ трупо дэ цэрга, отлыджинэ кэ гробница, сови кэрды дэ бэрга, и чидэ Лэс одорик. Тэнче ёнэ причидэ баро бар кэ гробница, соб тэ на заджял ни кон.

Библейско история Евангелия Матфеёстыр 27:27-61, Евангелия Маркостыр 15:16-47, Евангелия Лукастыр 23:26-56 и Евангелия Иоанностыр 19:17-42